AMAKURU

UKWEZI
Canal+ christmax

Urubanza rwa Paul Rusesabagina rwongeye gusubikwa bwa Gatatu

Urubanza rwa Paul Rusesabagina rwongeye gusubikwa bwa Gatatu
21-11-2020 saa 10:49' | By UKWEZI | Yasomwe n'abantu 590 | Ibitekerezo

Urukiko Rwisumbuye rwa Nyarugenge rwongeye gusubika ku nshuro ya gatatu iburanisha ry’ubujurire bwa Paul Rusesabagina usaba iseswa ry’icyemezo kimwongerera iminsi yo gufungwa by’agateganyo yahawe n’Urukiko rw’Ibanze rwa Kicukiro.

Ubwo iburanisha ryatangiraga mu gitondo cyo kuri uyu wa gatanu, Umunyamategeko Gatera Gashaba yabwiye urukiko ko adashobora kuburana kubera ko atarahabwa uburenganzira bwo guhura n’uwo yunganira imbonankubone.

Ni icyemezo cyafashwe mu rwego rwo kwirinda ikwirakwizwa ry’icyorezo cya Covid-19.

Hifashishijwe ikoranabuhanga Rusesabagina ari kuri gereza ya mageragere, Me Gashabana ari mu rukiko, bahawe umwanya ngo baganire bonyine, abandi bose barimo abaje kumva urubanza, abashinjacyaha ndetse n’umucamanza bahita basohoka mu cyumba cy’iburanisha .

Nyuma y’iminota nka 30, Me gatera Gashabana aganira n’uwo yunganira muri ubwo buryo, iburanisha ryongeye gusubukurwa, ijambo rihabwa Me Gatera Gashabana ahita avuga ko atiteguye kuburana, mbere y’uko ahuzwa na Rusesabagina ngo bavugane amaso ku maso.

Uyu munyamategeko yavuze ko hakwiye gushakwa uburyo budasanzwe yaganiramo n’uwo yunganira kugira ngo bategure urubanza. Yavuze ko ingamba zo kwirinda Covid 19 ari ngombwa ariko ngo zitagomba kuvutsa uburenganzira umuntu uregwa ibyaha bikomeye nka Rusesabagina. Urubanza rwa Paul Rusesabagina rukomeje gusubikwa/Ifoto:Ijwi ry’Amerika

Rusesabagina nawe yahise ashyigikira ibyavuzwe n’umwunganizi we, asaba urukiko ko rwamuha uburyo akabonana na Me Gatera. Yumvikanishije ko kugeza ubu atarabona Dosiye ye ngo ayisome yitonze, kuko atabasha kugera ku ikoranabuhanga rikoreshwa n’inkiko.

Umushinjacyaha yavuze ko Rusesabagina na Me Gashabana mbere y’iburanisha basabye isaha yo kuganira mu muhezo bakabihabwa, none bakaba basabye ko urubanza rwimurwa. Ni ibyo yise ko ari impamvu zo kudashaka kuburana mu gihe ari urubanza rwagakwiye kwihuta.

Yavuze ko uregwa akwiye kuvuga ko ubujurire aburetse, agategereza kuburana mu mizi.

Urukiko rwanzuye ko hagomba kubaho uburyo bwo guhuza imbonankubone uregwa n’umunyamategeko we, rufata umwanzuro wo kwimurira urubanza tariki ya 27 z’uku kwezi.


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA