AMAKURU

UKWEZI
ubumwe

U Rwanda rwatanze icyizere ko vuba amakamyo ava Uganda yongera guca I Gatuna

U Rwanda rwatanze icyizere ko vuba amakamyo ava Uganda yongera guca I Gatuna
19-04-2019 saa 13:16' | By Nsanzimana Ernest | Yasomwe n'abantu 6262 | Ibitekerezo 2

Guverinoma y’ u Rwanda yatangaje ko imirimo yo kubaka umupaka wa Gatuna igiye kurangira , ndetse ko mu gihe cyumvikanyweho uyu mupaka uzongera gukoreshwa nk’ uko byahoze.

Kuri uyu wa Gatanu tariki 19 Mata 2019 nibwo , Minisitiri w’ ububanyi n’ amahanga w’ u Rwanda akaba n’ Umuvugizi wa guverinoma y’ u Rwanda yasuye uyu mupaka ajyanywe no kureba aho imirimo yo kubaka umupaka wa Gatuna igeze.

Amb. Dr Richard Sezibera yavuze ko afite ikizere ko n’ uruhande rwa Uganda ruzarangira vuba umupaka ukongera gukoreshwa.

Yagize ati “Nasuye umupaka wa Gatuna. Imirimo igiye kurangira. Nizeye ko Uganda izihutisha imirimo ku ruhande rwayo umupaka ukongera gukora ku gihe cyumvikanyweho mu nama y’ umuhora wa ruguru”.

Tariki 27 Gashyantare 2019 nibwo Ikigo cy’ igihugu cy’ imisoro mu Rwanda cyatangaje ko amakamyo ava Uganda akinjira mu Rwanda aciye ku mupaka wa Gatuna, atemerewe kongera kuhaca kubera imirimo yo gusana uyu mupaka.

Uganda yabifashe nko gufunga umupaka ariko u Rwanda ruvuga ko rutafunze umupaka. Muri iyo minsi nibwo u Rwanda rwatangaje ko byaba byiza Abanyarwanda birinze kujya muri Uganda kuko bajyayo bagahohoterwa.

Amakamyo ava Uganda yemerewe gukoresha umupaka wa Kagitumba nk’ uko byatangajwe na Leta y’u Rwanda. Gusa mu masoko yo mu Rwanda hari aho abacuruzi bagiye bazamura igiciro ku bicuruzwa bimwe na bimwe bitwaje ngo umupaka w’ u Rwanda na Uganda urafunze.

Tariki 20 Werurwe 2019, Minisiteri y’ ibikorwaremezo mu Rwanda yavuze ko imirimo yo kubaka ibiro by’ abinjira n’ abasohoka One Stop Border Post, I Gatuna yari igeze kuri 87%.

Mu kwezi gushize , Minisitiri Sezibera yavuze ko imirimo yo kubaka umupaka wa Gatuna izarangira mu mpera za Gicurasi 2019.






INKURU ZA :
Tanga Igitekerezo
Ibitekerezo 2
NZABANDORA Kuya 22-04-2019

NDASHIMIRA RETA’Y,URWANDA.KO YATANZE ICYIZERE.KO UMUPAKA UZAFUNGURWA VUBA.

Mami Kuya 20-04-2019

Umupaka ntimuwufungure, Uganda itazagira ngo ni inzara yatwishe nkuko birirwa babivuga. Cg nimuhafungura ntimuzongere gutuma hari ibyo kurya biva Uganda biza mu Rwanda.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...