AMAKURU

UKWEZI

Umuyobozi wa Banki y’isi yatunguwe n’uko yabonye Kigali, anaganira na Perezida Kagame

Umuyobozi wa Banki y’isi yatunguwe n’uko yabonye Kigali, anaganira na Perezida Kagame
10-11-2018 saa 07:54' | By Chief Editor | Yasomwe n'abantu 4810 | Ibitekerezo

Kristalina Georgieva, umuyobozi wa Banki y’Isi uri mu ruzinduko rw’akazi mu Rwanda, yatunguwe n’uburyo yabonye umujyi wa Kigali ndetse agaragaza ko yawishimiye bidasanzwe, nyuma agirana ibiganiro na Perezida Paul Kagame.

Kristalina Georgieva kuri uyu wa Gatanu tariki 9 Ugushyingo 2018, yanditse ku rubuga rwa twitter amagambo aherekejwe n’amafoto atandukanye yafatiye mu mujyi wa Kigali, agaragaza ko yishimiye u Rwanda n’Umujyi wa Kigali by’umwihariko.

Kristalina Georgieva: "Murakaza neza mu Rwanda, nagize umunsi w’agahebuzo i Kigali kandi ndumva mfite akanyamuneza hano... Ikintu cya mbere nahise mbona ku mujyi wa Kigali ni ukuntu ari umujyi usukuye, usobanutse kandi utekanye"

Uyu muyobozi wa Banki y’isi kandi yatangaje ko yishimiye uburyo yakiriwe na Perezida Paul Kagame, ashimangira ko banagiranye ibiganiro byiza ku bijyanye n’ubufatanye mu gukora ubucuruzi.

Ku rundi ruhande, Perezida Kagame na we yatangaje ko yishimiye cyane kwakira uyu muyobozi wa Banki y’isi ndetse ko ubufatanye bwa Banki y’isi n’u Rwanda ari nta makemwa, by’umwihariko bakaba bunguranye ibitekerezo ku bufatanye mu by’ubucuruzi, ibikorwaremezo, iterambere ry’imijyi, ingufu, ubuhinzi n’ibindi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...