AMAKURU

UKWEZI
cheno 2020

Nyanza: Bakoze amahitamo azacungura burundu miliyoni 4 zagendaga buri mwaka kuri Situation Room

Nyanza: Bakoze amahitamo azacungura burundu miliyoni 4 zagendaga buri mwaka kuri Situation Room
9-03-2020 saa 19:07' | By Nsanzimana Ernest | Yasomwe n'abantu 857 | Ibitekerezo

Akarere ka Nyanza niko karere kuri ubu gafite icyumba cy’amakuru cy’ ikoranabuhanga. Umuyobozi wako Ntazinda Erasme avuga ko iri koranabuhanga rizafasha aka karere kudakomeza gutakaza miliyoni 4 mu gufotoza impapuro.

Magingo aya icyumba cy’amakuru kizwi nka Situation Room kiri mu turere 30 twose tw’u Rwanda gusa uturere hafi ya twose dufite muri Situation room amakuru ari ku mpapuro.

Iki cyumba gitwara miliyoni 4 buri mwaka agenda mu gufotoza amakuru aba ari kuri izi mpapuro zimanikwamo kugirango ukeneye imibare igaragaza aho akarere kageze kesa imihigo ayibonemo. Bivuze ko Leta itakaza miliyoni 120 kuri iki cyumba gusa.

Uko akarere ka Nyanza kahagaritse gutanga miliyoni 4 buri mwaka kandi amakuru akagaragazwa

Umuyobozi w’ Akarere ka Nyanza Ntazinda Erasme avuga ko akarere karekuriye rimwe miliyoni 8 kagura ingaragazamashusho (screen) izakora imyaka yose.

Ngo byatewe n’uko basanze bafite ikibazo cy’icyumba gito kitazakwirwamo impapuro ziriho ayo makuru, kandi ngo byanakozwe mu rwego rwo kurinda ibidukikije kuko buri rupapuro rushotse haba haguye igiti.

Ati “Twakoreshaga miliyoni hafi enye zo kwempurima, ubwo twavuga ko twafashe imyaka ibiri tukayihuriza hamwe ariko ni ikintu kizabaho imyaka myinshi harimo rero inyungu ikomeye”.

Umunyamabanga Nshingwabikorwa w’ Intara y’ Amajyepfo Jabo Paul yavuze ko akarere ka Nyanza kabaye bandebereho. Ngo gahunda ihari ni uko mu ntara y’amajyepfo yose mu turere twose uko ari 8 n’imirenge 101, icyumba cy’amakuru bamwe bita icyumba cy’imihigo kigomba kuba icy’ikikoranabuhanga (Smart Situation Room).

Ati “Impamvu ikomeye ni uko impapuro ziragenda zikaba nyinshi zikaba zakenera n’ububiko, ahubwo zimwe zikaba zanakwangirika. Ikiza cya smart situation ariya ma format mwabonye yose azaba ari mu mashini.”.

Jabo avuga ko iki cyumba cy’ikoranabuhanga kitezweho gukemura ikibazo avuga ko gisanzwe gihari cyo kutabona amakuru ajyanye n’imibare.


Iyi screen yatwaye miliyoni 8 niyo ibitsemo amakuru yose ajyanye n’iterambere ry’akarere ka Nyanza


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...