AMAKURU

UKWEZI
ubumwe

Perezida Kagame yabajijwe igihe azavira ku butegetsi

Perezida Kagame yabajijwe igihe azavira ku butegetsi
2-07-2019 saa 15:12' | By Nsanzimana Ernest | Yasomwe n'abantu 4830 | Ibitekerezo 4

Perezida w’ u Rwanda Paul Kagame yabajijwe igihe azavira ku butegetsi kuko hashize imyaka 25 abaturage bakaba bakimushaka avuga ko atigeze arwanira kuba Perezida ahubwo yarwaniye kubona igihugu atari afite.

Magingo aya itegeko nshinga riha Perezida Kagame uburenganzira bwo kwiyamamariza kuyobora u Rwanda kugeza muri 2034.

Mu kiganiro yagiranye n’ abanyamakuru kuri uyu wa 2 Nyakanga 2019, mu gihe hasigaye imyaka itanu ngo iyi manda ya 3 irangire, umunyamakuru yamubajije igihe azavira ku butegetsi cyane ko hashize imyaka 25 abaturage bakaba bakomeje kugaragaza ko bamushaka.

Umukuru w’ igihugu yavuze ko hari ubwo abaperezida bavuga ko abaturage barabashaka atari uko mu by’ ukuri abaturage babashaka ahubwo ari uko bo bashaka kuguma ku butegetsi ku nyungu zabo, gusa ngo siko mu Rwanda bimeze.

Yavuze ko ubushize atashaka kwiyamamaza, ndetse ko yabwiye ishyaka rye FPR –Inkotanyi ngo ubutaha bazashake undi. Ngo ishyaka rye ryashakaga ko yongera kwiyamamaza ariwe atabishaka.

Perezida Kagame yakomeje avuga ko yabaye Perezida ari atarigeze abirwanira.

Yagize ati “Mu mirwano nashoboraga kubura ubuzima nk’ abandi benshi babuze ubuzima bwabo. Nta nubwo narwaga ngo nzabe Perezida. Ni ikimenyimenyi iyo biba ari ukurwana ngo nzabe Perezida ntabwo nari kujya ku rugamba”

Yakomeje agira ati “Narwaniraga kubona igihugu ntari mfite, nafatanyaga n’ abandi duharanira impinduka zari zikenewe mu gihugu cyacu”.

Perezida Kagame yavuze ko hari abantu benshi bashaka kumusimbura ku ntebe, ababwira ko ushaka kuba Perezida agomba kwitegura akazabiharanira.

Ati “Niba ushaka kuba Perezida, itegure ubutaha izabe witeguye kwiyamamaza; ariko ugomba kubiharanira”

Paul Kagame afite imyaka 61 y’ amavuko, ni Perezida w’ u Rwanda kuva mu mwaka 2000 yatowe bwa mbere muri 2003, mangingo aya ayoboye manda ya gatatu.

Muri 2015 bisabwe n’ abaturage barenga miliyoni 4 itegeko nshinga rw’ u Rwanda rwaravuguruwe kugira ngo Perezida Kagame yongere kwiyamamaza.

Ingingo y’ 101 mu itegeko nshinga ry’ u Rwanda rya 2003 ryavuguruwe muri 2015, ivuga ko Perezida wa Repubulika atorerwa manda y’ imyaka itanu (5). Ashobora kongera gutorerwa indi manda imwe.


Perezida Kagame yavuze ko ubushize atashakaga kwiyamamaza


INKURU ZA :
Tanga Igitekerezo
Ibitekerezo 4
rwanda Kuya 3-07-2019

ariko abo babaza igihe President Kagame azaviraho jye bamaze no kundambira,bagiye babibaza abaprezida babo?asyiiiiii

Kacky Kuya 3-07-2019

Prezida urasobanutse,niyo mpamvu tuzagushyigikira mpaka,kuko igituma tuvuga turakizi .

Kagabo Kuya 2-07-2019

Kagame ubwe yivugiye ko nasanga mu gusaba ko yongera kwiyamamaza harabayemo amanyanga atazabyemera. Nanubu ntarabimenya?

Dushime Kuya 2-07-2019

President nkunda ibisubizo byawe rwose .
Sinzi kuntu nakubwira gusa uri Urugero kd warakoze kwemera kujya kurugamba two guharanira amahoro y’Urwanda ,inkotanyi muri beza mwabaye ibikoresho by’Imana turarokoka

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...