AMAKURU

UKWEZI
pax

Abarwayi 17 ba Covid-19 bahuye n’abantu 688 -Min Dr Ngamije

Abarwayi 17 ba Covid-19 bahuye n’abantu 688 -Min Dr Ngamije
22-03-2020 saa 11:51' | By Twagirayezu Vincent | Yasomwe n'abantu 2259 | Ibitekerezo 1

Minisiteri y’ubuzima yatangaje ko kuri uyu wa Gatandatu hasuzumwe abantu 130 ubwandu bwa Coronavirus ariko nta n’umwe wagaragaje ko yanduye bituma umubare w’abanduye uguma kuri 17 hakaba haranashakishijwe abahuye nabo bose ngo basuzumwe.

Minisitiri w’Ubuzima Dr Ngamije Daniel yatangarije RBA ko muri rusange abantu banduye Coronavirus uko ari 17 bahuye n’abantu 688 muribo abamaze gusuzumwa bakaba ari 467 ubariyemo n’130 basuzumwe kuri uyu wa Gatandatu tariki 21 Werurwe 2020 bangana na 68% byabo.

Minisitiri w’Ubuzima yavuze ko abanduye iki cyorezo kimwe n’abasuzumwe hafi ya bose ari ababarizwa mu Mujyi wa Kigali.

Minisiteri y’Ubuzima igenda itanga amakuru y’uburyo Coronavirus ihagaze mu Rwanda umunsi ku wundi kuva yagaragara mu Rwanda guhera tariki 14 Werurwe 2020.

Iyi minisiteri yatangaje ko kuri uyu wa Gatandatu nta murwayi mushya wabonetse mu basuzumwe bose.

Minisiteri y’Ubuzima itangaje iyi mibare nyuma y’amasaha make Minisitiri w’Intebe Dr Ngirente Edouard asohoye andi mabwiriza akomeye yo kwirinda Coronavirus ikomeje gufata indi ntera ku isi.

Aya mabwiriza akaba akubiye mu itangazo ryashyizwe kuri Twitter y’Ibiro bya Minisitiri w’Intebe muriyo harimo kuba imipaka yose ifunze, guhagarara kw’ingendo ziva mu turere zijya mu tundi no kuba moto zitemerewe kongera gutwara abagenzi kimwe n’ibindi usibye abatanga serivisi z’ingenzi no ku bajya kuzishaka nk’uko byasobanuwe mu itangazo.


INKURU ZA :
Tanga Igitekerezo
Ibitekerezo 1
fofo Kuya 23-03-2020

birashoboka

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...