konka coffee
KONKA

AMAKURU

UKWEZI
Minijust

U Rwanda rwanyomoje ko ‘ibijyanye n’ urujya n’ uruza I Gatuna’ byatangiye gukemuka

U Rwanda rwanyomoje ko ‘ibijyanye n’ urujya n’ uruza I Gatuna’ byatangiye gukemuka
22-04-2019 saa 08:08' | By Nsanzimana Ernest | Yasomwe n'abantu 6183 | Ibitekerezo 1

Mu mpera z’ icyumweru gishize nibwo ikinyamakuru ‘The East African’ kizwiho gutangaza amakuru yo mu karere u Rwanda ruherereyemo cyatangaje inkuru ivuga ko ku mupaka w’ u Rwanda na Uganda I Gatuna Abanyarwanda bawuturiye bahawe uburenganzira bwo kujya muri Uganda uko bashatse, ariko aya makuru guverinoma y’ u Rwanda yayahakanye ivuga ko atari ukuri.

Iki kinyamakuru cyagiye kuri uyu mupaka kiganira n’ abaturage barimo bambuka bajya u Rwanda, bakibwira ko abaturiye umupaka bari kwemererwa kwambuka bajya Uganda nta mananiza baciye ku mupaka wa Gatuna, ariko ngo kuyindi mipaka ntabwo birakemuka.

Umuyobozi muri guverinoma y’ u Rwanda yabwiye The New Times ko ayo makuru y’ uko I Gatuna Abanyarwanda bahawe uburenganzira bwo kwambuka bajya muri Uganda atari ukuri kuko ngo impamvu eshatu zatumye u Rwanda rugira Abanyarwanda inama yo kutajya muri Uganda zigihari.
Izo mpamvu ni uko u Rwanda rushinja Uganda guhohotera Abanyarwanda bajyayo, gufasha imitwe irwanya u Rwanda no kubangamira inyungu z’ u Rwanda mu bijyanye n’ ubukungu.

Mu ntangiriro z’ ukwezi kwa 3 nibwo Leta y’ u Rwanda yagiriye abanyarwanda inama yo kutajya muri Uganda , gusa Perezida w’ u Rwanda Paul Kagame yari yarigeze kubikomozaho tariki 4 Nyakanga 2018 aho yabwiye Abanyarwanda bajya gushakira serivise muri Uganda ati ‘Mugume hano tuzaba ibyo mukeneye’.

Nyuma y’ uko u Rwanda rugiriye Abanyarwanda inama yo kutajya muri Uganda bamwe mu bariyo bakomeje kubangamirwa

Tariki 15 Mata 2019, abantu batamenyekanye barashe umunyarwanda wakorera ubushabitsi muri Uganda witwa Lambert Sanabo arapfa. Nyakwigendera yari afite imyaka 52 ari umuyobozi w’ uruganda rwega divayi ‘Isimbi Wines’. Umurambo wa Sanabo yagejejwe mu Rwanda tariki 17 unyujijwe ku mupaka wa Cyanika.

Undi Munyarwanda witwa Theogene Dusengimana wari ufite imyaka 28 wakoraga mu mirima y’ icyayi mu karere ka Kabarore kuva muri 2014 yishwe n’ abantu bataramenyekana tariki 7 Mata 2019. Umurambo we nawo wagejejwe mu Rwanda unyujijwe ku mupaka wa Cyanika.

Uretse Abanyarwanda bicirwa muri Uganda hari n’ abafatirwayo bagafungwa nk’ uko imibare ya Leta y’ u Rwanda ibigaragaza.

Mu kwezi kwa 4 Abanyarwanda 94 birukanywe ku butaka bwa Uganda binyuranyije n’ amategeko nk’ uko bigaragazwa n’ imibare y’ abashinzwe abinjira n’ abasohoka.

Byabereye ku mipaka itatu yemewe ihuza u Rwanda na Uganda. Cyanika 22, Gatuna 51 na Kagitumba 21.

Amakamyo ava Uganda aza mu Rwanda yabujijwe kunyura ku mupaka wa Gatuna kuva mu mpera za Gashyantare 2019, bitewe n’ imirimo yo gusana uyu mupaka ku ruhande rw’ u Rwanda. Minisitiri w’ ibikorwaremezo mu Rwanda Amb. Claver Gatete aherutse kuvuga ko imirimo yo kubaka uyu mupaka wa Gatuna igeze kuri 93%.


INKURU ZA :
Tanga Igitekerezo
Ibitekerezo 1
Gerard Kuya 22-04-2019

umupaka ugire ufungurwe ark bigendane n’ikizere ku mutekano. thanks!

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...