konka coffee
KONKA

AMAKURU

UKWEZI
ubumwe

Perezida Kagame yavuze ku bigamba ko bafashe Nyungwe

Perezida Kagame yavuze ku bigamba ko bafashe Nyungwe
8-04-2019 saa 16:30' | By Nsanzimana Ernest | Yasomwe n'abantu 7049 | Ibitekerezo

Perezida w’ u Rwanda Paul Kagame yavuze ko abigamba ko bafashe Ishyamba rya Nyungwe ari ubushotaranyi baba barimo anavuga ko hari ikizere ko umutekano mu burasirazuba bwa Repubulika uzaboneka kuko hari ubushake bwa politiki.

Yabitangaje mu kiganiro yagiranye n’ abanyamakuru kuri uyu wa wa Mbere tariki 8 Mata 2019. Iki kiganiro ahanini cyitabiriwe n’ abanyamakuru b’ abanyamahanga bari mu Rwanda mu bikorwa byo gutara inkuru zo kwibuka ku nshuro ya 25 Jenoside yakorewe Abatutsi.

Perezida wa Repubulika yabwiye abanyamakuru ko u Rwanda rutajya rushotora ibindi bihugu kuko rudakunda intambara ariko rwakora ibishoboka byose kugira ngo ruhagarika ubushotoranyi bwarusanga ku butaka bwarwo.

Yagize ati “Ntabwo dutekereza gushoza intambara hanze y’igihugu cyacu ariko ntitwabura kuburira ushaka kuzana intambara ku butaka bwacu.Intambara irashoboka igihe cyose hagira ushaka kuzana ku butaka bwacu.Niba hari umuntu ufite igitekerezo cyo gushoza intambara ku Rwanda,azitegura ibyago bikomeye azahura nabyo.Nahumuriza buri wese mubwira ko kubera ibibazo u Rwanda rwaciyemo,rwiyubatsemo imbaraga n’ubushobozi bwinshi bwo kurwanya umwanzi uwo ari we wese kugira ngo ruhorane amahoro.”

Ku byerekeye inyeshyamba zimaze iminsi zigamba kuba muri Nyungwe Perezida Kagame yavuze ko ibyo bavuga ari ubushotoranyi.

Yagize ati “Hari abantu bamaze iminsi bishimira intsinzi ngo bafashe ibice bimwe by’igihugu.Izo n’inkuru zishaje,ntabwo bazi ibyo bavuga.Abigamba ko bari muri Nyungwe mbafata nk’abantu bashaka kudushotora ngo turwane bibeshya ko bazabigiriramo inyungu.Abo bashaka kudushotora barashaka ngo tube nkabo,tugire ibibazo."

Perezida Kagame yabajijwe uko abona mu Burasirazuba bwa Kongo haboneka umutekano avuga ko hari ikizere ko umutekano uzahaboneka ko Perezida mushya w’ iki gihugu Felix Tshisekedi yavuze ko ashaka kubana neza n’ ibihugu by’ abaturanyi no gufatanya nabyo ngo umutekano uboneke.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...