AMAKURU

UKWEZI
ubumwe

Huye: Abaturage bose baberewemo imyenda bagiye guhembwa

Huye: Abaturage bose baberewemo imyenda bagiye guhembwa
30-08-2019 saa 15:21' | By Nsanzimana Ernest | Yasomwe n'abantu 546 | Ibitekerezo

Ubuyobozi bw’ Akarere ka Huye burizeza abubatse ibiro by’ Akagari ka Mwendo mu murenge wa Rwaniro ko amafaranga yabo bazayahembwa bitarenze uyu mwaka w’ ingengo y’ imari.

Ibiro by’ Akagari ka Mwendo byatangiye kubakwa muri 2013 ku gitekerezo cy’ abaturage ubwabo nk’ uko byemezwa n’ umunyamabanga nshingwabikorwa w’ umurenge wa Rwaniro.

Umuyede yakoreraga amafaranga 1200 ku munsi naho umufundi yakoreraga 3000. Abubatse ibi biro by’ Akagari bahembwe make bizezwa ko asigaye bazayahabwa bidatinze ariko kugeza ubu imyaka ishize ari itandatu batarayahembwa.

Umwe mu bafundi bubatse aka kagari agira ati “Nange mu bahakoze ndimo, abayobozi twabagejejeho icyo kibazo batubwira ko bazatwishyuriza tugategereza tugaheba…Nkange ubwange banyambuye ibihumbi 62”

Mugenzi we wakoze kuri aka kagari ari umuyede agira ati “Twakoze kuri aka kagari muri 2013 none banze kutwishyura, muri 2016 ikibazo naragitanze ku murenge abadepite bahaje batubwira ko kizakemuka ariko na n’ ubu ntabwo baratwishyura”

Aba baturage bavuga ko kuba batarahembwa aya mafaranga bibagiraho ingaruka zirimo ubukene no kubura amafaranga y’ ubwisungane mu kwivuza mituelle de santé.

Mu kiganiro, Umuyobozi w’ Akarere ka Huye Ange Sebutege yagiranye n’ abanyamakuru kuri uyu wa 30 Kanama 2019 yavuze ko uyu mwaka aba baturage bazishyurwa kuko abantu bose baberewemo imyenda uyu mwaka ikibazo cyabo kizarangira.

Yagize ati “Si n’ akagari ka Mwendo honyine hari n’ abagiye bubaka ibyumba by’ amashuri n’ abagiye bubaka amacumbi y’ abarimu, komite nyobozi yafashe icyemezo ko muri uyu mwaka w’ ingengo y’ imari ibyo bibazo twabikemura.”


Meya Ange Sebutege avuga ko ikibazo cy’ abaturage baberewemo amadeni kizakemuka bitarenze tariki 30 Kamena 2020

Yakomeje agira ati “Imirenge irimo iratanga intonde, kuko twateganyije amafaranga yo kubahemba kugira ngo bidakomeza kugaruka kandi amaherezo bigomba kubonerwa igisubizo”

Meya Sebutege avuga ko atarabona urutonde rw’ imirenge yose ifite abaturage baberewemo amadeni kuko urwo rutonde rukiri gukorwa gusa atanga ikizere ko bitarenze tariki 30 Kamena 2020 abo baturage bose bazaba barabonye amafaranga yabo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...