AMAKURU

UKWEZI
Canal+ christmax

Perezida Kagame yitabiriye imikino ya Basketball iri kubera muri Kigali Arena- Amafoto

Perezida Kagame yitabiriye imikino ya Basketball iri kubera muri Kigali Arena- Amafoto
23-10-2020 saa 16:01' | By UKWEZI | Yasomwe n'abantu 4905 | Ibitekerezo

Perezida Paul Kagame, yitabiriye imikino ya kimwe cya kabiri ya Shampiyona ya Basketball mu Rwanda, BK National Basketball League, izasozwa ku Cyumweru.

Perezida Kagame yitabiriye iyi mikino ari kumwe na Minisitiri wa Siporo, Aurore Mimosa Munyangaju kuri uyu wa Gatanu,tariki 23 Ukwakira 2020.

Iyi mikino iri kubera muri Kigali Arena, Perezida Kagame yasanze hagezweho umukino wahuzaga REG BBC ndetse na APR BBC mu bagabo aho uyu mukino warangiye REG BBC 75-68 APR BBC.

Shampiyona y’umukino wa Basketball mu bagabo n’abagore, yabaye irushanwa rya mbere rikinwe ku butuka bw’u Rwanda kuva hageze icyorezo cya Coronavirus muri Werurwe.

Ku wa 18 Ukwakira nibwo hatangiye iri rushanwa rizasozwa ku wa Gatandatu, aho riri kubera muri Kigali Arena mu muhezo.

Perezida Paul Kagame yitabiriye iyi mikino igeze muri ½, aho yarebye umukino wa mbere wa ½ mu bagabo, aho REG BBC yasezereye APR BBC ku manota 75-68.

Minisitiri wa Siporo, Munyangaju Aurore Mimosa, Umunyamabanga Uhoraho muri Minisiteri ya Siporo, Shema Maboko Didier na Perezida w’Ishyirahamwe Nyarwanda ry’Umukino wa Basketball, Mugwiza Désiré, na bo bari mu bakurikiye uyu mukino.

Undi mukino wabaye kuri uyu wa Gatanu, ni uwo RP- IPRC Huye WBBC yasezereyemo APR WBBC ku manota 67-52, ikaba itegereje ikipe iza gutsinda hagati ya The Hoops Rwa na Ubumwe WBBC.

Mu bagabo, REG BBC izahura ku mukino wa nyuma uteganyijwe ku wa Gatandatu, n’ikipe iza gukomeza hagati ya Patriots BBC ifite igikombe cya Shampiyona giheruka na RP-IPRC Kigali BBC.

Iri rushanwa ryatangiye ku Cyumweru mu gihe hari hashize iminsi 219 (amezi arindwi n’iminsi itanu), nta mukino cyangwa irushanwa ribera ku butaka bw’u Rwanda kuva tariki ya 14 Werurwe ubwo Minisiteri y’Ubuzima yatangazaga ko habonetse umurwayi wa mbere wa COVID-19.

Amakipe ya Basketball yatangiye kwitoza nyuma yo gupimwa icyorezo cya Coronavirus ku wa 29 Nzeri mu gihe yagiye mu mwiherero muri Hotel La Palisse i Nyamata ku wa 16 Ukwakira, na bwo akabanza gupimwa COVID-19.

Shampiyona ya Basketball igiye gusozwa u Rwanda rwitegura kwakira imikino yo mu matsinda A, B na D yo majonjora yo gushaka itike ya Afrobasket 2021 izitabirwa n’amakipe 16, ikabera i Kigali hagati ya ya tariki ya 24 Kanama n’iya 5 Nzeri 2021.


Imikino yabaye kuri uyu wa Gatanu ndetse n’iteganyijwe mu mpera z’icyumweru

Perezida Kagame yari kumwe na Minisitiri wa Siporo mu Rwanda Perezida Kagame asanzwe akunda umukino wa Basketball


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA