AMAKURU

UKWEZI
ubumwe

Ibigo Leta yohereje mu mujyi wa Huye byatangiye kuhagera

Ibigo Leta yohereje mu mujyi wa Huye byatangiye kuhagera
14-12-2019 saa 09:57' | By Nsanzimana Ernest | Yasomwe n'abantu 3695 | Ibitekerezo

Ikigo cy’ igihugu cy’ ingoro z’ umurage w’ u Rwanda cyatangaje ko guhera ku wa Mbere tariki 16 Ukuboza 2019 kizatangira gukorera mu karere ka Huye.

Ni mu gihe hashize amezi 4 guverinoma y’ u Rwanda ifashe icyemezo cyo kwimurira mu mijyi yunganira Kigali ibyicaro bikuru bya bimwe mu bigo bya Leta.

INMR yatangaje ko ikicaro cyayo gishya kizaba kiri ahasanzwe yakorera Ingoro y’ Amateka y’ Imibereho y’ Abanyarwanda.

Ibigo 5 bigomba kwimukira mu karere ka Huye harimo Ikigo gishinzwe guteza imbere ubuhinzi n’ubworozi, RAB, Inama y’amashuri makuru na kaminuza, HEC, ikigo cy’igihugu cy’ingoro z’umurage w’u Rwanda, INMR, Servisi nyinshi z’ikigo cy’ubushakashatsi mu by’inganda, NIRDA, Inteko Nyarwanda y’Ururimi n’Umuco ndetse n’ikigo cy’igihugu cy’ubumenyingiro WDA.

Inama y’ Abamaminisitiri yabaye mu kwezi kwa Nyakanga uyu mwaka niyo yafashwe ko bitarenze uyu mwaka wa 2019 bimwe mu bigo bya Leta bigomba kuba byamaze kwimukira mu mijyi yunganira Kigali.

Minisitiri w’ibikorwa remezo Amb. Claver GATETE asobanura ko Kwimura ibigo n’izindi nzego za Leta zikajya gukorera hirya no hino mu mijyi y’uterere biri mu murongo wa Leta y’u Rwanda wo kwihutisha iterambere ry’imijyi y’uturere.

Menya ibigo bizajya gukorera mu mijyi yunganira Kigali


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...