AMAKURU

UKWEZI

Rubavu na Kayonza ku isonga mu turere twamunzwe na ruswa

Rubavu na Kayonza ku isonga mu turere twamunzwe na ruswa
28-11-2018 saa 07:11' | By Vincent Nsengiyumva | Yasomwe n'abantu 2405 | Ibitekerezo 11

Umuryango Mpuzamahanga urwanya ruswa n’akarengane (Transparency International Rwanda) wamuritse ubushakashatsi wakoreye mu turere umunani, aho Kayonza na Rubavu tuza ku isonga mu kugaragaramo ruswa cyane mu nzego z’ibanze.

Ubu bushakashatsi bwashyizwe ahagaragara kuri uyu wa Kabiri, tariki ya 26 Ugushyingo 2018, bwagaragaje ko Akarere ka Kayonza kazza ku mwanya wa mbere kagakurikirwa na Rubavu mu kagaragaramo ruswa ku gipimo cyo hejuru ugereranyije n’utundi turere.

Ubu bushakashatsi bwagaragaje ko mu mirenge igize Akarere ka Rubavu, uwa Kanama uza ku isonga mu kuba yarashegeshwe na ruswa n’imitangire idahwitse ya serivisi.

Umuhuzabikorwa w’umushinga wakira ibibazo by’abaturage muri Transparency International Rwanda Mukarukundo Odette, avuga ko ikigereranyo cya ruswa cyiyongereye ugereranyije n’umwaka washize.

Yavuze ko ruswa yagaragaye cyane mu nzego z’ibanze cyane cyane mu gutanga ibyangombwa by’ubutaka, mu irangiza ry’imanza, mu cyemezo cyemeza ko umuntu ari ingaragu no mu gutwara ibintu bikomoka ku biti.

Yagize ati “ Ikigereranyo cya ruswa cyariyongereye dukurikije uko yari ihagaze umwaka washize. Igaragara cyane mu nzego zo hasi nkom mu gutanga ibyangombwa byo kubaka no mu zindi serivisi zikunda gukenerwa cyane n’abaturage.”

Umuyobozi w’Akarere ka Rubavu, Habyarimana Gilbert, avuga ko n’ubwo bakigaragara ku mwanya wa mbere mu turere twamunzwe na ruswa, ngo hari intambwe bamaze kugeraho ugererranyije n’aho bari bahagaze mu mu myaka itatu ishize.

Meya Habyarimana Gilbert, avuga ko kuba bari kuri uyu mwanya biterwa cyane no kutubahiriza igihe abaturage babonera serivisi ndetse n’ibiciro byiyongera ku biteganyijwe na serivisi zitangwa n’irembo.

Yagize ati “ Kuba kuri uyu mwanya biterwa cyane no kutubahiriza igihe abaturage baboneraho serivisi. Ingamba ni uko serivisi zigiye kujya zitangirwa ku gihe, ndetse tukanakurikirana imitangire ya serivisi zitangirwa ku irembo kugira ngo tumenye ngo ni iki bishyuza abaturage, ni iki batagomba kubishyuza kugira ngo tugabanye ayo mafaranga umuturage yongera kuri serivisi aba yahawe na leta, akishyura andi kuri izo nzego zigenda zimufasha.”

Yavuze ko hagiye gushyirwa imbaraga mu bukangurambaga mu buyobozi bw’inzego z’ibanze serivise zikihutishwa zigatangirwa ku gihe.

Iyi ni inshuro ya Gatatu yikurikiranyije Akarere ka Rubavu kaza ku mwanya ya nyuma mu turere twamunzwe na ruswa. Kuri iyi nshuro aka karere gakurikiranan’aka Kayonza ko mu Ntara y’Uburasirazuba kayisimbuye kuri uyu mwanya.


INKURU ZA :
Tanga Igitekerezo
Ibitekerezo 11
Kanyarwanda Kuya 5-12-2018

Uwakwereka muri Rusizi ni agahomamunwa

Munyentwali Kuya 3-12-2018

Ruswa ntiyacikarwose kayonzayo twarashize mumyubakire mugutanga girinka uhageze wese ngo abagiye darifurulu da

Munyentwali Kuya 3-12-2018

Ruswa ntiyacikarwose kayonzayo twarashize mumyubakire mugutanga girinka uhageze wese ngo abagiye darifurulu da

Munyentwali Kuya 3-12-2018

Ruswa ntiyacikarwose kayonzayo twarashize mumyubakire mugutanga girinka uhageze wese ngo abagiye darifurulu da

Birababaje Kuya 2-12-2018

muraho ,
njye ndisabira ko mwaha uburenganzira abakwa Ruswa kujya batanga amakuru ariko ntibahanwe kuko ndababwiza ukuri Ruswa ntishobora gucika mugihe abo yagaragayeho bombi bahanwa , urumva ko ntawatangira undi amakuru kuko nawe aba yikingira , uretseko Ruswa ituma wenda uwayitanze abona wenda icyo yifuzaga , ariko umubajije nyuma yakubwira ko yayitanze atishimye rwose , ahubwo nyine aba yayatswe kandi cyane , ikindi mutange uburenganzira mugutanga amakuru hifashishijwe tel kuko mbere yo kuyitanga habanza kuvugana kumatel cyane kugeza itanzwe , RIB yarikwiye guhabwa ubwo burenganzira kuburyo uri kwakwa ruswa yajya amenyesha RIB hanyuma Rib igakurikirana numero zuko bagenda bavugana kugeza aho wawundi uyishaka acakiwe ndabarahiye bizahita Ruswa nimubigenza gutya izaba amateka ! Nongereko Ruswa itangwa habanje kubaho kuganira , RIB itahure abo bantu kandi inorohereze uzayiha message cg kuri gushaka ruswa kuko aba amutitiriza kuri Tel ! murakoze

Theos Kuya 30-11-2018

Hhhhh. Yewe ruswa yateye agatebe iricara. Ntaho mubeshye rwose.

mutima jean baptiste Kuya 28-11-2018

Namwe muraducanga mutubwirako Ruswa yacitse none NGO Rubabavu na... nizo ziyoboye ubwo rero twemereko ruswa itacitse

tete Kuya 28-11-2018

yeweeeee narinziko rubavu ariyambere abaturage baho baragowe abayobozi binzego zibanze barya ruswa kumugaragaro muzasure abatuye mumudugudu wa kanembwe baragowe gusakara ibati riva nugutanga ruswa meya azahagere abaganirize jye barayinyatse mucyumweru gishize abahagarariye isibo mbabwira ko bambwira icyo nyatangiye bagira ubwoba kuko ntuye kgli ibaze koko

Akumiro Kuya 28-11-2018

Rubavu hari Ruswa iteye ubwoba, muzarebe ko bajya bashyira imyanya yimirimo ku isoko usanga abantu babashyiramo ukibaza uko bagezemo bikakuyobera ! hahagurikirwe units y’ibutaro bya Gisenyi hamwe units ya Sante

bahati Kuya 28-11-2018

Njyewe byaranyobeye kbsa hano Rubavu wagirango ni muri Congo, gutanga offre akazi kagatangwa ntakizamini kibaye,
Kugirango uzabone ibyangombwa by’ubutaka ntakintu utanze ni ibibazo

Escariotiro Kuya 28-11-2018

Ruswa yuzuye igihuvu cyose. Mutabare hakiri kare rwose. Biteye isoni kandi birababaje kunona abantu birirwa baririmba ngo bararwanya ruswa ariko ...

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...