AMAKURU

UKWEZI
cheno 2020

Paris: Kabuga Félicien yitabye Urukiko ari mu igare ry’abafite ubumuga

Paris: Kabuga Félicien yitabye Urukiko ari mu igare ry’abafite ubumuga
20-05-2020 saa 16:02' | By Akayezu Jean de Dieu | Yasomwe n'abantu 5899 | Ibitekerezo

Umunyemari Kabuga Félicien w’imyaka 87 y’amavuko uherutse gufatirwa I Paris mu Bufaransa yitabye Urukiko rwo muri iki gihugu ari mu igare ry’abafite ubumuga bigaragara ko ananiwe.

Uyu musaza ushinjwa uruhare rukomeye muri Jenoside yakorewe Abatutsi mu 1994, yafatiwe I Parisi ku wa 16 Gicurasi 2020, aho bivugwa ko bamusanze ahitwa Asnieres-sur-Seine mu Bufaransa tariki 16 Gicurasi, asanzwe mu nzu yo guturamo ikodeshwa ‘apartment’.

Kuri uyu wa Gatatu tariki 20 Gicurasi 2020, nibwo yitabye Urukiko rw’Ubujurire rwa Paris mu Rugereko rwarwo rushinzwe kuburanisha ibyaha by’intambara n’ibyibasiye inyokomuntu.

Reuters dukesha iyi nkuru yatangaje ko Kabuga yaje mu Rukiko atwawe mu igare ry’abafite ubumuga ndetse agaragara nk’umuntu unaniwe cyane ko yabwiye Urukiko ko afite imyaka 87.

Iki kinyamakuru kivuga ko yari yambaye ipantalo y’ikoboyi ifite ibara ry’ubururu, umupira w’imbeho ufite ingofero nawo usa n’ubururu ndetse yari yambaye n’agapfukamunwa mu rwego rwo kwirinda icyorezo cya COVID19.

Bivugwa kandi ko hari bamwe mubo mu muryango we bari bahari ndetse akaba yari aherekejwe n’abamwunganira mu mategeko.

Uyu mugabo ugaragaye bwa mbere mu ruhame nyuma y’imyaka myinshi yari ishize yihishahisha, ubwo yageraga imbere y’Urukiko yabajijwe niba imyirondoro yasomwe ari iye arabyemera avuga ko ariwe.

Yabwiye Urukiko ko yifuza guhabwa iminsi umunani yo gutegura urubanza kandi ko yifuza ko yazaburanishirizwa mu Bufaransa aho koherezwa mu kindi gihugu.

Kabuga yatawe muri yombi hagendewe ku mpapuro mpuzamahanga yashyiriweho n’Urwego rwasigariyeho Urukiko Mpuzamahanga Mpanabyaha, IRMCT.

Biteganyijwe ko hazabanza gusuzumwa niba izo mpapuro zimuta muri yombi zifite ishingiro akaba ari nabwo hazafatwa umwnzuro wo kuba yakoherezwa kuburanira i Arusha muri Tanzania cyangwa niba azoherezwa i Hague mu Buholandi.

Umutekano uba wakajijwe


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...