konka coffee
KONKA

AMAKURU

UKWEZI

Bombori bombori muri SACCO ya Kinyinya, impungenge ni zose ku bafitemo amafaranga

Bombori bombori muri SACCO ya Kinyinya, impungenge ni zose ku bafitemo amafaranga
10-01-2019 saa 12:11' | By Vincent Nsengiyumva | Yasomwe n'abantu 3584 | Ibitekerezo 31

Abanyamuryango ba Koperative Sacco Icyerekezo y’Umurenge wa Kinyinya mu Karere ka Gasabo mu Mujyi wa Kigali, bavuga ko bafite impungenge z’amafaranga yabo abitsemo nyuma y’iminsi havugwamo umwuka mubi no gucikamo ibice kw’ubuyobozi bwayo n’abakozi.

Ni ikibazo bavuga ko kimazemo iminsi, dore ko ngo cyanakurikiwe n’inkubiri yo kwirukana bamwe mu bari abakozi (abayobozi) mu buryo butavugwaho rumwe, ibintu byatumye umwuka mubi urushaho gututumba.

Mu kiganiro bagiranye na Ukwezi.rw bamwe mu banyamuryango b’iyi Koperative bahamya ko yari imaze gutera imbere ku buryo bufatika ngo ku buryo yari iri ku mwanya wa mbere mu gihugu, bigizwemo uruhare na bamwe mu bakozi bayo, ariko bakaba batunguwe n’uko aribo birukanwe ku ikubitiro ndetse bikaba byaranakozwe abanyamuryango batabanje kubimenyeshwa.

Abirukanwe muri iyi Sacco, ni Niwemugeni Chantal wari Umucungamutungo, Mutebutsi Espoir wari ushinzwe inguzanyo na Nambajimana Jean Damascene wari ushinzwe kwishyuza.

SACCO Icyerekezo Kinyinya ivugwamo amakimbirane mu bayobozi

Bamwe mu banyamuryango b’iyi Sacco bavuga ko mu buyobozi bwayo harimo amatiku n’amakimbirane, bikaba ariyo ntandaro yo kwirukanwa kwa bamwe mu bakozi mu buryo budasobanutse.

Umwe mu bakozi bo muri iyi Sacco utashatse ko amazina ye atangazwa, ashimangira ko hari amakimbirane amaze iminsi mu bakozi ndetse n’ubuyobozi bwayo, aho ngo banacitsemo ibice.

Yagize ati “Muri Sacco yacu habamo amatiku ndetse n’inzangano. Ni ibintu bituruka hejuru mu murenge. Usanga ntawe uvugana neza n’undi. Abayobozi bayo bahimbye ibintu babigereka ku mucungamutungo (manager) kandi ariwe wari umukozi w’indashyikirwa wanagize uruhare rukomeye mu iterambere ryayo. Ni ibintu bizwi uwo mukozi ntawe utazi ubwitange yagaragaje.”

Umunyamuryango wa Sacco Icyerekezo Kinyinya akanaba mu buyobozi bw’Umurenge wa Kinyinya utuye mu Kagali ka Kagugu nawe utashatse ko amazina ye atangazwa , yavuze ko amaze igihe yumva amatiku ari mu buyobozi bwayo, avuga ko hatagize igikorwa byabyara ikintu kitari cyiza.

Avuga ko uko kutumvikana no gucikamo ibice byatumye bamwe mu bakozi birukanwa mu buryo butashimishije abanyamuryango.

Ati “Muri Sacco yacu harimo umwuka mubi, harimo imvururu kandi ntabwo byadushimishije kuko byatumye bamwe mu bakozi twafataga nk’icyitegererezo birukanwa mu buryo natwe tutasobanukiwe.”

Niwemugeni Chantal wari Umucungamutungo muri iyi Sacco akaba ari umwe mu birukanwe, mu kiganiro kigufi yagiranye na Ukwezi, yemeza ko mu buyobozi bwa Koperative yabo harimo umwiryane no kutumvikana mu buyobozi, gusa yirinda kugira byinshi abivugaho.

Impungenge ni zose ku banyamuryango babitsa muri iyi SACCO

Bamwe mu banyamuryango babitsa muri iyi Sacco, bagaragaza ko bafite impungenge zikomeye z’amafaranga yabo abitsemo, kubera ibibazo biyirimo, zikiyongera ku kuba n’abakozi bizerwaga aribo birukanwe.

Umusaza witwa Munyankuyu Chrisostome watangiranye n’iyi Koperative avuga ko yatunguwe no kugera muri iyi Sacco agasangamo abakozi bashya atazi.

Ashimangira ko mu gihe cyose amaze akorana n’iyi Sacco nta kibazo na kimwe bigeze bagaragarizwa cya bamwe mu bakozi birukanwe mu buryo butumvikana.

Ati “Ubuyobozi bwariho bwari bwiza ntacyo twabushinjaga. Impungenge z’amafaranga yacu ntizabura kuko batuzaniye abakozi tutazi kandi bikaba byakozwe tutanabimenyeshejwe nk’abafatanyabikorwa.”

Umusaza wo mu mudugudu wa Dusenyi mu kagali ka Kagugu nawe wirinze ko amazina ye atangazwa uvuga ko amaze imyaka 4 ari umunyamuryango w’iyi Sacco, avuga ko bari kwibaza niba hari agaciro bahabwa n’ubuyobozi bwayo mu gihe hafatwa umwanzuro wo kwirukana abakozi hatabayeho kubamenyesha.

Yagize ati “Dusigaye twicara tukibaza icyo turi cyo muri iriya Koperative.Twibaza niba ari iy’umuntu ku giti cye cyangwa niba ari iy’abayobozi bayiyobora bikatuyobera.Ubundi ko Koperative atari iy’umuntu ku giti cye ni ukubera iki tudahabwa agaciro ngo tumenyeshwe ibiyiberamo nk’abanyamuryango?”

Akomeza avuga ko bakagombye gukoreshwa inama yaguye, ubugenzuzi bukabagaragariza amakosa yakozwe mu gihe ahari koko, maze bakagira uruhare mu gufata imyanzuro nk’abanyamuryango hatabayeho kwirukana abakozi mu buryo budasobanutse.

Ati “ Niba birukanye uwari ku mitungo yacu tutabizi, ubwo twagira ikihe cyizere cy’uko ibyacu biramahoro cyane ko bamwirukanye tutagaragarijwe impamvu!”

Abenshi mu banyamuryango batuganirije bahuriza ku kugira impungenge ku mafaranga yabo abikije muri iriya Sacco, bakavuga ko ibiri gukorwa bishobora kuba ari umugambi wo gushaka kubiba, cyane ko ngo Umucungamutungo utashyigikiraga amafuti bamaze kumwikiza.

Perezida wa Sacco Icyerekezo, Mutsindashyaka André yabwiye Ukwezi ko nta makimbirane ari hagati mu bakozi, anahamya ko abirukanwe ari uko batahuweho kutuzuza inshingano zabo mu kazi.

Yagize ati “ Nta Kibazo kidasanzwe gihari. Igihari ni uko hari abakozi bahagaritswe bisanzwe. Bakoze amakosa barirukanwa kandi ibyo birasanzwe mu kazi.”

Mutsindashyaka yakomeje avuga ko aba bakozi bazize amakosa y’imicungire mibi y’ikigo, ariko yirinda gutangaza igihombo cyaba cyaratejwe n’iyo micungire mibi.

Ikibazo cy’imikorere mibi y’Imirenge Sacco kiri mu bihangayikishije igihugu, aho kidasiba kugarukwaho n’abayobozi bakuru mu nama zitandukanye bakorera hirya no hino.

Ibibazo biri muri koperative zo kubitsa no kugurizanya byagarutsweho cyane mu nama y’igihugu y’umushyikirano iheruka ku wa 13-14 Ukuboza 2018, aho umwe mu myanzuro ikomeye yafatiwemo harimo uwo kunoza imikorere y’Umurenge Sacco muri rusange kugira ngo irusheho kugera ku ntego yashyiriweho no gufata ingamba zo kwishyuza vuba abayambuye.

JPEG - 51.6 kb

Koperative Sacco Icyerekezo y’Umurenge wa Kinyinya iri ku mwanya wa mberee mu gihugu


INKURU ZA :
Tanga Igitekerezo
Ibitekerezo 31
Nyundo Kuya 13-01-2019

Ndabona bitoroshye. Ese ubundi ko mbona iyi nkuru ibeshya. Umwe mu bavuzwe birukanywe nubu sinamubonye ari ku kazi. Ikindi wowe wiyise Gatare ujye ugerageza kugira ikinyabupfura guharabika abantu en plus ba bayobozi wowe ntacyo uricyo kizwi n’ubujiji no gusebanya. niba hari icyo ubashinja uzabarege nta muntu uri hejuru y’amategeko ariko gusebanya unavuga abantu mu mazina uzihane uri kwiyzngiriza isura kdi mu mutima wawe uriyizi. Ikorere igenzura rero wisubireho. Peace forever.

Nyundo Kuya 13-01-2019

Ndabona bitoroshye. Ese ubundi ko mbona iyi nkuru ibeshya. Umwe mu bavuzwe birukanywe nubu sinamubonye ari ku kazi. Ikindi wowe wiyise Gatare ujye ugerageza kugira ikinyabupfura guharabika abantu en plus ba bayobozi wowe ntacyo uricyo kizwi n’ubujiji no gusebanya. niba hari icyo ubashinja uzabarege nta muntu uri hejuru y’amategeko ariko gusebanya unavuga abantu mu mazina uzihane uri kwiyzngiriza isura kdi mu mutima wawe uriyizi. Ikorere igenzura rero wisubireho. Peace forever.

Gatare Kuya 12-01-2019

Ariko ubundi kweri Kinyinya ya Mado na Mutsindashyaka ko aribyo twagiye tuvuga kuva kera buriya iherezo ni irihe!?Nyamara abakomeze kubireberera ni ikibazo!!

Gatare Kuya 12-01-2019

YEWE YEWE!!Nakomeje gusoma izi comments nkaceceka ariko reka mvuge!Ese KAYITARE JEROME nkubaze,wowe ko waduhaye iriya sms ya Chantal washatse kugaragaza iki?Uri Umwanditsi we?Uri archivist we?Uri intumwa ye?Uri iki mu Bantu!?Umaze iminsi wirukankana amadosiye ya sacco hirya no hino harimo na raporo ya BNR uvuga urwanga rwakurenze ngo urashakamo amakosa ya Manager ngo azafungwe ubwo uri mu biki koko!?Uziko uko ungana ariko n’ubugome bwawe bungana!!Umuntu w’umugabo!Gusa uri umugome ariko wuzuyemo n’ubujiji!Ese Chantal ko mwamwirukanye ubwo muracyarwana n’iki!?Nyamara wasanga igifungo mumwifuriza mwebwe mwacuze umugambi mwese mumubanjirijemo,dore ko murimo kuzambya sacco gusa aho mwanze kurekura ubuyobozi!!Sacco yacu si akarima kanyu!Gusa umuntu akwiye kubaha inama mwebwe bayobozi ba Sacco mujye mugira ibanga ry’akazi ndetse n’iry’ikigo cyanyu kuko mufite ibibazo bikomeye!Abayobozi birirwa birukankana amadosiye y’ikigo cyabo!!Uziko uhereye kuri Mutsindashyaka uyoboye Sacco ukageza no kubandi ba Perezida ba za komite musigaye mubungana marete na envelope zuzuye impapuro wagirango mwabaye ABAHAMYA ba YEHOVA!!Birababaje!!

Gasirabo Kuya 12-01-2019

Eeeeeehh,wowe wiyise umusomyi buriya ibyo uvuga urabizi!!?Ushinzwe kwishyuriza BDF se cg ni umusada ushaka guha Chantal mugihe azishyuzwa ayo mafrws yahombeje!?Rwose mujye muvuga inkuru mwahagazeho!!Murishuka ibyaha byo se mumushinja nta na kimwe gifite ishingiro!Kdi umugambi mwawugezeho mushatse mwakwicecekera.BIRABABAJE😩😩😩

Gakuru Kuya 12-01-2019

Bjr ! Nsomye iyi nkuru nsoma na comments ndumirwa. Ese ko wagirango hano hari kuburwanwa akarengane ka manager hakerekanwa amafuti y’ushinzwe credit. Please tujye twirinda guca imanza z’ibyo tudasobanukiwe. Kuko bituma dushyiramo sentiments tugakeza bamwe tugaharabika abandi. Njye ndabona ikibazo cyireba ikigo nk’iki birenze inyungu z’umuntu 1cg2 bityo dukwiye Kuba dushyigikira SACCO kuko tuzi akamaro zimariye abaturage n’igihugu aho kubashishikariza gukuramo amaFrw kdi hejuru ntaho bigeze bagaragaza ko hari ikibazo mu micungire y’umutungo w’abanyamuryango. Ahandi niba abirukanywe bararenganye n’ikibazo administratif kdi mu karere hari urwego rushinzwe umurimo barugana bikigwaho kuko hano ho ntacyo byakemura rwose. Kubijyanye n’inzego zabyingiramo, nubwo ari ngombwa igihe bikwiye ariko mbona akenshi ushinzwe umutungo hashobora kuvumbuka n’ibindi ugasanga hari gukomeza guhemberwa ibyo guhangana aho gushaka ibyubaka. Thx it’s my own view.

Gakuru Kuya 12-01-2019

Bjr ! Nsomye iyi nkuru nsoma na comments ndumirwa. Ese ko wagirango hano hari kuburwanwa akarengane ka manager hakerekanwa amafuti y’ushinzwe credit. Please tujye twirinda guca imanza z’ibyo tudasobanukiwe. Kuko bituma dushyiramo sentiments tugakeza bamwe tugaharabika abandi. Njye ndabona ikibazo cyireba ikigo nk’iki birenze inyungu z’umuntu 1cg2 bityo dukwiye Kuba dushyigikira SACCO kuko tuzi akamaro zimariye abaturage n’igihugu aho kubashishikariza gukuramo amaFrw kdi hejuru ntaho bigeze bagaragaza ko hari ikibazo mu micungire y’umutungo w’abanyamuryango. Ahandi niba abirukanywe bararenganye n’ikibazo administratif kdi mu karere hari urwego rushinzwe umurimo barugana bikigwaho kuko hano ho ntacyo byakemura rwose. Kubijyanye n’inzego zabyingiramo, nubwo ari ngombwa igihe bikwiye ariko mbona akenshi ushinzwe umutungo hashobora kuvumbuka n’ibindi ugasanga hari gukomeza guhemberwa ibyo guhangana aho gushaka ibyubaka. Thx it’s my own view.

Umusomyi Kuya 11-01-2019

Maze rero nabonye m ufite amarangamutima menshi kandi ueirulsnwe yabasabye kutavuga menshi. ES w’umurenge mwimusiga amasura mwiboneye kuko ntajenjeka rero ibyerekexo bya bajeyi mubifadhe hasi
Muzabsze uwo Chantal aho afsranga Ya BDF yayashyize mumubaze amiliyoni agiye kwidhyurwa kubera amakosa. Ikimenyane munguzanyo ntawutakizi n.a. ruswa
Mwebwe mwaguriwe ngo mukomeze muvuge such system are no longer working. Nzi neza ko amafaranga y’abanyamuryango acunzwe neza naho mucecrke

Mujyanama Kuya 11-01-2019

Mwiriwe ? Njye ndabona iki ari ikibazo technique. Abayobozi nibo bahawe inshingano zo kuyobora. Niba barafashe Umwanzuro manager akirukanwa ubwo nibo banazi impamvu kdi ababashyizeho barabizeye. Siwe muntu wa mbere waba avanwe mu Kazi kdi ubuzima burakomeza. Ntampamvu yo gukomeza rero abantu bashaka kuryanisha no gusebanya bitwaje iri tangaza makuru. iyi SACCO nubu nayihozemo ikiza gihari ntakibazo namba kiri mu bijyanye n’umutungo w’abanyamuryango. Mugire ibihe byiza

Kabera Kuya 11-01-2019

Hahahahaaaa!kuyavugasikuyamara,iyi saccco yageragezagukoraneza,ubu rero biragoyekumenya ufite ukurimuribano bose bavugwa.Niba NTAbujura BWakozWE niamahoro.

Ganza Kuya 11-01-2019

IBIBUGWA BIKIRIKIRANWE NEZA!!BIBAYE ARI UKURI BYABA BIBABAJE!

Ganza Kuya 11-01-2019

INKURU ZIRAGWIRA!!!UBUYOBOZI BW’UYU MURENGE BWO NI IKIBAZO!!!KDI NIBA ABAKOZI BA SACCO BARAKOZE AMAKOSA BAYAHANIRWE.

Rukundo Kuya 11-01-2019

Ampaye inka!!!!Ibintu birakaze!! Iyi nkuru irantunguye!!Ubwo Andre na Chantal bapfuye iki se ko bari umuntu umwell!!?Abayobozi b’umuryango batangiye kuryana se ubwo uwo muryango urakora ute!!?Ndavuga RPF Kinyinya!!!Bikurikiranwe neza,njye simvuga byinshi kuko nanjye mbona ibyo Chantal bamuziza bidasobanutse kuko dushyize mu kuri ntabwo dukwiye kuvuga ngo yacunze Sacco nabi cyeretse twigize impumyi cg tukabirenza amaso tubibona, gusa ndemeza ntashidikanya ko azize ES w’Umurenge kuko yari yaramuzengereje!!Cyakora nishimiye na none ko ibya Kinyinya bigiye ahagaragara!!Imiyoborere ya Andre na Mado ndizera ko buri wese atangiye kuyibona!! Chantal nawe niba yarakoze amakosa ayaryozwe ariko niba arengana arenganurwe kuko akarengane karaciwe mu Gihugu!!

Kayitare Jerome Kuya 11-01-2019

Muraho neza Banyamuryango beza?Mfashe uyu mwanya ngo mbashimire imyaka itari mike muri SIK tumaranye duharanira kuyiteza imbere, mwambereye inshuti nziza,abavandimwe beza mu buzima nzahora nzirikana,muri Ishuri ryiza cyane rizamfasha gukomeza icyerekezo cy’ubuzima uko bikwiye,uwo naba narasitaje mu nshingano nari nshinzwe ambabarire kdi nanjye mbabariye uwaba yaransitaje wese.Mboneyeho umwanya wo kubamenyesha ko uhereye ku itariki 08/01/2019 ntakiri umwe mu bakozi ba SIK kuko amasezerano y’umurimo nari mfitanye nayo yasheshwe!Mbifurije gukomeza tukagera ku
iterambere rirushije irisanzwe.Ndagirango kdi mbagezeho amakosa anyirukanye nk’uko akubiye mu ibaruwa nashyikirijwe uyu minsi ko ari aya akurikira:
*Kubura igitabo cyandikwamo imyanzuro ya Komite Nyobozi*

*Kuba tereriyo mu nshingano z’imicungire n’imikorere y’Ikigo*

*Kudakoresha umunyamategeko wo kwishyuza Bihemu bambuye SIK*

*Kutagira inama za tekiniki Komite Nyobozi ya SIK*

*Kudakorera hamwe kw’abakozi*

Nkurikije amagambo cg ibimaze iminsi bivugwa kuva nahagarikwa mu kazi mbagaragarije ibyo mvuze hejuru mu rwego rwo gusaba Abanyamuryango *kwirinda guhimba, kongera,kugabanya cg kwishimisha buri wese akurikije amarangamutima ye uko amuyobora* akaba yagenda atanga amakuru ahabanye cg atandukanye cyane n’ay’ukuri!

Ndasaba kdi nkomeje abantu bagenda bavuga ibyo bashaka kubireka,ikindi kdi ndibutsa ko n’ubwo ntakiri umukozi wa SIK ariko ndi Umunyamuryango wayo,tuzakomeza gufatanya kuyiteza imbere.

Murakoze,mugire amahoro y’Imana.

Kirabo Kuya 11-01-2019

Gusa mbobye hari uwavuze ko Chantal yirukanywe na Raporo ya RCA ndetse Abanyamuryango bakaba batayivugaho rumwe kuko ngo Perezida yayivugaga ku magambo into ntibibaho!!Iyo raporo nishyirwe ahagaragara kdi niba umwanzuro wayo uhabanye n’ibyakozwe muri Sacco ya Kinyinya nabwo bikosorwe umuntu agarurwe mu kazi!!Ubundi se icyo kibazo BNR yo iri k ’uruhe ruhande!?N’ubusanzwe imigenzurire ya RCA kuri Saccos irakemangwa,ruswa mu bakozi bayo irajwigira!!Amakuru yandi ahari ngo Chantal arazira kwirukana Loan Officer,ese ubwo uwo muperezida wirukana umuntu ashaka kubona undi we ibye bimeze bite!?Rwose ababishinzwe nibakurikirane akarengane gacike,naho ubundi bikwitwaza inama y’umushyikirano ngo bikize abo badashaka babaziza ubusa!!Chantal twese turamuzi azize ukuri kwe no kudashyigikira amafuti!Managers bamwe tumuzi twamufataga nk’icyitegererezo muri twe!Gusa Chantal ntuzatezuke k’umurava wawe turagukunda kdi tuzakomeza kugusengera ubone akazi keza kdi kakunyuze!! Bazakorwa n’isoni kdi bazicuza batakikubonye!! Birababaje!!!!

Kirabo Kuya 11-01-2019

Mwaramutse neza?Iyi Nkurunziza irantunguye kdi irambabaje! Pole Chantal humura Imana iragufungurira imiryango iguhe akandi kazi keza.N’ubusanzwe muri Saccos,managers imyanya yacu iba irwanirwa na benshi kdi iyo ufite aho wayikuye burya hari ibisumizi biba biyireba bitishimiye imikorere yawe!Njye simvuga byinshi nziko uzize umwanya wariho kdi nitwe dutahiwe!Nanjye nkora muri Sacco imwe mu mujyi wa Kigali ariko byo rwose baturinde ba Gitifu b’imirenge kuko baratuvangira cyane, bakorera mu kajagari ndetse bagashaka ko Sacco zicungwa uko babyifuza bitubahirije amategeko dore ko baba bafitemo na konti nyinshi bafunguza muri Sacco udashobora kumenya ngo zikoreshwa gute!?Birirwa bazibiraho ugasanga turababangamiye!!Birababaje cyane!!!!

Shema Kuya 11-01-2019

Ibi bintu ntibisobanutse Sacco yari iyambere mu gihugu izindi zazaga gufatiraho ikitegererezo none itangiye kuzamo imungu ,ikibabaje ni amafaranga y’abanyamuryango agiye kuribwa .Ababishinzwe mutabare vuba rwose mubikemure

Shema Kuya 11-01-2019

Ibi bintu ntibisobanutse Sacco yari iyambere mu gihugu izindi zazaga gufatiraho ikitegererezo none itangiye kuzamo imungu ,ikibabaje ni amafaranga y’abanyamuryango agiye kuribwa .Ababishinzwe mutabare vuba rwose mubikemure

Shema Kuya 11-01-2019

Ibi bintu ntibisobanutse Sacco yari iyambere mu gihugu izindi zazaga gufatiraho ikitegererezo none itangiye kuzamo imungu ,ikibabaje ni amafaranga y’abanyamuryango agiye kuribwa .Ababishinzwe mutabare vuba rwose mubikemure

Kazubwenge Kuya 10-01-2019

Mutsindashyaka wowe rwose ufite ubugome bw’indengakamere!! Wirukane umuntu ufatanyije n’abambari bawe barangajwe imbere na Mado,Komite Ngenzuzi yawe itaragize icyo imara usibye gusenya Sacco irangajwe imbere na Albert hamwe na Jerome wuzuye ubugome n’amatiku mwirukane umuntu mumuziza ubusa!! Warangiza ukazajya uvuga ngo ni igifungo umukijije!!!Mwese rwose muzabibazwe kdi iki kibazo cya Sacco ya Kinyinya gikwiye kwinjirwamo na RIB kuko mwese mwakagombye kuba mubitswe ahantu maze ukuri kugashyirwa ahagaragara!!Njye ndashimira uriya mukozi wa Sacco wavuzwe mu nkuru utashatse kwivuga izina kuko yavuze ijambo rikomeye ngo *Abayobozi bahimbye amakosa bayegeka kuri Manager* niko kuri rwose,Chantal ararengana mwikoresha ububasha bwanyu uko butari!!Byose turabizi nitubazwa tuzabisobanura!! Ubeshya abantu bakuru ngo ni imyanzuro ya Audit ya RCA maze nayikubaza ukarya indimi umuntu w’umugabo ngo ni ibiganiro mwagiranye!! Mbega umugome udasanzwe!! Wowe wirukana umuntu ushingiye ku biganiro bitagira ikimenyetso! Umva rwose njye mbona ibyakozwe bidakwiye kurebererwa no kugarukira aha!Imiyoborere ya Sacco ni ikibazo!! Imyanzuro idatorerwa se ubundi ibaho!!Rwose komite zose bazirukane ariko Chantal areke kurengana!! Usibye ubugome, ubugamvanyi no kwirengagiza dufite nta muntu utamuzi ko arengane!! Ikindi arashyirwa k’uruhande kubera amafuti y’abakozi bamwe mushyigikiye, ubugenzuzi bwigenga butararangira bwuzuyemo ibibazo mushaka guhishira kuko mubiri inyuma!!Birababaje ariko murarushywa b’ubusa ukuri kugomba kujya ahagaragara!! Mwiticira Sacco, musohoke abashoboye bayobore!!!

Kazubwenge Kuya 10-01-2019

Hahhhh, meeting muravuga Mado!!Nta makuru mufite!! Ntabwo muzi Mutsindashyaka, ngo niwe Perezida! Njye mfite amakuru,uzi ukuntu ngo yari yishimye amaze kwemeza ko Chantal yirukanwe!! Yavuze ijambo rikomeye ryababaje abantu benshi bari mu nama yari ayoboye ndetse rinatangaje ryuzuyemo ubugome budasanzwe!! Reka ndisubiremo *Nta muntu n’umwe wagize icyo amara muri iyi Sacco twese twaje tuje gusiga amarangi gusa, ufite agaciro kuri iyi Sacco ni Antoine wayubatse akayiha fondation akarinda ayuzuza atagira ikintu na kimwe ndetse nta n’ibitabo afite*!!!Namwe munyumvire uwo muyobozi, ni akamumiro, ubwo se niba ashyigikiye abakoreye mu mamafuti batagira n’igitabo na kimwe cy’imicungire y’Ikigo murumva yashima Chantal ate wari umuze gushyira SIK k’umurongo kuri buri kimwe cyose kdi ariko arwana intambara zitoroshye kuko yari afite abamurwanya benshi b’Abanyamafuti ndetse b’ibisambo gusa!!Chantal,humura ukuri kuzagaragara!!Birababaje!!!

Cyuzuzo Kuya 10-01-2019

Yebabaweeeee!Ntabwo iyi nkuru nari nayisomye!!Ibi ni iki!?Sacco yacu nayo imungu zayigezemo!!Murabyita imikino, mwibuke ko abo bayobozi bose bayirwaniramo ndetse n’abareberera ibirimo kuberamo nta n’umwe ufitemo umutungo!!Ni uko byatangiye Jabana babyira imikino none hehe n’amafaranga y’abaturage bishyiriyemo,reka njyewe ndabyuka njya kwikirira utwanjye kuko ndabizi ndangaye gato sinaba nkitubonye!!Ndabizi ko abo bayobozi bose muriho mutunga urutoki ntacyo bibabwiye!!!

MUNYAKURI Kuya 10-01-2019

Ikibazo nyamukuru ndetse imvano y’ibyo byose ni Executive Secretary w’Umurenge wa Kinyinya. Abaturage ba Kinyinya bararambiwe kuko uriya si umuyobozi ugendanye n’Icyerekezo Abayobozi bakuru b’Igihugu bashaka kutuganishamo, aho bukera n’Umurenge wose muraza gusanga ...Muri make inzego zose z’uyu murenge zikwiye guhindurwa ndetse bamwe muribo bakagira n’ibyo babazwa harimo uwo Gitif uri ku isnga yabyo, ushinzwe inkeragutabara yo, n’abandi benshi muri uwo murenge. Turatakambira MINALOC, Inzego z’umutekano n’abandi bireba gutabara naho ubundi Kinyinya ntiyobowe rwose. Uyu Chantal wayoboraga SACCO ntawe utaruzi imikorere ye iri ntamakemwa, ariko uwo Mado yamukuruyeho amatiku none arangije amwivuganye kweli!!!Nahumure icyo nzi cyo hari ikiri bukorwe kubakora nabi muri uwo murenge wose. Ariko ngira ngo n’ubuyobozi bwa SACCO ku rwego rw’igihugu ni ikibazo!None se ni gute bahutera bakavanaho umuntu batabanje kubimenyesha abanyamuryango cg se no gukora iperereza ngo bamenye ibibyihishe inyuma kdi ko biba bizwi. Kuko ntibishobora kuba byarageze no kumuturage wo hasi ko harimo ikibazo muri SACCO giterwa na Gitif w’Umurenge, ngo noneho inzego za SACCO kurwego rw’Igihugu ntizikimenye!!!!Umusaza (Umukuru w’Igihugu) aravangirwa gusa na bamwe mubayobozi. BIRABABAJE

Emmanuel Kuya 10-01-2019

Mwiriwe!?Ntunguwe n’iyi nkuru!!Gusa njye mbabwize ukuri ntabeshye,Manager we rwose bamwigije k’uruhande babishaka kuko iriya Sacco yubakiye kuri byinshi ndetse n’Abayobozi bayo banze kurekura ubuyobozi!!Ariko agent de credit we sinzi n’icyo yari akimara rwose kuko wagirango ntazi ko bank ari nyinshi,umuntu yasanaga inguzanyo iminsi igashira ukugirango ni ay’ubuntu azahabwa!!Icyo nzicyo rwose mu mikorere ye hashobora kuba harimo ruswa iteye ubwoba kuko rwose yasiragizaga abantu akanabakereza mu buryo Budasanzwe!!Ubwo kdi nawe wasanga avuga ko yarenganye!!!Ariko se twongere twibaze ubwo abo bakozi 3 bose burukaniwe igihe kimwe niko bose bahuriye ku makosa!?Sacco yacu ndababwiza ukuri n’abandi bakozi basigaye ntacyo bamaze rwose nabo nibashake babirukane nabo!!Hari umugore ukora kuri caisse usuzugura kubi, ubutaha nzamuvuga izina!Uwo bita ko nawe ashinzwe amafaranga agira akajagari ngo ni kontabure ahorana akajagari wagirango ntazi ibijya imbere!Mbega abakozi sacco isigaranye ni akumiro Gusa!!!Gusa usuzugura kubi kuri caisse ntawe mperuka kubona sinzi iyo bamushyize cg nawe bamwirukanye mbere!?Gusa we ntiyambabaza na gato kuko sinzi icyo yishingikirije!!

Jojo Kuya 10-01-2019

Yemwe mureke gukabya ndetse no gusenya!Njyewe ndi Umunyamuryango wa Sacco Kinyinya,na njye iyi nkuru irantunguye kumva ko Chantal yirukanwe kubw’imicungire mibi ya Sacco binshyize mu rujijo kuko nziko yitanga mu buryo budasanzwe,gusa reka twizere ubuyobozi ibyo bwakoze,gusa dukeneye gusobanurirwa niba twahombye cg hari Ubujura abakozi birukanwe bakoze kuko nabonye Perezida yifashe mu kubitangaho ibisobanuro!Byumvikane neza kdi rwose niba hari uwarenganye azarenganurwe!Bidusenyera Sacco tureba!!

rugwiza Kuya 10-01-2019

ubuyobozi bwa gasabo bukomeza kurebera amatiku y’uyu murenge usubira inyuma nk’isabune nabwo bushobora kuba bufite ikibazo.ni gute sacco itera imbere kuriya ariyo bahungabanya ko tuziko izindi zananiranye ndetse n’amafranga y’abaturage barayamaze.ahaaaaaaaa nzaba mbarirwa

Eric Kuya 10-01-2019

Ikindi nanone rero birashoboka ko Ubuyobozi n’abakozi batari hamwe kuko Imikorere y’uyu munsi iratangaje!!Ni gute umugenzuzi w’ikigo asimbura Manager!Hahhhhh,aho naho harimo akantu!Mukurikirane koko wa mugani uburyo umurenge uyobowe, murasanga haranayeho kwigizayo inzirakarengane Chantal!!Muhuze amakuru y’uwamusimbuye,imibanire y’umugabo we n’umuyobozi w’umurenge ndetse n’umuyobozi wa Sacco!!Yewe badusenyeye Sacco gusa kuko bayihinduye akazu kiyongera kugasanzwemo!!!Bikwiye gukurikiranwa mu buryo bwihuse!!

Eric Kuya 10-01-2019

Ayiweeee!!Iyi nkuru irambabaje cyane rwose!Ubu se aba bakozi bakoze iki!?Sacco ya Kinyinya rwose ndi Umunyamuryango wayo ariko sinibazaga ko havukamo ibibazo bimeze kuriya!Gusa byo rero Chantal yari umukozi kdi yangaga amafuti kdi burya Kinyinya iyo witambitse k’uburyi byo barakurangiza!!Uwo munguzanyo we sinari muzi cyane kuko nta nguzanyo nasabaga gusa hanze byari bizwi ko agira ubunebwe mu kazi akagenza gake amadosiye y’Abanyamuryango!!Gusa niba bose bararenganye bazarenganurwe!!Kdi byo rwose nta banga ririmo tugomba gukuramo cash zacu ejo tutazazibura nk’Abo muri Jabana na Bumbogo!!Gasabo Sacco zaho ndumva ari imyangaro gusa gusa!!Birababaje cyane

Kazungu Kuya 10-01-2019

Hahhhhhh, Umuhuza uvuze ibintu byiza cyane!Imiyoborere y’Umurenge wa Kinyinya irakemangwa!! Ariko se koko ubundi Mado umurenge yawugeza kuki kuyirirwa mu nzangano n’amatiku kurusha guteza imbere abaturage!Nizere ko ubwo Chantal yagiye ari bubyine ikinimba kdi agasinzira neza!!Pole Chantal,rwose ntako utagize kuko wari ubangamiye abanyamafutu benshi muri Kinyinya!Ba rusahurira mu nduru barasakiwe,bagiye kutumariramo udufaranga!!Gusa inzego zishinzwe iperereza zidufashe zimenye ikibazo kiri muri Sacco ya Kinyinya kuko harimo akarengane kadasanzwe!!Ese ubundi kuki BNR na RCA zireberera kugeza ubwo ibintu bigera kure?Ubwo koko iyo bombori bombori ni ukuvuga ko batari bayizi!!?Chantal azize akagambane kihishemo inzego z’ubuyobozi bw’Umurenge zitandukanye uhereye kuri Mado n’abambari be!!!Gusa Chantal uburyo witangiye Kinyinya nsabye Imana ngo izibuke umuhate, umurava n’imirimo myiza wakoreye Kinyinya, nzi neza ko bitazapfa ubusa!!Abagambanyi n’abagome bakwigijeyo rwose bazakorwe n’isoni kuko uzize ubusa!!

Kazungu Kuya 10-01-2019

Hahhhhh, rwose ibyo umuhuza uvuze niko kuri,noneho barayisahura bayimare, Chantal ihangane wabangamiye abaryi igihe kirekire!!Gusa inzego z’iperereza zidufashe zikurikirane neza ikibazo cya Sacco ya Kinyinya!! Umuntu aragambanirwa akagurwa maze barangiza bakamwikiza!!Inzego z’ubuyobozi bwaho zo ni agahomamunwa kuko zirakemangwa aho kubaka zirasenya!! Niba hari Ubuyobozi nibukurikirane neza maze bucukumbure burebe ibibazo bya Kinyinya aho bigeze! Ubundi se uriya Muyobozi w’umurenge ngo ni Mado wirirwa mu matiku n’inzangano yamara iki!?Ubu ubwo Chantal yirukanwe arabyina ikinimba, gusa yigendeye nk’Imfura kuko yari imfura kdi imirimo yawe n’ubwitange bwawe muri Kinyinya ntituzabyibagirwa!

umuhuza Kuya 10-01-2019

nubundi amatiku aba Kubakuriye uyu murenge wa kinyinya nyiyatuma umugore chantal witangaga n’uburyo yari afite impano yo kureshya abanyamuryango ntago byari kuzamuhira.wagirango ni urugo rwe yakoreraga.gusa turamushimiye kusacco yacu yayishyize Ku isonga.n’abantu Bose bazaga kuyigiraho.gusa ikigaragara yababujije kwiba bamushakaho impamvu NGO bamwikize baturire cash.reka nanjye njye gukuramo udufaranga twanjye ntazaririmba rujindiri.icyakora uhagarariye inguzanyo we batinze kumwirukana kuko yatinzaga dossier nk’urya ruswa kbsa cg nk’utazi aho igihugu kigeze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...