konka coffee
KONKA

AMAKURU

UKWEZI

Abanyarwanda bagiye gutemberezwa ibyiza nyaburanga bitatse igihugu mu isura nshya

 Abanyarwanda bagiye  gutemberezwa ibyiza nyaburanga bitatse igihugu mu isura nshya
5-06-2018 saa 08:23' | By Vincent Nsengiyumva | Yasomwe n'abantu 1595 | Ibitekerezo 1

Mu gihe Abanyarwanda benshi banyotewe no gutembera u Rwanda basura ibyiza nyaburanga bigize igihugu cyabo, Sosiyete ikora Ibikorwa byo kuzana no kuyobora ba Mukerarugendo, Show Me Around Rwanda Safaris, yabashyize igorora maze ibategurira igikorwa yise ‘Tembera u Rwanda na Show Me Around Rwanda Safaris’ kizafasha abacikanywe gusura ibyiza bigize igihugu ku giciro gito ndetse n’abandi bose babyifuza.

Iyi sosiyeye yateguye iki gikorwa mu rwego rwo guha amahirwe abagaragaza ko bacikanwe na gahunda isanzwe yo gutemera ibyiza bitatse igihugu yiswe “Tembera u Rwanda” itegurwa n’Ikigo cy’Igihugu cy’Iterambere (RDB) iba inshuro imwe gusa mu mwaka.

Iyi Sosiyete ya Show Me Around Rwanda Safaris yamaze guteguye neza iki gikorwa, aho biteganyije ko kizahera mu gusura Pariki y’Igihugu ya Nyungwe, hanyuma gikomereze muri Pariki y’Igihugu y’Akagera muri Kamena uyu mwaka, abanyarwanda birebera ibyiza bitatse igihugu cyabo.

Ushinzwe Iyamamazabikorwa muri Show Me Around Rwanda Safaris, Sinamenye Bonaventure, yabwiye Ukwezi.com ko bateguye iki gikorwa nyuma yo kubona ko hari Abanyarwanda benshi bifuza gusura ibyiza by’iwabo bakabura uburyo.

Yagize ati “Abanyarwanda benshi bifuza gutembera ariko kubera ko bihenze bakabura uko babigenza. Urumva nk’itike ikujyana muri Nyungwe, abakuyobora, ibyo uri burye , kwinjira yo ni ibintu bihenze cyane. Birababaza kubona abanyamahanga aribo baza cyane , bakaba bazi igihugu kuturusha twe bene cyo.”

Abifuza gusura Pariki ya Nyungwe bazagenda tariki 8 Kamena 2018 naho abashaka gutemberera mu y’Akagera ni tariki 15 Kamena uyu mwaka.

Sinamenye yakomeje avuze ko gusura Pariki imwe muri izo ebyiri umuntu asabwa ibihumbi 30 gusa by’amafaranga y’u Rwanda, maze agatemberezwamo akirebera imbona nkubone zimwe mu nyamaswa afitiye amatsiko yo kuzibona amaso ku maso.

Yagize ati “Mu bihumbi 30 harimo itike ikugeza kuri Pariki ikanakugarura.Harimo kandi no kwinjira muri pariki, ifunguro rya ku manywa, abakuyobora n’ibindi nkenerwa.”

Umuyobozi Mukuru wa Show Me Around Rwanda Safaris, Bukuru Augustin, yavuze ko ikigamijwe ari ugushishikariza Abanyarwanda bose kumenya ibyiza biri mu gihugu cyabo ku buryo aho bari hose baba ba ambasaderi bacyo.

Ati “Turashaka ko Umunyarwanda wese aba ambasaderi w’igihugu mu bijyanye n’ubukerarugendo. Niba umunyamahanga akubajije ati ‘ ko nshaka kuza mu Rwanda nasura iki? Mubwire ibyo yasura ariko nawe ubizi. Nta mpamvu yo kwirirwa dutwaye imodoka zirimo abazungu gusa kandi ibintu biri iwacu. Ni ngombwa gushyira hasi ibiciro kugira ngo Umunyarwanda agende abone ya pariki yumva na ya ntare abwirwa.”

Bukuru yavuze ko banatangije ubundi buryo bwo kujyana abanyeshuri biga ubukerarugendo mu ngendoshuri kugira ngo ibyo biga babishyire mu ngiro, ndetse babyige banabvyumva neza.

Ati “Twararebye dusanga abanyeshuri bajya mu rugendo shuri bakamera nk’aho ari abagenzi bavuye muri gare bajya Kimironko. Twe turashaka kubereka ikinyuranyo kiri hagati yo gutembera n’urugendo shuri.”

Bukuru yakomeje avuga ko igikorwa cya Tembera u Rwanda hamwe na Show Me Around Rwanda Safaris kizajya kiba kenshi mu mwaka, kugira ngo bafashe abanyarwanda batari bakeya babyifuza bakabura uburyo.

Kugeza ubu ushaka kwiyandikisha ngo azatemberane n’abandi muri Pariki ya Nyungwe n’iy’Akagera yajya ku Biro bya Show Me Around Rwanda Safaris i Remera mu marembo ya Stade Amahoro muri Champion Hotel i Remera cyangwa agahamagara kuri nimero ya telefoni ngendanwa 0788 579 351 cyangwa se 0781710350.

Mu marembo ya Pariki y’Igihugu y’Akagera ahakirirwa ba mukerarugendo

Abanyarwanda benshi banyotewe no gutembera ibyiza nyaburanga bitatse igihugu cyabo

Umuyobozi Mukuru wa Show Me Around Rwanda Safar, Bukuru Augustin

Ushinzwe iyamamazabikorwa muri Show Me Around Rwanda Safaris, Sinamenye Bonaventure


INKURU ZA :
Tanga Igitekerezo
Ibitekerezo 1
good Kuya 6-06-2018

yamafaranga nimake.cyane kbsa sinzi nimpanvu tudasura ibyiza byiwacu

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...