konka coffee
KONKA

AMAKURU

UKWEZI
Minijust

Inyange yahagaritse kwakira amata mu mpera z’ icyumweru, abadepite bayisuye

Inyange yahagaritse kwakira amata mu mpera z’ icyumweru, abadepite bayisuye
8-01-2019 saa 15:47' | By Nsanzimana Ernest | Yasomwe n'abantu 4061 | Ibitekerezo

Mu Rwanda ikibazo cy’ ibura ry’ isoko ry’ amata kimaze gufata indi ntera. Nyuma y’ amezi make humvikanye inkuru y’ uko hari Abanyarwanda bagaburira ingurube amata kubera kuyaburira isoko, Uruganda rwa Inyange ruza ku isonga mu gutunganya umusaruro mwinshi w’ imbuto n’ amata rwahagaritse kwakira amata y’ aborozi mu mpera z’ icyumweru.

Tariki 27 Ukuboza 2018 nibwo uruganda rwa Inyange rwatangaje ko rutazongera kwakira amata mu mpera z’ icyumweru. Byumvikanye nk’inkuru nziza ku Banyarwanda bakeneye amata kuko igiciro bayaguragaho cyahise kigwa ariko ni inkuru mbi ku borozi kuko bavuga ko bakorera mu gihombo nk’ uko babitangarije Flash FM.

Umworozi yagize ati “Igihombo kirahari ku baturage kuko litiro 50 wakama ku munsi ntabwo wazinywa ngo uzimare, muri iki cyumweru n’igitaha ngo wongere uzinywe uzimare kandi inka zikeneye imiti, zikeneye umushumba”

Abaturage bo mu karere ka Nyagatare kari mu turere turangwamo inka nyinshi mu Rwanda ubu mu mpera z’ icyumweru litiro y’ amata barayigura amafaranga 100 cyangwa 150. Ni mu gihe iyo umworozi agemuye amata ku ikaragiro litiro bayimugurira kuri F200.

Umuturage umwe mu bagura amata ati “Imvura yaraguye ubwatsi buraboneka n’ amata araboneka. Byakomeza gutya tukinywera tukabaho neza”

Ishami ry’ uruganda rw’ Inyange ruri mu karere ka Nyagatare ku munsi ryakira litiro ibihumbi 65 z’ amata bivuze ko mu cyumweru litiro ibihumbi 100 ziburirwa isoko kuko ku wa Gatandatu no ku Cyumweru uru ruganda nta mata rwakira.

Abadepite bagize Komisiyo y’ Ubuhinzi n’ Ubworozi kuri uyu wa 7 Mutarama 2019 basuye uruganda rw’ Inyange basanga mu bubiko harimo amata menshi yabuze isoko. Abadepite bavuga ko imwe mu mpamvu ituma aya mata atabona isoko ari uko ari ku giciro kitoroheye buri munyarwanda.

Abadepite basuye uru ruganda mu gikorwa Komisiyo y’Ubuhinzi, Ubworozi n’Ibidukikije imazemo hafi amezi abiri cyo kureba uko umusaruro ukomoka ku buhinzi n’ubworozi uboneka, uko utunganywa, uko ugezwa ku isoko n’akamaro ufitiye abaturage no kureba aho ubushakashatsi bwo gutuburira imbuto hano mu gihugu bugeze.

Ubuyobozi bw’ Uruganda rwa Inyange buvuga ko imihanda idahagije no kuba mu Rwanda gupfunyika mu masashi bitemewe bituma amata y’ uru ruganda ahenda ntashobore guhangana ku isoko mpuzamahanga.

Umuyobozi w’ ihuriro ry’ amakoperative y’ amata mu Rwanda Gahiga Gashumba asanga mu Rwanda hakenewe uruganda rutunganya amata rukanayakoramo ibiribwa n’ ibinyobwa bimara igihe kirekire.

Yagize ati “Umuguzi twari dufite yari Inyange. Umuti urambye ni uko haboneka urundi ruganda rushobora kwakira ayo mata rugakoramo amata y’ ifu ashobora kumara igihe kirekire. Ubu mu bihe biri imbere izuba ni ryaka uzasanga nanone amata yabuze”

Gahiga Gashumba avuga ko amata agize ibindi biribwa cyangwa ibinyobwa akorwamo nabyo byaba igisubizo kuri uyu musaruwo w’ amata uri kubura isoko. Gusa ngo umuti urabye ni uko haboneka urundi ruganda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...