AMAKURU

UKWEZI
Canal+ christmax

Umuyobozi wa gereza ya Gicumbi arafunze nyuma yo gutabariza abagororwa bafite imirire mibi

Umuyobozi wa gereza ya Gicumbi arafunze nyuma yo gutabariza abagororwa bafite imirire mibi
28-09-2020 saa 06:37' | By Chief Editor | Yasomwe n'abantu 21884 | Ibitekerezo 23

Umuyobozi wa gereza ya Gicumbi, CSP Iyaburunga Innocent, amaze iminsi afunze nyuma y’uko hasakaye amakuru y’uko ari we watabarije imfungwa n’abagororwa bafite ikibazo cy’imirire mibi, nyamara byaravugurujwe n’ubuyobozi bukuru bw’urwego rw’amagereza mu Rwanda, RCS.

Mu minsi micye ishize, ubuyobozi bwa Diyosezi Gatorika ya Byumba bwanditse ibaruwa busaba abapadiri batandukanye muri iyi diyosezi ndetse n’abakirisitu kwitanga hakaboneka inkunga y’ibiribwa birimo indagara, isukari na SOSOMA kugirango bagoboke imfungwa n’abagororwa bo muri gereza ya Byumba bafite ikibazo cy’imirire mibi.

Muri iyi baruwa, Musenyeri Nzakamwita ati : "Muri iki gihe isi yose ihanganye n’icyorezo cya Coronavirus, dukomeje kugezwaho imibare y’imfungwa n’abagororwa bafite ikibazo cy’imibereho kubera ko ababagemuriraga bazitiwe n’ingamba zo kwirinda ikwirakwizwa rya Coronavirus. By’umwihariko gereza ya Gicumbi yatugejejeho ikibazo cy’abagororwa bafite indwara zikomoka ku mirire mibi, abafite indwara zidakira nka SIDA na diyabeti n’abageze mu za bukuru."

JPEG - 45.9 ko

Nyuma y’uko iyi baruwa igiye hanze ikanakwirakwizwa ku mbuga nkoranyambaga, Urwego rw’amagereza mu Rwanda RCS, rwahise rubyamagana ruvuga ko rugenerwa ingengo y’imari yo gutunga imfungwa n’abagororwa kandi ikaba itaragabanutse, ikindi ngo guhagarika gusura ntibyabujije ko abafite ababo bafunzwe baboherereza amafaranga kuri Mobile Money. Mu itangazo ryashyizweho umukono n’umuyobozi mukuru w’uru rwego, CG Rwigamba George, yavuze ko abagororwa bitaweho uko bikwiye, ko bavuzwa kandi abafite uburwayi bakitabwaho by’umwihariko.

JPEG - 93.8 ko

Nyuma y’uko RCS ivuguruje aya makuru, abatari bacye bibasiye Diyosezi ya Byumba byagaragaraga ko yabeshye, nyamara amakuru yaje kumenyekana ni uko yakoraga ubuvugizi nyuma yo gusabwa inkunga n’ubuyobozi bwa gereza ya Byumba. Ibaruwa twabashije kubonera kopi yanditswe n’umuyobozi wa gereza ya Byumba tariki 19/06/2020, yari igenewe itorero rya ADEPR i Byumba, irasa n’iyari yandikiwe andi matorero arimo na Diyosezi Gatorika ya Byumba.

JPEG - 54.8 ko

Muri iyi baruwa, umuyobozi wa gereza ya Byumba yasabaga ko ubuyobozi bw’aya matorero bwabagenera inkunga y’ibiribwa by’inyongerafunguro nk’indagara, isukari na SOSOMA, yo kugoboka abagororwa b’abanyantege nke n’abandi babyimbye amaguru kubera imirire mibi. Nawe yashimangiraga ko byatewe n’ingaruka za COVID-19 yatumye hafatwa ingamba zo guhagarika gusura imfungwa n’abagororwa.

Nyuma y’ibi byose, ikinyamakuru Ukwezi cyamenye amakuru y’uko uwo muyobozi wa gereza yatawe muri yombi. Twaganiriye n’umuvugizi w’Urwego rw’amagereza mu Rwanda, SSP Gakwaya Uwera Pelly, yemeza amakuru y’uko uwo muyobozi ari mu maboko ya RIB ariko avuga ko amakuru arambuye twayahabwa n’urwo rwego rumufite. Yagize ati : "Njyewe ndumva amakuru mwayabaza RIB kuko ari yo imufite. Yagiye kwitaba RIB byo yarayitabye"

Ku murongo wa telefone kandi, ikinyamakuru Ukwezi cyavuganye na Dr Murangira Thierry, Umuvugizi w’umusigire wa RIB, tumubaza iby’itabwa muri yombi ry’uyu muyobozi wa gereza ya Byumba, atubwira ko aza kuduhamagara. Mu gihe yaba aduhaye andi makuru arambuye twaza kuyabagezaho.


INKURU ZA :
Tanga Igitekerezo
Ibitekerezo 23
ISIRIKOREYE Kuya 6-10-2020

ariko aka karengane kari gukorerwa abanyarwanda kazarangira ryari koko ubu se ugiye muri gereza zo murwanda ntuhasanga abantu babyimbye amaguru namatama kubera imirire mibi ubuse uyu mugabo koko aize iki rwose pe uyu muyobozi kuba yaratabarije izi mfungwa ntakosa yakoze pe ahubwo yakoze igikorwa cy’ubutwari banyamakuru namwe rwose muvuganire uyu muyobozi yagufungwa kuko nziko izindi nzego arizo UMUVUNYI, TRANSPARENCE, SOCITE CIVILE, KOMISIYO YUBURENGANZIRA BWA MUNTU ntacyo zijya zikora ngo zivuganire umuntu nkuyu urengana uwaba azi uwo barenganuye azamumbwire

umulisa Kuya 29-09-2020

Ariko nukuri uyu mugabo arazira ubusa usibye nabafunze nabarihanze twaraye nzabwacyi kubera kurya nabi gewe ubwage nagiye mubitaro nabuze amaraso kubera kubura ibyokurya none tecyereza abafunze ari nabeshi nukuri nibamurenganure yabikonze kubera imibereho yabagororwa nurukundo abafitiye kumuntu

Innocent Kuya 29-09-2020

Nyabuna nimwumve ikibazo cy’aba bagororwa hariya hantu ni mu bukonje cyane. Ikindi tumenyeko umugororwa ari umuntu kimwe n’abandi kandi ntawe utakwisangamo

Augustın Kuya 29-09-2020

Nuko ubutegetsi bw’ıgıtugu bumera.Aha ıcaha kimujeko kandi yari yitayeho abo ajejwe.Ubutegetsi bwagatsiko bushaka kwama busa neza kandi ari amabandi n’abicanyi.

Kabanda Kuya 29-09-2020

Kugira ubumuntu urabiharanira
Nibwo butwari gusa yihangan kuko arintandaro yokubura akazi kubera kutamenya ikipe akinamo solly nihitiraga.🥺🥺🥺🥺🥺

Kabanda Kuya 29-09-2020

Kugira ubumuntu urabiharanira
Nibwo butwari gusa yihangan kuko arintandaro yokubura akazi kubera kutamenya ikipe akinamo solly nihitiraga.🥺🥺🥺🥺🥺

Cady Kuya 28-09-2020

Rwugamba ibi bintu ntabiha agaciro nyamara nawe afite umubiri,muzumve amatangazo ahora avugwa kumaradio avuga abapfa muri GEREZA ya huge.bose bazira imirire mini.icyakora Imana izaca urubanza.ikibabaje nuko prezida bamuhisha ukuri kuko we nziko atakwemera ibibera mumagereza

bon Kuya 28-09-2020

mumenye ko muminsi yimperuka abantu bazanga ibyiza bakabirutisha ibibi,ubuse ikibi yakoze nikihe ?iyongengo muvuga ntirimo ibyarengera abagororwa barwaye,ko ataribyanyu ku bibaha iyo mureka bakabifashiriza ?birababaje pe !!

Mob Kuya 28-09-2020

Murumvako ikibazo gihari Kandi kinakomeye nkuko umuyobozi wagereza yabivuze kuko niwe jisho rya RCS abo mu miyove.ikibazo vihita kigaragaza yasimbutse inzego yandika amabaruwa ariko yahanwa atahanwa ukuriko kwamenyekanye
Rero bareba ingengo yabo yimari nimba arinke cyangwa nimba itanyerezwa ndumva haba audit

Pastor Kuya 28-09-2020

None se mu by’ukuri ikosa yagirizwa ni irihe ? Gutabariza umuntu uri mu kaga ni ikibazo ? Birashoboka ko hari andi makosa atavuzwe muri iyi nkuru, akaba ariyo azira nahubundi yakoze ibintu bikwiye umuntu wese ufite umutima wa kimuntu.

Tuyishime ruwi Kuya 28-09-2020

Nanduru ivugirubusa
Kumusozi rero
We yariyagizeneza
Nibamufungure

Tuyishime ruwi Kuya 28-09-2020

Nanduru ivugirubusa
Kumusozi rero
We yariyagizeneza
Nibamufungure

Jmv Kuya 28-09-2020

Kuba bafunzwe ntibikuraho ko ari abantu kandi bakeneye ubufasha. Kuba gereza ihabwa ingengo y’imari ntibyakuraho ikibazo gihari. Ndagirango mureke gukinira politike kubuzima bwabantu.tuzi neza ko ibiribwa byahenze kuba rero ibyo kurya byaba bike sikibazo. Twese tuziko ibyo kurya byo muri gereza ari ibigori. Harebwe uburyo ubuzima bwabo Bantu butabarwe mumaguru Mashya ndetse hakorwe igenzura muyandi magereza mushake umuti sikibazo. Murakoze

Jmv Kuya 28-09-2020

Kuba bafunzwe ntibikuraho ko ari abantu kandi bakeneye ubufasha. Kuba gereza ihabwa ingengo y’imari ntibyakuraho ikibazo gihari. Ndagirango mureke gukinira politike kubuzima bwabantu.tuzi neza ko ibiribwa byahenze kuba rero ibyo kurya byaba bike sikibazo. Twese tuziko ibyo kurya byo muri gereza ari ibigori. Harebwe uburyo ubuzima bwabo Bantu butabarwe mumaguru Mashya ndetse hakorwe igenzura muyandi magereza mushake umuti sikibazo. Murakoze

John Kuya 28-09-2020

Uwo muyobozi wafashwe kubera gutabariza abafite ibibazo RIB nikore iperereza kuko byashoboka Gira neza wigendere bibaye Ari Ukuri cgase inyungu ze bwite amategeko yamuhana ariko nibigenzurwe birashoboka ko umuyobozi nkuwo ntiyakwandika ibaruwa abeshya abayobozi bose tubagirira icyizere twe abaturage

John Kuya 28-09-2020

Uwo muyobozi wafashwe kubera gutabariza abafite ibibazo RIB nikore iperereza kuko byashoboka Gira neza wigendere bibaye Ari Ukuri cgase inyungu ze bwite amategeko yamuhana ariko nibigenzurwe birashoboka ko umuyobozi nkuwo ntiyakwandika ibaruwa abeshya abayobozi bose tubagirira icyizere twe abaturage

Bimawuwa Kuya 28-09-2020

Uyu muyobozi nimba ari nabyo yararengereye ibyo yakoze na mafuti ingengo ya gereza ntabwo yagabanutse none arahubutse agiye gukora ibitamureba nimba ari ikibazo yarafite ko atagiye kubamukuriye aho kujya gusaba amafunguro ahandi ni bimwe abantu bahabwa akazi batazi inshingano zabo

Kazeneza Kuya 28-09-2020

Subwo kugira neza umuntu arabifungirwa harubwose yaragiye kubiha abana be nafumgwe Imana izamurengera😭😭😭😭ntacyahambona Aho sha utarajya gereza yibwrango kwisi niwabo

iganze Kuya 28-09-2020

Ubu se uyu muyobozi wa gereza koko ntiyaba yarenganye niba yarabonaga abantu bamerewe nabi, kubatabariza ni icyaha ? Ni ibisanzwe ko Leta n’amadini bagirana ubufatanye.
Ntabwo se yahaye copy ubuyobozi bumukuriye yandikira abanyamadini ?
Rwose bamubabarire, nawe ari wowe uyoboye abantu ukabona ubuzima bushobora kubacika ntiwatuza pe ! Keretse uri igikoko utagira umutima.

Pasi Kuya 28-09-2020

None se niba yarabonye abagororwa bamerewe nabi akabivuga RCS ntimwumve bigatuma atabaza amadini ngo abagoboke yagize nabi ?
Kumufunga se niwo muti cg umuti ni ugukemura ikibazo ?
Numva ubuyobozi bukuru bwarenganura uwo mugabo.
Iyo ikibazo kiba kidahari ntitwakumvise buri munsi nibura abagororwa bane mu matangazo yo kubika nk’icumi(ngo nimutaza gufata umuryango gereza izawushingura)
Abagororwa nabo ni abantu kandi uwariwe wese yafungwa.

iyamarere Kuya 28-09-2020

uyu mucungagereza yararengereye rwose ; yitwaye nkumusiviri. ubwo se minstre nabura impapuro muri ministere ye azazisaba abaterankunga cyangwa azabibwira gouvernement ibimusabire ?

naho kuba abafungwa barih nabi ; ikibazo, harebwq uko bagabanya abagororwa :
- abataraburana bakaburana.
- abafunguwe bakihutishwa kurekurwa.

ku byerekeye umubare munini w’imfungwa uri muri gereza :
- kureba amategeko atuma abafungwa biyongera muri gereza akoroshywa (ifungurwa ry’agateganyo ryaremerejwe n’abaacamanza kandi amategeko aryoroshya, impamvu nyoroshya cyaha zambuwe , labacamanza, liberation conditionnelle yatizwe amabuye kandi yaragombaga kureba ibyaha byose,...) nibutse ko iyo baremereje amatetegeko bavuna RIB na RNP.

S Kuya 28-09-2020

Reka nibamara gufungura gusura, tuzareba uko bamerewe.

Ntirenganya Sylvestre Kuya 28-09-2020

Mbanje gushimira iki kinyamakuru ukwezi kuri iyi nkuru itugejejeho kuri iyi gereza ya Gicumbi. Muri make iyi gereza nayibayemo kandi nzi n’ubuzima bwayo ukuntu bigoye. Ibi uyu muyobozi wayo ibyo yakoze atakambira amadini njye nigeze kubibwira umuyobozi wa RCS bwaba CGP Rwigamba George ubwo yazaga kudusura mubwira ko ubuzima bw’abagororwa bwugarijwe n’imibereho mibi kuburyo yaborohereza bakajya bishakira inyunganira funguro rusange bahabwa. Mbabwije ukuri ntabwo ibigori bagabura ari bike ariko ikibazo kiri hariya cyihariye ni ubukonje burenze urugero bityo bigatuma ibiryo uriye bitagutindamo. Uwari umuyoboziwayo icyogihe nawe yahoraga abibwira Rwigamba George ntabyumve kugeza naho yamwisabiye kuza kutwumva ariko nkikimubaza yahise ancecekesha. Umuyobozi wese uzayiyobora mpamya ko azabona icyo kibazo kuko imbeho yaho iyo muriye ibigori gusa bikubyimbisha amaguru. Nkaba mbatumye ngo mubabwirire RCS ko yabafasha muri cantine ya gereza hagasubiramo ibiribwa bibisi ndetse n’imbabura bambuye imfungwa zikazisubizwa. Hagize ukenera ibindi bisobanuro by’ubuzima bwa hariya wanyandikira kuri WhatsApp 0788562762

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA