AMAKURU

UKWEZI
pax

Kigali : Bunani ari gushimwa nk’intwari nyuma yo kurokora umwana

Kigali : Bunani ari gushimwa nk’intwari nyuma yo kurokora umwana
3-02-2020 saa 19:28' | By Nsanzimana Ernest | Yasomwe n'abantu 13337 | Ibitekerezo 12

Abaturage bakomeje gushima ubutwari bw’umugabo wagaragaye mu mashusho arohora umwana wari ugiye gutwarwa n’amazi y’imvura muri ruhurura ya Nyabugogo mu mpera z’icyumweru gishize.

Uyu mugabo witwa Bunani Jean Claude avuga ko kurokora uyu mwana yabikoze nyuma yo kubona ko abandi bantu bari bahagaze gusa bafotora kandi ubuzima bw’uwo mwana buri kujya mu kaga

Hari ku wa Gatandatu tariki ya mbere Gashyantare 2020, nyuma y’imvura nyinshi yari imaze kugwa mu Mujyi wa Kigali. Akana kari mu kigero cy’imyaka 10 kagaragaye gahagaze rwagati mu mazi ya ruhurura ya Nyabugogo bigaragara ko amazi yendaga kugatwara.

Amakiriro yako yaje guturuka ku mugabo witwa Bunani Jean Claude wahageze agasanga benshi bafata amashusho abandi babuze uko bifata. Uku ni ko nyirubwite abisobanura.

Ati “Nahageze mbona abantu bashungereye gusa, hanyuma ndareba mbona nidukomeza kurangara twese uyu mwana ashobora kubigenderamo. Nahise nsaba urwego ndamanuka njyamo, icyo nabwiye uyu mwana ni ukumusaba kwambura imyenda yari yambaye kugira ngo idakomeza kuremera, njyamo ndamuheka mwurirana ku rwego ndamuzamukana.”

Uyu Bunani afite imyaka 26 y’amavuko akaba akomoka mu Karere ka Huye mu majyepfo y’u Rwanda. Ngo ni ho yasize umugore n’umwana umwe, aje i Kigali kubahahira, akaba asanzwe akora imirimo y’ingufu mu bice bya Nyabugogo i Kigali.

Amanuka muri aya mazi ntiyari yitaye ko na we yashoboraga gutwarwa na yo. Avuga ko akimara kuzamura uyu mwana atongeye kumubona kuko hari abahise bamutwara.

Yishimira ko yamutabaye gusa ngo ababazwa n’uko ubwo yamanukaga mu mazi bahise bahamutwarira telefoni.

Mu gitondo cyo kuri uyu wa mbere hari amakuru yavugaga ko uyu mugabo abantu bari bahari ngo bamuhundagajeho amafaranga, ndetse bamwe babariraga muri za miliyoni, ariko we arabihakana.

Ati “Oya daaa ! Ni ibihumbi 6, umuzungu yampaye 5, undi mumotari ampa igihumbi kandi bitatu na byo nahise mbiha abamfashije kubona urwego.”

Bamwe mu baturage bari bahari arokora ubuzima bw’uyu mwana ndetse n’abamubonye ku mashusho barashima ubutwari bwe

Ndahimana Sanuel ati “Ni ubutabazi bukomeye yakoze kabisa akwiye no kubihemberwa kwitangira uriya mwana w’Igihugu.”

Murekatete Marie Louise we yagize ati “Ubwo rero abantu babibonye n’ukuntu tubyumva, ndumva njyewe akwiye ishimwe rikomeye. Njyewe ku bwanjye mfite n’inka nayimuha.”

Ubwo twakoraga iyi nkuru, twagerageje gushakisha uyu mwana bivugwa ko ari umwe mu bibera mu muhanda bakunze kwita aba marine ariko ntitwamubona, habe n’umwirondoro we.

Bunani wamurohoye avuga ko amazi yamuvanye mu bice bya ruguru aho yari aryamye akamumanukana amugejeje hepfo gato y’ikiraro afata ku ibuye arihagaragaho. Haburaga gato ngo amazi amutware.

RBA


INKURU ZA :
Tanga Igitekerezo
Ibitekerezo 12
Solange Kuya 14-02-2020

Yakoze neza cyane kdi Imana idakiranirwa ngo yibagirwe imirimo izabimwibukire.

Solange Kuya 14-02-2020

Yakoze neza cyane kdi Imana idakiranirwa ngo yibagirwe imirimo izabimwibukire.

Solange Kuya 14-02-2020

Yakoze neza cyane kdi Imana idakiranirwa ngo yibagirwe imirimo izabimwibukire.

Solange Kuya 14-02-2020

Yakoze neza cyane kdi Imana idakiranirwa ngo yibagirwe imirimo izabimwibukire.

Solange Kuya 14-02-2020

Yakoze neza cyane kdi Imana idakiranirwa ngo yibagirwe imirimo izabimwibukire.

Hakuza Kuya 7-02-2020

Ndamushima nang

iganze Kuya 4-02-2020

Bunani musabiye gushyirwa mu ngabo z ;Igihugu zirwanira mu mazi (marines)

Alfa Kuya 4-02-2020

Byiza cyane, byahuriranye n’umunsi w’intwari ! Gusa niba mwibuka inkuru y’umunya Mali w’umu sans papiers warokoye umwana mu Bufransa agiye guhanuka muri étage, agahembwa ubwenegihugu no gushyirwa mu ikipe y’abarwanya inkongi, Gasama ubutwari bwe bwamuzamuye mu ntera ndetse arashimwa. Kuki se uyu wacu we na we wabaye spider man atahemberwa ubumuntu yagize ? Mumukorere ubuvugizi ntibigarukire aho. Murakoze

NYINAWINGERI Rebecca Kuya 4-02-2020

Ndashimira cyane kwitanga yagize Imana imuhe umugisha. Natwe birakwiye kugira ubumuntu nku bwa bunani Jean Claude ntikukarebere Kandi tufite icyo twakora murakoze cyane.

NYINAWINGERI Rebecca Kuya 4-02-2020

Ndashimira cyane kwitanga yagize Imana imuhe umugisha. Natwe birakwiye kugira ubumuntu nku bwa bunani Jean Claude ntikukarebere Kandi tufite icyo twakora murakoze cyane.

Hategekimana pierre Kuya 3-02-2020

uwomugabo warokoye uwomwa afite indangagaciroy yabanyarwand nabandiba mwigireho

bobo Kuya 3-02-2020

ariko ubundi uriya mwana hariya yari yahageze ate

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA