AMAKURU

UKWEZI
Canal+ christmax

Hatangajwe Serivisi z’ingenzi zizakomeza gukora zirimo ubuhinzi n’ubworozi

Hatangajwe Serivisi z’ingenzi zizakomeza gukora zirimo ubuhinzi n’ubworozi
20-01-2021 saa 07:17' | By Martin Niyonkuru | Yasomwe n'abantu 765 | Ibitekerezo

Minisiteri y’Ubutegetsi bw’Igihugu yagaragaje urutonde rwa Serivisi z’ingenzi zizakomeza gukora zirimo izijyanye n’ubuhinzi n’ubworozi n’inganda zitunganya umusaruro ubikomokaho ariko na bwo abakozi ntibarenge 30% y’abasanzwe bakora.

Izi serivisi z’ingenzi kandi zirimo izijyanye no kubaka ibikorwa remezo nk’amashuri ya Leta, amavuriro n’ibitaro ndetse no gusana imihanda y’ingezi mu Mujyi wa Kigali.

Harimo kandi ibikorwa byo gukwirakwiza amazi meza n’amashanyarazi no gutuza neza abaturage no kubakira abatishoboye.

Mu bijyanye n’ubuhinzi n’ubworozi, iri tangazo rivuga ko ibi bikorwa ubwabyo ni ukuvuga ubuhinzi, ubworozi n’uburobyi bizakomeza gukorwa.

Harimo kandi ibijyanye n’ubucuruzi n’inganda. Muri iki kiciro, iri tangazo rivuga ko inganda zitunganya umusaruro ukomoka ku buhinzi zizakomeza gukora.

Harimo inganda zitunganya ibikoresho by’isuku, izikora udupfukamunwa, ibirinda amaso n’amasarubeti yambarwa n’abakora kwa muganga.

Iri tangazo ryashyizweho umukono na Minisitiri w’Ubutegetsi bw’Igihugu, Prof Shyaka Anastase rivuga kandi ko ibindi bikorwa by’ingenzi byemerewe gukora ari iby’ubucukuzi bw’amabuye y’agaciro n’ibijyana na byo.

Minisiteri y’Ubutegetsi bw’Igihugu ivuga ko abakora muri izi serivisi bagomba kubanza gusaba uruhusa Minisiteri zifite mu nshingano ibikorwa byabo.

Ikanavuga ko ibi bikorwa byemerewe gukora, ntakurenza 30% by’abakozi ndetse isaha yo gutaha ikaba itagomba kurenza saa kumi n’ebyiri z’umugoroba (18:00).

UKWEZI.RW


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA