Leta y’ u Rwanda yatangaje ko itariki ya 13 Ugushyingo 2019 yatangajwe ko aribwo ibiganiro bya kabiri ku ishyirwamubikorwa ry’ amasezerano ya Luanda bizabera muri Uganda ntacyo iyiziho.

Iyo tariki yatangajwe mu kinyamakuru Chimpreports kiri mu bikomeye muri Uganda.

Ku ruhande rw’ u Rwanda , Amb. Olivier Nduhungirehe yatangarije kuri Twitter ko iyo tariki impande zombi zitayiganiriyeho ndetse ko nta butumire u Rwanda rwabonye.

Yagize ati “Biratangaje kumvira ibi mu binyamakuru bya Uganda. Minisiteri y’ ububanyi n’ amahanga y’ u Rwanda na Ambasade y’ u Rwanda muri Uganda nta butumire babonye”

Mu kwezi kwa 8 nibwo u Rwanda na Uganda byasinyanye amasezerano yo kuzahura umubano hagati y’ ibihugu byombi.

Ibiganiro bibanza ku ishyirwa mu bikorwa ry’ aya masezerano byabereye I Kigali tariki 16 Nzeli 2019 hafatairwamo umwanzuro uvuga ko ibindi biganiro bizakomereza Uganda.