AMAKURU

UKWEZI
pax

Kaminuza ya Kibungo ’INATEK’ yahagaritswe burundu

Kaminuza ya Kibungo  ’INATEK’ yahagaritswe burundu
30-06-2020 saa 22:20' | By Nsanzimana Ernest | Yasomwe n'abantu 3635 | Ibitekerezo 4

Minisiteri y’Uburezi (MINEDUC) yafunze burundu Kaminuza yigenga ya UNIK yo mu Karere ka Ngoma mu Ntara y’Iburasirazuba (yahoze yitwa INATEK), nk’uko bigaragara mu rwandiko iyo Minisiteri yasohoye kuri uyu wa 30 Kamena 2020.

Iyi Kaminuza imaze igihe ivugwamo ibibazo birimo kumara igihe kinini idahemba abakozi, ubuyobozi bwayo bukavuga ko biterwa n’ikibazo cy’amikoro make. Mineduc yavuze ko mu bibazo iyi kaminuza yari ifite harimo n’icyo gucunga nabi umutungo.

Mu ibaruwa, Minisiteri y’Uburezi yasohoye none yavuze ko iyo kaminuza yananiwe gutanga uburezi bufite ireme, ikaba ari yo mpamvu yafunzwe, imirimo yayo yose yahise ihagarikwa guhera ku itariki ya 01 Nyakanga 2020.

MINEDUC yasabye ubuyobozi bw’iyo kaminuza kwihutira gufasha abanyeshuri kugira ngo babone ibyangombwa byatuma bagana izindi kaminuza zigisha nk’ibyo bigaga kugira ngo zibakire bazabashe gukomeza kwiga nta zindi nzitizi bahuye na zo.

Kaminuza ya Kibungo ibaye Kaminuza ya mbere ihagaritswe burundu mu Rwanda kuko Kaminiza ya Gitwe ariyo yabanje kugira ibibazo by’ireme ry’uburezi ariko yo ntabwo yahagaritswe ahubwo hahagaritswe amwe mu masomo yigishaga abanyeshuri bigaga muri ayo mashami boherezwa muri Kaminuza y’u Rwanda.


INKURU ZA :
Tanga Igitekerezo
Ibitekerezo 4
Bucyensenge Kuya 2-07-2020

Ese buriya ntihari kubanza iyitwa Christian University ?
yo iri inyuma ya INATEK kure .Yaba ari kudahemba abakozi, ireme ryuburezi ryayo rirakemangwa cyane

uwera esp Kuya 1er-07-2020

Bihangane pe

Pascal Nzeyimana Kuya 1er-07-2020

Ntibyoroshye pe kuko tumaze imisi tumvako abakoze biriya kaminuza badahebwa ?gusa gusa ubuyobozi bwiyo kaminuza bugashe abanyeshuri bahigaga bazabone ibyangobwa,murakoze cyane,Duherereye kayonza iburasirazuba

Pascal Nzeyimana Kuya 1er-07-2020

Ntibyoroshye pe kuko tumaze imisi tumvako abakoze biriya kaminuza badahebwa ?gusa gusa ubuyobozi bwiyo kaminuza bugashe abanyeshuri bahigaga bazabone ibyangobwa,murakoze cyane,Duherereye kayonza iburasirazuba

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...