AMAKURU

UKWEZI
cheno 2020

Minisitiri Busingye yavuze ku bagabo basambanya abakobwa bitwaje ko bambara imyenda migufi

Minisitiri Busingye yavuze ku bagabo basambanya abakobwa bitwaje ko bambara imyenda migufi
11-02-2020 saa 12:58' | By Nsanzimana Ernest | Yasomwe n'abantu 3332 | Ibitekerezo 2

Minisitiri w’ Ubutabera akaba n’intuma nkuru ya Leta Johnston Busingye avuga ko kuba umwana w’umukobwa yambaye mini(impenure) ari uburenganzira bwe, bityo ko ntawe ukwiye kubyitwaza ngo amusambanye.

Yabitangarije mu karere ka Nyanza mu nama yahuje abayobozi b’aka karere kuva ku rwego rw’umudugudu kugera ku rwego rw’akarere.

Iyi nama yari ifite insanganyamatsiko igira iti “Sobanukirwa ibyaha ubyirinde, tutwanye ihohoterwa rikorerwa mu ngo n’irikorerwa abana”

Minisitiri Busingye yavuze ko icyaha cy’ihohotera rishingiye ku gitsina atari impanuka cyangwa ikiza nk’imyuzure, n’inzige ahubwo ari ibikorwa umuntu ategura agafata isuka aho guhinga ikawa agahinga umugore we.

Yavuze ko umuntu ukora icyaha cy’ihohotera ari ukwiye kugira ubwoba kuko ngo nibatagira ubwoba bazakomeza ati “Polisi ikwiye gutabara uwahohoteye umuntu abandi bashaka kumuniga. Dukwiye kwirukanka kubahohotera abantu akaba aribo bagira ubwoba nibatagira ubwoba bazakomeza.”

Minisitiri Busingye yavuze ko Abanyarwanda biyemeje ko bagiye kurwanya ihohoterwa rishingiye ku gitsina ryarangira. Anavuga ko kunywa ibiyobyabwenge atari urwitwazo rwo gukora icyaha ati “Kuki uwanyoye ibiyobyabwenge atiyahura, kuki atajya kwijugunya muri Nyabarongo, ni uko hari amahitamo aba yasigaranye”.

Yakomeje agira ati “Umugabo utekereza ngo umwana w’abandi yambaye mini, ngo urwo ni uruhushya rwo kumuterura, umuterura nkande wowe? Umwana washatse kwambara mini(impenure) uramushakaho iki?. Ntacyo bitwaye, ariko se wowe wa mugabo we wayambaye wowe umwanya wo kujya guterura abandi. Tugatangira gukumakuma abakobwa bacu ngo ntugende, ni kunywa ni nijoro ntuge hariya, abana bacu bakeneye gusohoka, ejo bazajya mu mijyi, bazasohoka mu Rwanda bage ahandi. Ubwo rero tubahindure abaturage batarabona n’imodoka, batarabona kaburimbo ngo twabatinyishije izi ngwe z’abahungu bahindutse ingwe ryari? Niba ari ingwe ingwe ziba mu kagera”.

Busingye yavuze ko umuntu umwe wahohotewe akwiye gutuma abantu bose bahanguruka. Ngo atumwa ukuntu abantu 200 bahohotera bagenzi babo bananira abantu ibihumbi 400 batuye akarere ka Nyanza.

Umunyamabanga mukuru wungirije wa RIB, Isabelle Kalihangabo, yavuze ko Urwego rw’igihugu rwonyine rudashobora kurangiza rwonyine inshingano zo gukumira , gutahura no kugenza ibyaha rudafashijwe n’abaturage.

Ati “Abantu twese duteraniye hano dushyize hamwe ihohoterwa rishingiye ku gitsina ryaranduka burundu”.

Urwego rw’igihugu rw’ubugenzacyaha RIB ruvuga ko mu karere ka Nyanza rwakiriye umwaka ushize wa 2019 rwakiriye ibirego 177 by’ihohoterwa.

Meya wa Nyanza Ntazinda Erasme we yavuze ko ibirego by’ihohoterwa byagaragaye muri 2019 ari 214.

RIB ivuga ko ibyaha by’ihohoterwa ababikora cyane ari abagabo. Muri 2019 abagabo bakurikiranyweho ibyaha by’ihohoterwa ni 180 mu gihe abagore ari 24.

Kalihangabo yavuze mu byaha by’ ihohoterwa ikiza ku isonga ari ugusambanya abana, ibirego 60, bigakurikirwa n’icyaha cyo Gukubita no gukomereka cyagize ibirego 34, mu gihe icyaha cyo Gukoresha undi imibonano mpuzabitsina ku gataho cyagize ibirego 18.

Intara y’Amajyepfo iri kumwanya wa gatatu (3) mu byaha byose muri rusange, aho mu mwaka wa 2019, RIB yagenjeje ibyaha 10, 924

Akarere ka Nyanza by’umwihariko kari ku mwanya wa (26) mu byaha byose muri rusange, ku bw’imwihariko Nyanza hakaba haragaragaye ibyaha byo gusambanya abana 60, no guhohotera uwo bashakanye ibyaha 24. Ibi ni byaha byakurikiranywe dosiye zoherezwa mu Bushinjacyaha

Mu ntara y’amajyepfo akarere kaza ku mwanya wa mbere mu kugira ibyaha byinshi ni by’ ihohoterwa ni Nyaruguru gafite ibirenga 300.


Abaturage bavuga ko igitera ihohoterwa cyane ari inzoga z’inkorano


INKURU ZA :
Tanga Igitekerezo
Ibitekerezo 2
NAHIMANA emmanueri Kuya 12-02-2020

Ndabwo byoroshye kubagabo nabakobwa

Impenure Kuya 11-02-2020

Umukobwa usambanywa kuko yambaye impenure niwa wundi uba yarahenutse mu mutwe!
Minister ibyo avuga nibyo ariko azarebe indaya zambara nk’abandi cg abandi bbara nk’indaya ariko burya ikiri mu mutwe nicyo kibatandukanya, so hari abambara impenure ukabona ko no mu mutwe bahenutse noneho abagabo cg abasore bakaba bababonye urwaho ingaruka zabageraho mukaba aribwo mubibona!
Umwana wawe honorable minister niyo yakwambara ubusa abantu bamureba bakamurekera icyubahiro kuko no mu maso arabisa contrary n’umwe wabyambaye ashaka kwerekana ko afite ikimero kiza!
Uwumva yumve

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...