AMAKURU

UKWEZI
pax

Ibyo wamenya ku ’kiganza’ cyashyizwe hafi ya Kigali Convention Center

Ibyo wamenya ku ’kiganza’ cyashyizwe hafi ya Kigali Convention Center
5-12-2019 saa 16:34' | By Nsanzimana Ernest | Yasomwe n'abantu 9181 | Ibitekerezo 4

Ku mbuga nkoranyamabaga zitandukanye hakwirakwiye ifoto y’ igihangano gishya cy’ Ikiganza kinini cyashyizwe kuri Kigali Convetion Center. Iki kiganza gisobanura ‘kurwanya ruswa no gukorera mu mucyo nk’ uko byatangajwe na Minisitiri w’ Ubutabera akaba n’ intumwa nkuru ya Leta Johnston Busingye.

GORILLA GAMES

Ku wa Mbere tariki 9 Ukuboza 2019, u Rwanda ruzakira umuhango wo gutanga ibihembo mpuzamahanga byo kurwanya ruswa bizaba bitanzwe ku nshuro ya 4.

Bimaze kuba umuco ko igihugu cya Qatar gitera inkunga iyubakwa ry’ igihangano cyo kurwanya ruswa kuri buri gihugu cyakiriye uyu muhango.

Iki gihangano gikoze mu byuma kizamurikwa ku mugaragaro ku wa Mbere nk’ uko byatangajwe na Minisitiri w’ Ubutabera akaba n’ Intumwa nkuru ya Leta , uyobora Minisiteri iri gutegura uyu muhango.

Yagize ati “Ifoto y’ igishusho iri kuzenguruka ku mbuga nkoranyambaga ni igihangano cy’ ikiganza gisobanura gukorera mu mucyo”.

Akomeza avuga ko iki gihangano kigaragaza indangagaciro za Anti-Corruption Excelent Awards(ACE awards). Ati “Ni ikiganza gifunguye bivuze ko ntacyo guhisha ku isi, ni ugukorera mu mucyo bivuze ko kandi ko abatsinda bafite ubushake bwo gufasha aho bakomoka”.

Iki gihangano cyakozwe n’ umunyabugeni witwa Ahmed Al Bahran wo muri Iraq. Igihangano nk’ iki cyashyizwe no muri Malaysia, Geneva, no ku kicaro cy’ umuryango w’ abibumbye I Vienne (UNOV) muri Austria. Aha hose ni aho bamaze kwakira itangwa ry’ ibihembo ku ndashyikirwa mpuzamahanga mu kurwanya ruswa.

The New Times yasubiyemo amagambo ya Busingye ko ‘impamvu u Rwanda rwahiswemo ngo rwakire uyu muhango ari ukubera ubushake bwa Perezida w’ u Rwanda Paul Kagame na guverinoma y’ u Rwanda mu kurwanya ruswa.

Raporo iheruka y’ umuryango mpuzamahanga urwanya ruswa n’ akarengane Transparency International yashyize u Rwanda ku mwanya wa 4 muri Afurika mu bihugu bifite ruswa nke. U Rwanda ruri inyuma ya Seychelles, Botswana na Cap Verde.


INKURU ZA :
Tanga Igitekerezo
Ibitekerezo 4
ISHIMWE VALENS Kuya 11-12-2019

njye ndabona atari ikiganza cy’umuntu rwose.ese Musumbazose kuki akurikiye Nyangufi murizo ??? ese Nyangufi murizo kuki yasumbye mukuru wa Meme ???bibaye byiza cyasubirwamo

Frank Kuya 9-12-2019

Iki kiganza gikoze nabi urutoki rwa 2 uvuye ku gikumwe ntabwo rugomba gusumba urwa 3(musumbazose) bityo rero design y’ikiganza igomba kujyana n’imiterere yacyo muri rusange.ni ukureba ibyuma bimwe bakuraho.

Alex Kuya 7-12-2019

Kuvuga ngo "rwahiswemo" si byo rwose. Mwari mukwiye kuvuga" impamvu u Rwanda rwatoranyijwe, cg udashatse gukoresha voix passive, ukavuga ngo impamvu kanaka yatoranyije u Rwanda,....

Rugamba charles Kuya 6-12-2019

Wagirango nikiganza cya muzehe wacu ari kwiyamamaza bwa gatatu kkkkkkkkkkk

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...