AMAKURU

UKWEZI
ubumwe

’Perezida Kagame ntabwo ari intungane ariko ni inyangamugayo’ Pasteri Rick Warren

’Perezida Kagame ntabwo ari intungane ariko ni inyangamugayo’ Pasteri Rick Warren
9-07-2019 saa 12:41' | By Nsanzimana Ernest | Yasomwe n'abantu 1096 | Ibitekerezo

Pasiteri Rick Warren yavuze ko Perezida w’ u Rwanda Paul Kagame ari umuntu w’ inyangamugayo ndetse ko ari umuyobozi yizera.

Yabivugiye mu mahugurwa y’ abayobozi yabereye i Kigali kuri uyu wa Kabili tariki 9 Nyakanga 2019. Aya mahugurwa yanitabiriwe na Perezida Paul Kagame na Madamu Jeannette Kagame. Afite intego igira iti ’Purporse Driven Leadership Gathering’ (Ubuyobozi bufite Intego).

Aya mahugurwa yayobowe n’ Umuvugabutumwa akaba n’Umuyobozi w’Itorero Saddleback ryo muri Amerika, Pasiteri Rick Warren ahateraniye abagera ku 2000.

Avuga kuri Perezida Kagame Pasiteri Rick Warren yavuze atari intungane ariko ari inyangamugayo.

Yagize ati “Dufite umushyitsi w’ icyubahiro uyu munsi dushaka gutega amatwi, uyu muntu ni ikitegererezo cy’ ibyo nabigishisje byose muri iki gitondo. Ntabwo ari intungane ariko ni umuntu w’ inyangamugayo kandi ni umuyobozi nizera. Duhe ikaze Perezida wa Repubulika y’ u Rwanda Paul Kagame”.

Pasiteri Rick Warren mu ijambo rye yavuze ko u Rwanda mu myaka 100 iri imbere gishobora kuzaba ari igihugu cyavuye mu bikennye kikajya mu bihugu bikize cyo na Singapore.

Rick Warren afatiye ingero kuri Abraham, Nehemiya, na Mose bavugwa muri bibiliya yavuze ko umuyobozi mwiza agira inzozi, akazishyira mu bikorwa kandi akazigeraho nubwo ahura n’ imbogamizi zirimo gukererwa no kugera aho abona ko bitagishobotse.

Uyu muvugabutumwa yavuze ko mu 1995 yasuye u Rwanda nyuma y’ umwaka umwe Jenoside yakorewe abatutsi ihagaritswe.

Ati “Icyo gihe ntabwo abantu benshi bifuzaga gusura u Rwanda ariko ubu abantu benshi muri Afurika bifuza gusura u Rwanda”.

Ubutumwa butangirwa muri iki giterane bwibanda ku miyoborere n’indangagaciro zikwiye abayobozi ba leta, abanyamadini n’abikorera mu kazi kabo.

Iki giterane kitabiriwe n’ abayobozi bo mu Rwanda barimo abaminisitiri, abayobozi b’ amadini n’ abandi batandukanye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...