konka coffee
KONKA

AMAKURU

UKWEZI
Minijust

Perezida Kenyatta yageze mu Rwanda ahita yerekeza I Gabiro

Perezida Kenyatta yageze mu Rwanda ahita yerekeza I Gabiro
11-03-2019 saa 12:05' | By Nsanzimana Ernest | Yasomwe n'abantu 3345 | Ibitekerezo 1

Kuri uyu wa Mbere Perezida w’ u Rwanda Paul Kagame yakiriye mugenzi we wa Kenya Uhuru Kenyatta bagiranye ibiganiro bigamije gushimangira umubano w’ ibihugu byombi

Perezida Kenyatta yageze ku kibuga Mpuzamahanga cya Kigali I Kanombe mu gitondo cyo kuri uyu wa 11 Werurwe 2019 ahita yerekeza i Gabiro mu karere ka Gatsibo ahari kubera umwiherero wa 16 w’ abayobozi bakuru b’ igihugu. Aha ninaho ibiganiro by’ aba bakuru b’ ibihugu byombi byabereye.

Perezida Uhuru Kenyatta yaherukaga mu Rwanda muri Werurwe mu mwaka ushize wa 2018 ubwo yari yitabiriye inama ya 10 idasanzwe y’abakuru b’ibihugu n’aba za Guverinoma bigize Umuryango wa Afurika Yunze Ubumwe.

Ibihugu byombi bifitanye umubano ushingiye mu butabera, ubucuruzi, ubuhinzi, uburezi, ikoranabuhanga n’itumanaho, umutekano n’ibindi.

Ibicuruzwa byinjira mu Rwanda 30 % byabyo binyuzwa ku cyambu cya Mombasa. Kenyatta na Kagame bahuye mu gihe nta Cyumweru kirashira, Kagame ahuye na Cyril Ramaphosa wa Afurika y’ Epfo na John Pombe Magufuli wa Tanzania.

Ni mu gihe kandi umubano w’ u Rwanda na Uganda utameze neza, ndetse ni mu gihe hari amakuru avuga ko u Rwanda rwafunze umupaka uruhuza na Uganda, amakuru abayobozi b’ u Rwanda bavuga ko atari ukuri.




INKURU ZA :
Tanga Igitekerezo
Ibitekerezo 1
NOWA Kuya 11-03-2019

tumuhaye.ikaze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...