konka coffee
KONKA

AMAKURU

UKWEZI

U Rwanda ntabwo rufite abanzi ahubwo rufite abantu bayobye – Bamporiki

U Rwanda ntabwo rufite abanzi ahubwo rufite abantu bayobye – Bamporiki
12-07-2018 saa 15:34' | By Vincent Nsengiyumva | Yasomwe n'abantu 4279 | Ibitekerezo 4

Perezida w’Itorero ry’Igihugu, Bamporiki Edouard, yavuze ko u Rwanda rutagira abanzi ko ahubwo abahari ari abantu bayobye ngo kuko uwiyita umwanzi akaba atakurasa cyangwa ngo agire ikindi agukoraho aba yibeshya .

Ibi Bamporiki yabigarutseho mu kiganiro yatanze ku wa 6 Nyakanga 2018, mu gutangiza umwiherero w’abanyamuryango ba FPR Inkotanyi i Burayi wabereye mu gace ka Coventry mu Bwongereza.

Muri iki kiganiro Bamporiki yagejeje ku bari bitabiriye uyu mwwiherero, yagarutse cyane ku mateka yaranze igihugu kuva ku ngoma ya cyami kugeza aho igihugu cyabereye Repubulika.

Yavuze ko mu kugira ngo igihugu cy’u Rwanda kigere aho kigeze ubu ari uko habayeho FPR afata nk’umuhuza w’abakurambere b’intwari z’u Rwanda.

Bamporiki yakomoje ku butwari bwagiye buranga bamwe mu banyarwanda, aho bamwe bagiye banahara ubuzima bwabo ubwo babaga bashaka uburyo igihugu cyakaguka ndetse kikanagira ubusugire budasanzwe.

Aha yavuze ko Abanyarwanda barwanye bakoresheje intwaro zitandukanye zirimo kutavangura abarwanyi, byatumaga abatabaye batahukana intsinzi.

Ati “Nta rugamba na rumwe abanyarwanda bigeze barwana bavanguye abarwanyi. Kutavangura abarwanyi nta kindi cyabishoboza urwana usibye kubaka ubumwe mu banyagihugu igihe cyose ubakeneye ukabahamagara muri bwa bumwe.”

Yavuze ko FPR nayo yubakiye politiki yayo kuri bwa bumwe, maze abanyagihugu bose bahuza ubunyarwanda maze bituma buri wese yumva ko agomba kugira uruhari mu bihari n’ibigomba kubaho.

Bamporiki yagarutse ku banzi b’igihugu aho yabagereranyije n’abantu bayobye, akaba ahamya ko ubundi atari abanzi nk’uko babivuga, ko ahubwo ari abo yise abantu b’ibigoryi bagaragara mu muryango mugari.

Yagize ati “Iyo tuvuga ngo dufite abanzi, u Rwanda ntabwo rufite abanzi, rufite abantu bayobye, ni umuryango mugari ufite abantu b’ibigoryi, ariko kuvuga ngo ufite umwanzi utakurasa, utahiganwa na we kandi ari uwo muri wowe gukomeza kumwita umwanzi bishobora kumuha akabaraga. Ahubwo iyo umubwiye ngo waratannye ahubwo uzataha ryari ko watannye?’’

Bamporiki yabwiye cyane urubyiruko ko ibyo intwari zitangiye birimo gusigasira umuco no gutekerereza mu nganzo yawo byatakaye.

Ati ‘‘Ntiwavuga umuco umwami atakaye kuko ariwe murinzi wawo. Buri muyobozi avoma mu nganzo y’abamubanjirije keretse iyo uwamubajirije yasibye inzira. Nta kintu Kagame yavoma mu nganzo ya Habyarimana kuko ni iriba ritobamye ariko ararirenga akajya gushaka mu bakurambere bamubanjirije akagenda atuvunguriraho.’’


INKURU ZA :
Tanga Igitekerezo
Ibitekerezo 4
Masumbuko Kuya 15-07-2018

Na bariya bari i Nyabimata si abanzi ni abashaka gutaha iwabo.

KAYITESI Kuya 14-07-2018

NDIBARIZA JOHN,UBU BAMPORIKI IKINTU YAVUZE KITARI UKURI NIKI,ESE SIBIGORYI KOKO?NONESE NIBA UBA MURWANDA URUKUNDA KUKI WUMVA KO YACINYE INKORO.KANDI UBU ARUNDI UBIVUZE URUGERO NKA KABAREBE WAKUMVA KO ERI UKURI

R Kuya 13-07-2018

kwacinya inkoro ye hakababara iya JOHN??? wowe hari uwakubujije kuyicinya? naho ibyo uvuga byazanyaruguru na muhanga ni byabigoryi nyine yivugiye nahubundi mu Rwanda ntabanzi dufite dufite abatannye haba mugihugu imbere aribo barya ibyarubanda,barenganya abandi badashaka ko umunyarwanda akomeza guterimbere,no hanze yigihugu kandi tuzineza ko abariyo bose batayobye so wowe JOHN rero tekereza neza utaba mu batannye.

john Kuya 12-07-2018

ariko uyu mugabo yagiye areka gucinya inkoro agakabya ubuc ntabwo yumva amakuru za nyarugururu, muhanga ibihabera cg nugushaka kwiyemere no kuvuga ibyo atazi

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...