AMAKURU

UKWEZI

Hafashwe ingamba za vuba ku muhanda Kigali-Gatuna utakiri nyabagendwa

Hafashwe ingamba za vuba ku muhanda Kigali-Gatuna utakiri nyabagendwa
15-05-2018 saa 15:16' | By Akayezu Jean de Dieu | Yasomwe n'abantu 3105 | Ibitekerezo

Minisiteri y’Ibikorwa Remezo mu Rwanda yavuze ko yamaze gufata ingamba za vuba ku muhanda wa Kigali-Gatuna uherutse gusenyuka aho kuri ubu imodoka nini zitwara abagenzi n’izitwara imizigo ziganjemo izijya muri Uganda zigomba gukoresha imipaka ya Kagitumba na Cyanika mu gihe hategerejwe isozwa ry’imirimo yo gusana uyu muhanda izarangira ku wa Mbere.

Ku Cyumweru tariki 13 Gicurasi 2018, nibwo umuhanda Kigali-Gicumbi- Gatuna watangiye gusenyuka aho igice kimwe cyangiritse mu mudugudu wa Kagera, akagari ka Rwankonjo, Umurenge wa Cyumba yo muri Gicumbi Intara y’Amajyaruguru.

Ku munsi w’ejo wo kuwa mbere uyu muhanda waje gusenyuka ku rwego rwo hejuru ku buryo byateje ikibazo cy’uko imodoka nini zitwara abagenzi n’izindi zikorera imizigo zakumiriwe kongera kunyura muri uyu muhanda aho bivugwa ko zahanyuraga ukarushaho kugenda usenyuka.

Mu kiganiro n’abanyamakuru cyo kuri uyu wa Kabiri tariki 15 Gicurasi 2018 ,Umunyamabanga wa Leta muri Minisiteri y’Ibikorwa Remezo, Uwihanganye Jean de Dieu, yavuze ko iyi mvura iri kugwa muri uyu mwaka hashize imyaka 36 nta yindi nkayo igwa ari nayo mpamvu hirya no hino Ibiza bikomeje gufata indi ntera ari naho havuye iri senyuka ry’umuhanda Kigali-Gatuna.

Kuri uyu muhanda wangiritse ku buryo bukomeye, Minisitiri Uwihanganye yavuze ko mu ngamba zafashwe nyuma y’ibi biza byasenye uyu muhanda ari uko imodoka nini zakoreshaga uyu muhanda zijya muri Uganda ziraba zikoresha imihanda ya Kigali-Kayonza-Kagitumba na Kigali-Musanze-Cyanika mu gihe hategerejwe ko imirimo yo kuwusana izaba irangiye aho izarangira bitarenze ku munsi wa mbere tariki 20 Gicurasi 2018.

Minisitiri Uwihanganye kandi yakomeje avuga ko n’abaturage baturiye uyu muhanda wangiritse ku bufatanye na Minisiteri y’Ubutegetsi bw’Igihugu kuri ubu bari kwitabwaho abangirijwe n’ibi biza bakabasha gushakirwa uburyo basubizwa ibyabo byangijwe.

Minisitiri w’Ibikorwa Remezo Amb. Gatete Claver yavuze ko leta izakoresha amafaranga agera kuri miliyari 24 z’amafaranga y’u Rwanda (24,000,000,000Frw), mu isana ry’ibikorwa remezo byangijwe n’iyi mvura idasanzwe imaze iminsi igwa, hari kandi ngo n’ibyihutirwa buizatwara angana na miliyari enye (4,000,000,0000Frw). Muri ibi bikorwa remezo bizasanwa harimo imihanda, amashanyarazi, amazi n’ibindi. Umunyamabanga wa Leta muri Minisiteri y’Ibikorwa Remezo, Jean de Dieu Uwihanganye
Minisitiri muri Mininfra, Amb. Gatete Claver


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...