AMAKURU

UKWEZI
Canal+ christmax

Prof Shyaka na Dr Diane Gashumba bahoze ari ba Minisitiri bagizwe ba Ambasaderi

Prof Shyaka na Dr Diane Gashumba bahoze ari ba Minisitiri bagizwe ba Ambasaderi
12-06-2021 saa 22:48' | By Martin | Yasomwe n'abantu 1670 | Ibitekerezo

Prof. Shyaka Anastase wabaye Minisitiri w’Ubutegetsi bw’Igihugu na Dr Diane Gashumba wabaye Minisitiri w’Ubuzima, bagizwe abahagarariye u Rwanda mu bindi bihugu (ba Ambasaderi).

Inama y’Abaminisitiri yateranye kuri uyu wa Gatandatu tariki 12 Kamena 2021, yagize Prof Shyaka Anastase Ambasaderi w’u Rwanda muri Repubulika ya Pologne.

Naho Dr Diane Gashumba we agirwa uhagarariye u Rwanda mu bwami bwa Suwede.

Mu bandi bahawe imyanya kandi, harimo James Gatera wahawe kuba Ambasaderi w’u Rwanda muri Repubulika ya Israel.

Dr Diane Gashumba wabaye Minisitiri w’Ubuzima, yeguye kuri uyu mwanya tariki ya 14 Gashyantare 2020 aza no kugarukwaho na Perezida Kagame mu mwiherero w’Abayobozi bakuru wabaye muri icyo gihe ko uriya wari umuyobozi yavanywe muri Guverinoma kubera kubeshya.

Muri uwo mwiherero, Perezida Kagame yagarutse ku myitwarire ya bamwe mu bari muri Guverinoma bari bamaze gukurwamo muri ibyo bihe, avuga ko Dr Gashumba yabeshye ku bijyanye n’uko u Rwanda rwiteguye guhangana n’icyorezo cya COVID-19 cyari cyugarije Isi ariko icyo gihe cyari kitaragera mu Rwanda.

Prof Shyaka Anasatse we yari aherutse kuva muri Guverinoma y’u Rwanda mu mavugrura yakozwe na Perezida wa Repubulika muri Werurwe 2021 ubwo yasimburwaga na Gatabazi Jean Marie Vianney wahoze ari Guverineri w’Intara y’Amajyaruguru.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA