AMAKURU

UKWEZI
ubumwe

Umugore wa Perezida Tshisekedi yatemberejwe Kigali muri ya Bisi igerekeranye [AMAFOTO]

Umugore wa Perezida Tshisekedi yatemberejwe Kigali muri ya Bisi igerekeranye [AMAFOTO]
10-06-2019 saa 10:10' | By Nsanzimana Ernest | Yasomwe n'abantu 5885 | Ibitekerezo 2

Denise Nyakeru Tshisekedi , Umugore wa Perezida wa Repubulika ya Demukarasi ya Kongo uri mu Rwanda mu ruzinduko rw’ akazi rw’ iminsi ibiri yatemberejwe Umujyi wa Kigali muri Bisi yagenewe gutembereza abashaka kureba ubwiza bw’ uyu mujyi.

Kuri uyu wa 9 Kamena 2019, nibwo Denise Tshisekedi yatangiye uruzinduko mu Rwanda akaba yinjiriye ku mupaka wa Rubavu aho yakiriwe na Meya wa Rubavu Habyalimana Gilbert. Kuva I Rubavu kugera Kigali uyu mugore wakoresheje imodoka.

Nk’ uko byatangaje Visit Rwanda yabitangaje ku rubuga rwa Twitter Denise Tshisekedi yatemberejwe umujyi wa Kigali muri bisi nshya yagenewe gutembereza abashaka kureba ubwiza bw’ uyu mujyi.

Ingendo z’ubukerarugendo zizenguruka umujyi wa Kigali mu modoka ziswe ‘Sightseeing Bus’ zatangijwe na Sosiyete Kigali City Tour ku bufatanye n’Ikigo cy’Igihugu Gishinzwe Iterambere, RDB muri Werurwe 2019.

Ku munsi wa kabiri w’uruzinduko rwe, Madamu Tshisekedi arasura ibikorwa bitandukanye bijyanye no kwita ku buzima birimo Isange One Stop Center ifasha kwita ku bahuye n’ibibazo by’ihohoterwa rishingiye ku gitsina, ikabagira inama ndetse ikanakurikirana ko ababigizemo uruhare bashyikizwa ubutabera.

Denise Tshisekedi asuye u Rwanda mu gihe igihugu cye cya Repubulika ya Demukarasi ya Kongo, umubano wacyo n’ u Rwanda urushijeho kuba mwiza kuva umugabo we Perezida Felix Tshisekedi yatorerwa uyu mwanya mu ntangiriro z’ uyu mwaka wa 2019.

Nyuma y’ amezi atatu Perezida Tshisekedi atowe, Sosiyete y’u Rwanda y’Ubwikorezi bwo mu kirere ya RwandAir yatangiye ingendo zigana mu Mujyi wa Kinshasa muri Repubulika Iharanira Demokarasi ya Congo mu gihe byari bimaze igihe biganirwaho n’ impande zombi ariko kubishyira mu bikorwa bikagorana.

Biteganyijwe ko Umugore wa Perezida wa Repubulika ya Demukarasi ya Kongo Denise Tshisekedi agirana ibiganiro n’ Umugore wa Perezida w’ u Rwanda Jeannette Kagame.

Amafoto: Visit Rwanda



Andi mafoto agaragaza uko Denise Nyakeru Tshisekedi yakiriwe mu Rwanda





Uku niko byari byifashe ubwo Denise Tshisekedi yageraga i Rubavu mu Rwanda


INKURU ZA :
Tanga Igitekerezo
Ibitekerezo 2
Mugabe kanamugire Jean Claude Kuya 10-06-2019

Tumuhaye ikaze I wacu mu Rwanda, ndashimira uburyo umuyobozi wacu akomeza gutsura umubano, dukunda abashyitsi turamwishimiye

Mugabe kanamugire Jean Claude Kuya 10-06-2019

Tumuhaye ikaze I wacu mu Rwanda, ndashimira uburyo umuyobozi wacu akomeza gutsura umubano, dukunda abashyitsi turamwishimiye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...