konka coffee
KONKA

AMAKURU

UKWEZI
Minijust

U Rwanda ntabwo rukeneye uwarwunga na Uganda - Amb. Olivier Nduhungirehe

U Rwanda ntabwo rukeneye uwarwunga na Uganda - Amb. Olivier Nduhungirehe
26-03-2019 saa 11:20' | By Chief Editor | Yasomwe n'abantu 3742 | Ibitekerezo 6

Umunyamabanga wa Leta muri Minisiteri y’Ububanyi n’Amahanga, Ubutwererane, n’Umuryango w’Ibihugu bya Afurika y‘Iburasirazuba, Amb. Nduhungirehe Olivier, ashimangira ko u Rwanda rudakeneye uwarwunga n’igihugu cya Uganda bibanye nabi muri iki gihe, ahubwo akagira icyo yisabira u Bwongereza buvuga ko bwakwishimira kunga ibi bihugu byombi.

Ambasaderi w’u Bwongereza mu Rwanda, Jo Lomas, kuri uyu wa Mbere tariki 25 Werurwe 2019, yatangaje ko igihugu cye gihangayikishijwe n’umubano w’u Rwanda na Uganda wazambye muri iki gihe, avuga ko impande zombi zikwiye gukora ibishoboka ubuhahirane bugakomeza uko byari bisanzwe. Yanavuze ko igihugu cye cyakwishimira gutanga umusanzu mu kunga ibihugu byombi.

Amb. Nduhungirehe Olivier, abinyujije ku rubuga nkoranyambaga rwa Twitter, yagaragaje ko ibyo u Bwongereza buvuga byo kugira uruhare mu kunga u Rwanda na Uganda byo bidashoboka. Amb. Nduhungirehe ati: "U Rwanda ntabwo rukeneye ubwiyunge na Uganda. Iyi myumvire iyomba guhagarara. Icyaruta ahubwo niba u Bwongereza bushaka icyo bwakora cyadufasha, ni ugushyira igitutu kuri Guverinoma ya Kampala bakarekura Abanyarwanda basaga ijana bamaze imyaka irenga 2 bafunzwe n’inzego z’ubutasi za Uganda bitemewe n’amategeko"

Amb Nduhungirehe kandi asaba u Bwongereza ko bwanashyira igitutu kuri Guverinoma ya Uganda, igahagarika ibikorwa byo gutera inkunga imitwe irwanya ubutegetsi bw’u Rwanda irimo FDLR na RNC.

Kugeza ubu umubano w’u Rwanda na Uganda ukomeje kuzamba, mu gihe Leta y’u Rwanda ishinja Uganda gufunga no gutoteza Abanyarwanda bajyayo ibita intasi ndetse no gutera inkunga abashaka guhungabanya u Rwanda, Leta ya Uganda yo irabihakana.


INKURU ZA :
Tanga Igitekerezo
Ibitekerezo 6
George Kuya 27-03-2019

Ngo ntimukeneye uwo kubunga? Ndumva ibi bintu waba utabitekerejeho neza pe. Ubu c u Rwanda iyo rudafasha abantu kwiyunga igihugu kiba kimeze gute? Ntikiba ari amatongo? Rwose ibibazo bihari ntibyakemuka hatabayeho ubwiyunge. Byaca Ku muhuza, mwabyirangiriza icya ngombwa ni uko abanyarwanda n’abagande bongera kubana kivandimwe

Eddie Kuya 27-03-2019

Umuhuza njye mbona yadufasha.
Nduhungirehe ndabona de nta mishyikirano Akeneye.
Nyamara kandi u Rwanda na Uganda Ni abavandimwe.
Dusangiye nyinshi byiza bigomba kuduhuza naho ibidutanya tukabikemura Kandi tuzabigeraho.

Nyiringabo Kuya 26-03-2019

Uyu mugabo mbona ahubuka cyane!!!!; icyo abanyarwanda bakeneye nuko imipaka ifunguka haba umuhuza; atahaba hakenewe ubuhahirane ku banyarwanda n’abagande; naho ibyo avuga ntawabimutumye!!!!!.

Nzabandora Kuya 26-03-2019

None c nyine muri ubwo bwiyunge siho hava umwanzuro wo kubafungura no kureka gutera inkunga iyo mitwe? Hari nzi ko agiye kuvuga ko hadakenewe umuhuza kuko bazabyirangiriza noneeeeeee. Ndumiwe

Rwanda Kuya 26-03-2019

Arko nkuyu ubu aba ari kuvugirande ninde wamutumwe Icyo nzicyo sitwe abanyarwanda ari kuvugira ibyo ashaka

Rwanda Kuya 26-03-2019

Arko nkuyu ubu aba ari kuvugirande ninde wamutumwe Icyo nzicyo sitwe abanyarwanda ari kuvugira ibyo ashaka

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...