konka coffee
KONKA

AMAKURU

UKWEZI

Kigali: Abaturage bari bamaze amezi atatu bataka umunuko baterwa n’imyanda basubijwe

Kigali: Abaturage bari bamaze amezi atatu bataka umunuko baterwa n’imyanda basubijwe
4-06-2018 saa 14:08' | By Akayezu Jean de Dieu | Yasomwe n'abantu 1975 | Ibitekerezo

Kompanu ya AGRUN Ltd ikusanya ikanatwara imyanda iyikuye mu ngo z’abaturage bo mu bice bitandukanye by’Umujyi wa Kigali no hanze yaho yakemuye ikibazo cy’abaturage bo mu Murenge wa Nyamirambo, akarere ka Nyarugenge mu Mujyi wa Kigali baheruka kuyishyira mu majwi bavuga ko barembejwe n’umunuko baterwa n’imyanda barunze bagategereza ko imodoka z’iyi komapnyi ziza kuyitwaga bagaheba kandi baravugaga ko bishyura neza amafaranga y’imyanda.

Abaturage bo muri uyu murenge bari babwiye ikinyamakuru Ukwezi.com mu ntangiro z’Icyumweru gishize ko barembejwe cyane n’umunuko baterwa n’imyanda kandi ngo ku ruhande rwa kompanyi ishinzwe kuyitwara ikaba ibishyuza amafaranga ya buri kwezi mu gihe bo imyanda yari imaze amezi asaga atatu irunze mu ngo zabo.

Ku Gatandatu tariki 3 Gicurasi 2018, nibwo abakozi b’iyi kompanyi babyukiye mu mukwabo udasanzwe bari kumwe n’umuyobozi wabo aho bari bazanye ibikamyo bya rutura byo gutunda iyi myanda yari imaze guteza ikibazo mu ngo z’abaturage bavuga ko barembejwe n’umunuko.

Umuyobozi w’iyi kompanyi, Mitari Diogene, yavuze ko impamvu zari zabateye gutinda gutwara iyi myanda bikagera n’aho abaturage bijujuta ngo ni uko bahuye n’ibihe by’imvura idasanzwe imaze iminsi igwa ndetse ngo nyuma y’iyi mvura habayeho ikibazo cy’uko imodoka zabo zagize ibibazo birimo kugwa cyane ko imihanda imwe n’imwe bakoresha bajya gutunda imyanda usanga ifite ibibazo byo kwangirika.

Mitari Diogene kandi yakomeje avuga ko ubusanzwe bakorana neza n’abaturage ndetse imyanda yabo bakaba bari basanzwe bayijyana mu gihe nyacyo ariko ikibazo cyabayemo mu minsi ishize ari icy’imvura idasanzwe

Yagize ati “Muby’ukuri mu minsi ishize twahuye n’ikibazo ngira ngo twese turakizi, imvura yaraguye imara igihe kinini igwa kandi kirenga gisanzwe igwamo, iyo imvura iguye ari nyinshi yangiza imihanda nicyo cya mbere, imihanda tunyuramo ntabwo ari kaburimbo imyinshi iba ari ibitaka"

Yakomeje agira ati “Icyo rero nicyo cyabaye amvura yaraguye ari imihanda dutwaramo imyanda ijya mu ngo z’abaturage, ari imihanda ijya ku kimoteri ndetse n’ikimoteri ubwacyo cyaruzuye, bituma bihagarika uko serivisi yagombaga gutangwa, rero abaturage bihangane ibi ntabwo byongera kubaho ubu natwe ikibazo twagihagurukiye turanasaba abaturage kujya badufasha bagatanga umusanzu kuko umusanzu baduha niwo udufasha gukoresha n’izo modoka iyo zagize ikibazo”

Iyi kompanyi ya AGRUN Ltd itwara imyanda mu mirenge 13 yo mu Mujyi wa Kigali irimo Jali, Kimironko, Kanombe, Rwezamenyo, Kigali, Kinyinya n’indi mirenge itandukanye, bakaba kandi bakorera mu karere ka Muhanga, ndetse no mu bihugu bihana imbibe n’u Rwanda birimo Uganda na DR Congo. Abakozi b’iyi kompanyi bazindukiye mu mukwabu wo gutwara iyi myanda yari imaze amezi atatu mu ngo z’abaturage

Mitari Diogene, Umuyobozi wa Kompanyi AGRUN Ltd yavugwagaho kumara amezi atatu yararangaranye abaturage


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...