AMAKURU

UKWEZI
cheno 2020

Ubutumwa buherutse kuzanwa n’ intumwa ya Museveni buratanga icyizere?’ - Kagame yagize icyo abivugaho

Ubutumwa buherutse kuzanwa n’ intumwa ya Museveni buratanga icyizere?’ - Kagame yagize icyo abivugaho
31-12-2019 saa 19:03' | By Nsanzimana Ernest | Yasomwe n'abantu 3454 | Ibitekerezo

‘Perezida Kagame yavuze ko amahirwe yose aganira ku gushakira umuti umubano utifashe neza hagati y’ u Rwanda na Uganda atajya ayasubiza inyuma gusa ngo nubwo yagiranye ibiganiro byiza n’ intumwa ya Perezida wa Uganda Yoweri Museveni ngo ikiganiro kirimo kubwizanya ukuri cyonyine ntabwo gihagije.

Ku Cyumweru tariki 29 Ukuboza 2019 nibwo Perezida Kagame yakiriye ambasaderi Adonia Abaye nk’ intumwa yari imuzaniye ubutumwa bwa Perezida Museveni ku mubano w’ ibihugu byombi.

Mu kiganiro Perezida Kagame yagiranye na Radiyo na Televiziyo Rwanda kuri uyu wa 31 Ukuboza 2019 yavuze ko intumwa yakiriye ari muri gahunda ikomeje yo gushakisha uko umubano w’ ibihugu byombi wakongera ukamera neza.

Yagize ati “Ibintu byinshi bimaze gukorwa byo gushaka uko ibibazo bihari byakemuka, byaba ibishingiye ku kuri, byaba ibyo kwanduranya gusa, byaba ibyo kwiyemera, byaba ibyo kugira gute, ibyo byose biba bikubiyemo bivangavanze. Ariko nanone abantu bagomba gushaka uko byakemurwa niyo nzira twagiyemo, tujya Luanda muri Angola, inshuro nyinshi cyangwa Abanyangola bafatanyije na DRC baje kudusura, bagiye gusura Uganda. Ibiriho kugira ngo iryo pfundo rishobore gupfunduka bizakomeza”.

Perezida Kagame avuga ko abantu aria bantu ngo niyo mpamvu ibintu hari igihe bitagenda neza nk’ uko bikwiye nyamara byumvikana. Ati “Ukuri ni uko yaba Uganda yaba u Rwanda sinshidikanya ko twese twifuza amahoro”.

Yavuze ko Intumwa ya Perezida Museveni aribyo yaje kumureba ngo nabyo ni muri iyo nzira yo gushakisha hubakirwa kuri biriya bindi byagiye biba.

Ati “Kuvuga rero ngo intumwa yahageze icyizere cyabonetse, ntabwo nibwira ko ari uko nabivuga, njye nabivuga ko iyo ari indi ntambwe ikomeza guterwa muri ubwo buryo bwo gushakisha icyatuma ikibazo icyo ari cyose cyaba gihari gishobora gukemuka”.

Yakomeje avuga ati “Niyo mpamvu njyewe aho mboneye ko hari intumwa igiye kuza kugira icyo ivuga ntabwo nakwanga kuyakira…Twagize ikiganiro kibwizanya ukuri, ariko ikiganiro ubwacyo ntabwo gihagize hagomba kugira ibiva mu kiganiro”.

Perezida Kagame yasabye Uganda guha u Rwanda amahoro ati “Baduhe amahoro, nubwo u Rwanda ruyakeneye nabo ndibwira ko bayakeneye. Ikintu cy’ ifatwa ry’ Abanyarwanda rya buri munsi aho bashakiye bakubitwa bamburwa ibyabo, ugashakisha n’ impamvu ikabura. Birimo urwango, birimo ibintu byinshi kandi si umwe, si babiri, si icumi, bagera muri magana.”.

“Kugera ahantu igihugu gihiga abanyagihugu b’ ikindi gihugu ntabwo byasobanuka, sinzi impamvu yabisobanura neza. Abandi bakavuga ngo baba bagiyeyo baba bagiye gutata, gutata iki? Kirimo abana kirimo, abagore kirimo abantu batazi no kwandika no gusoma, abantu bari aho bashakisha uko biberaho”.

Umukuru w’ igihugu yavuze ko hari abava mu Rwanda batarwifuriza ineza kuko hari ibyo yabajijwe cyangwa bafite uko batekereza, yagera mu kindi gihugu kikabafasha.
U Rwanda rushinja Uganda gutera inkunga imitwe irurwanya narwo rugashinjwa n’ u Burundi gucumbikira abafite imigambi mibi ku Burundi, gusa Perezida Kagame yagize ati “Twe ntabwo twigeze dushyigikira abari bafitanye ibibazo n’ ibi bihugu bindi”.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...