AMAKURU

UKWEZI
ubumwe

Perezida Kagame yakoze amavugurura akomeye muri Guverinoma General Nyamvumba agirwa Minisitiri

Perezida Kagame yakoze amavugurura akomeye muri Guverinoma General Nyamvumba agirwa Minisitiri
5-11-2019 saa 07:32' | By Nsanzimana Ernest | Yasomwe n'abantu 3018 | Ibitekerezo

Perezida Kagame kuri uyu wa Mbere yashyizeho abayobozi mu nzego zitandukanye z’igihugu, aho Gen Patrick Nyamvumba wari Umugaba Mukuru w’Ingabo kuva mu 2013 yagizwe Minisitiri w’Umutekano mu gihugu.

Iyi Minisiteri yahoze iyoborwa Sheikh Moussa Fazil Harelimana mbere y’ uko ikurwaho mu myaka 3 ishize. Inshingano yari ifite zirimo kureberera Polisi y’ igihugu n’ Urwego rw’ igihugu rw’ amagereza zahawe Minisiteri y’ Ubutabera naho inshingano yo kureberera DASSO ihabwa Minisiteri y’ ubutegetsi bw’ igihugu.

Abandi bayobozi bashyizweho Minisitiri w’ububanyi n’amahanga n’ubutwererane, Dr Vincent Biruta wari usanzwe ari Minisitiri w’ibidukikije, aho yasimbuwe na Dr Mujawamariya Jeanne d’Arc wari Ambasaderi w’u Rwanda mu Burusiya.

Minisitiri wa Siporo ni Aurore Mimosa Munyangaju wari umuyobozi Mukuru wa SONARWA, wasimbuye Espérance Nyirasafari wagizwe Senateri naho Minisitiri w’urubyiruko n’umuco aba Rosemary Mbabazi.

Abanyamabanga ba leta

Umunyamabanga wa leta muri Minisiteri y’urubyiruko n’umuco ni Edouard Bamporiki, aho yari asanzwe ari Perezida w’Itorero ry’Igihugu. Umunyamabanga wa leta muri Minisiteri y’ubutegetsi bw’igihugu ushinzwe imibereho myiza y’abaturage ni Ignacienne Nyirarukundo, wari Umudepite.

Umunyamabanga uhoraho wa Minisiteri y’uburinganire n’iterambere ry’umuryango ni Assoumpta Ingabire, Umunyamabanga uhoraho wa Minisiteri ya Siporo ni Didier Shema Maboko, Umunyamabanga uhoraho wa Minisiteri y’ubutegetsi bw’igihugu ni Samuel Dusengimana.

Abandi bayobozi bashyizweho ni Umuyobozi Mukuru w’inama nkuru y’amashuri makuru na za Kaminuza ni Dr Rose Mukankomeje, wigeze kuyobora ikigo cy’igihugu cy’ibidukikije (REMA),Umuyobozi Mukuru w’urwego rw’igihugu ngishwanama rw’inararibonye ni Tito Rutaremara naho umwe mu bagize urwego rw’igihugu ngishwanama, Marc Kabandana.

Ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe mu 2015 cyane cyane mu ngingo yaryo ya 116, none ku wa 4 Ugushyingo 2019, Nyakubahwa Perezida wa Repubulika ashyizeho abayobozi mu buryo bukurikira:

Abaminisitiri:

Minisitiri w’Ububanyi n’Amahanga n’Ubutwererane

- Dr Vincent Biruta

Minisitiri w’Ibidukikije

- Dr Jeanne D’Arc Mujawamariya

Minisitiri w’Umutekano mu Gihugu

- Gen Patrick Nyamvumba

Minisitiri wa Siporo

- Aurore Mimosa Munyangaju

Minisitiri w’Urubyiruko n’Umuco

- Rose Mary Mbabazi

Abanyamabanga ba Leta

Umunyamabanga wa Leta muri Minisiteri y’Urubyiruko n’Umuco

- Edouard Bamporiki

Umunyamabanga wa Leta muri Minisiteri y’Ubutegetsi bw’Igihugu ushinzwe imibereho myiza y’abaturage

- Ignatienne Nyirarukundo

Abanyamabanga Bahoraho

Umunyabanga uhoraho wa Minisiteri y’Uburinganire n’iterambere ry’Umuryango

- Assumpta Ingabire

Umunyamabanga uhoraho muri Minisiteri ya Siporo

- Didier Shema Maboko

Umunyamabanga uhoraho muri Minisiteri y’Ubutegetsi bw’Igihugu n’Imibereho myiza y’Abaturage

- Samuel Dusengiyumva

Abandi Bayobozi

Umuyobozi Mukuru w’Inama Nkuru y’amashuri makuru na kaminuza

- Dr. Rose Mukankomeje

Umuyobozi Mukuru w’Urwego rw’Igihugu Ngishwanama rw’Inararibonye

- Tito Rutaremara

Umwe mu bagize Urwego rw’Iguhugu Ngishwanama rw’Inararibonye

- Marc Kabandana

Bikorewe i Kigali, kuwa 4 Ugushyingo 2019, mu izina rya Nyakubahwa Perezida wa Repubulika, Paul KAGAME,

Dr Edouard NGIRENTE, Minisitiri w’Intebe.}


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...