konka coffee
KONKA

AMAKURU

UKWEZI
Minijust

Icyo u Rwanda rutekereza ku bihugu by’ abaturanyi bititabiriye Kwibuka25

Icyo u Rwanda rutekereza ku bihugu by’ abaturanyi bititabiriye Kwibuka25
11-04-2019 saa 22:32' | By Nsanzimana Ernest | Yasomwe n'abantu 10844 | Ibitekerezo 3

Umunyamabanga wa Leta muri Minisiteri y’ Ububanyi n’ amahanga ushinzwe Afurika y’ Iburasirazuba Olivier Nduhungirehe asanga ibihugu by’ abaturanyi bititabiriye ibikorwa byo gutangiza kwibuka ku nshuro ya 25 Jenoside yakorewe abatutsi nta kibazo kirimo kuko bishobora kuba byaratewe na gahunda zindi abakuru b’ ibihugu bari bafite.

Yabitangarije mu kiganiro yahuriyemo n’ umunyamakuru Oswald Mutuyeyezu na Jean de la Croix Tabaro cyatambutse kuri KT Radio kuri uyu wa 11 Mata 2019.

Iki kiganiro kibanze k’ umubano w’ u Rwanda n’ ibihugu by’ amahanga nyuma ya Jenoside yakorewe abatutsi, gikomoza ku ngingo zirimo no kuba Abanyamahanga baratereranye abatutsi bicwaga mu 1994 no bakwishyuzwa indishyi z’ akababaro.

Nduhungirehe yavuze ko aribyo koko Abanyamahanga batereranye abatutsi bicwaga muri Jenoside yakorewe Abatutsi atanga urugero rw’ ingabo z’ Ububiligi zuriye indege zigasubira iwabo zitereranye abatutsi 5500 bari bahungiye mu ishuri rya Eto Kicukiro bigatuma abatutsi 2000 bicwa.

Nduhungirehe yavuze ko bimwe muri ibi bihugu byemeye ko byakoze amakosa bikanasaba imbabazi. Yavuze ko Bill Clinton wahoze ari Perezida wa Leta zunze ubumwe za Amerika yasuye u Rwanda mu 1998 agasaba imbabazi kuko igihugu cye cyatereranye abatutsi mu 1994. Ngo ikindi gihugu cyasabye imbabazi ni Ububiligi mu mwaka wa 2000.

Nubwo ibi bihugu byasabye imbabazi ariko nabyo biri mu bihugu bipfobya imibare y’ abishwe muri Jenoside yakorewe abatutsi bigatangaza ko yahitanye abatutsi ibihumbi 800 nyamara ibarura u Rwanda rwakoze muri 2002 ryaragaragaje ko Jenoside yakorewe abatutsi yahitanye abatutsi barenga miliyoni.

Abanyapolitiki n’ ibitangazamakuru mpuzamahanga batangaza ko yahitanye ibihumbi 800 bavuga ko ari umubare bakesha Umuryango w’ Abibumye.

Nduhungirehe ati “Iyo Loni ivuga ko hapfuye ibihumbi 800 yababaze ryari kandi yari yigendeye. Uwo mubare ni umubare bafashe batura aho ngaho”

Ku birebana no kuba u Rwanda rwahabwa indishyi z’ akababaro n’ abanyamahanga barutereranye, Nduhungirehe avuga ko kugeza ubu hari ibihugu bitarasobanukirwa Jenoside yakorewe abatutsi kandi ngo ni cyo kigomba kubanza.

Kuri Jenoside yakorewe abatutsi, ikindi bamwe mu banyamahanga badahuzaho n’ u Rwanda ni inyito. Abanyamahanga bamwe bayita ‘Jenoside y’ Abanyarwanda: Genoside Rwandais’ nyamara Umuryango w’ abibumbye uherutse kwemera inyito ‘Jenoside yakorewe abatutsi’.

Nduhungirehe avuga ko nabyo ngo byabaye urugamba rutoroshye kugira ngo Loni yemerewe inyito ‘Jenoside yakorewe Abatutsi’.

Abakuru b’ ibihugu by’ Abaturanyi ntibitabiriye gutangiza kwibuka 25

Mu bakuru b’ ibihugu bitabiriye harimo abo mu bihugu bya kure y’ u Rwanda birimo Niger, Congo Brazzaville na Djibouti nyamara ibihugu nka Kenya, Uganda, Repubulika ya Demukarasi ya Kongo, Burundi, Tanzania abaperezida babyo ntabwo bitabiriye uyu muhango wabaye tariki 7 Mata 2019.

Tanzania yahagarariwe na Minisitiri w’ Intebe. Nduhungirehe asanga kuba aba baperezida bataritabiriye atari ikibazo kuko kutitabira bishobora guterwa na gahunda zindi nk’ amanama bashobora kuba bari bafite kuri iyi tariki ya 7 Mata.

Indi mpamvu yatanzwe n’ Umunyamakuru Oswald Mutuyeyezu ni uko muri aba baperezida harimo abari baherutse mu Rwanda nka Perezida wa RDC Felix Tshisekedi na Perezida wa Kenya Uhuru Kenyatta.

Nduhungirehe yanavuze ko bamwe muri aba baperezida b’ abaturanyi batitabiriye uyu muhango harimo abohereje ubutumwa bwo kwifatanya n’ u Rwanda gusa ntabwo yavuze amazina yabo.


INKURU ZA :
Tanga Igitekerezo
Ibitekerezo 3
Mutunzi Major Freddy Kuya 13-04-2019

Ooh pole cyane kubahuye namahano nkariya ntobasha kuvuga birababaje pe ariko ntakundi nibihangane Mana uzarinde africa gusubira mubihe bibi nkibyahise.

Minani Kuya 12-04-2019

Honorable Nduhungirehe akunda itangazamakuru cyane na social media ariko rizamukoresha penalities.Nyakubahwa Mushikiwabo yasubizaga gake wenda ibibazo byarabaye byinshi ariko akabisubiza koko.

Murugo Kuya 12-04-2019

President wacyo gihe wa amerika ngo yali Bush ahubwo yali Bili Clinton.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...