AMAKURU

UKWEZI
ubumwe

‘Ntabwo tuzongera kuyoba bibaho’ Perezida Kagame

‘Ntabwo tuzongera kuyoba bibaho’ Perezida Kagame
4-07-2019 saa 13:18' | By Nsanzimana Ernest | Yasomwe n'abantu 1556 | Ibitekerezo

Perezida w’ u Rwanda Paul Kagame yagaragaje ko u Rwanda rwavuye mu bibi bibi rukaba rubayeho neza, asaba Abanyarwanda kutirara kuko akazi gakomeye ari ukurinda ibyagezweho abiza ko u Rwanda rutazongera kuyoba.

Yabivuze kuri uyu wa 4 Nyakanga ubwo u Rwanda rwizihizaga ku nshuro ya 25 Umunsi mukuru wo kwibohora.

Perezida Kagame yavuze ko urugamba rwo urugamba rwo kubohora igihugu rwari ngombwa ndetse ntakundi byari kugenda.

Yagize ati “Ni ikindi gihe bizaba ngombwa tuzaba duhari. Iki cyerekezo cy’ ubumwe n’ ubutabera cyatumye benshi badutera ingabo mu bitungu kuko kijyanye neza n’ umutima w’ ubumuntu.”

Umukuru w’ igihugu yavuze ko ingabo z’ u Rwanda zakoze akazi kazo, intwari zari mu gihugu zirwanya politiki mbi, Abanyarwanda bashyira imbaraga mu gukora cyane. Ati “Umusaruro wavuyemo ni uko ibyagaragaraga nk’ ibidashoboka byashobotse. Urugero ni nko kongera kubaka ikizere amahoro no gukorera hamwe”
Umukuru w’ igihugu avuga ko Abanyarwanda badakwiye kwirara ngo bumve ko bageze iyo bajya nubwo hari byinshi bamaze kugeraho.

Perezida Kagame yavuze ko igisobanuro cyo kwibohora ari uguhindura ibyari bitameze neza bikamera neza. Yavuze ko ibyagezweho bigaragara ariko ko Abanyarwanda bagomba gukomeza kwicisha bugufi bakemera ko igikomeye ari ukubisigasira.

Umukuru w’ igihugu yasabye abanyarwanda gusigasira indangagaciro nziza. Ati “Ntituzongere kuyoba haba na rimwe. Tugomba gukomera kuri izi ndangagaciro tukazirinda, ubu no mu bihe bizaza”.

Yakomeje agira ati

“Ntabwo tuzongera guta inzira ngo tuyobe bibaho. Mbifurije mwese umunsi mwiza wo kwibohora”

Ibi biriro byitabiriwe n’ abaperezida 6 na Visi Perezida wa Nigeria. Uganda na Tanzania byahagarariwe na ba Minisitiri b’ Intebe.

Naho ibindi bihugu birimo na Repubulika ya demukarasi ya Kongo byahagarariwe na Ba Minisitiri.

Ibihugu birimo Leta zunze ubumwe za Amerika, u Burundi, na Hollande byahagarariwe na ba Ambasaderi babyo mu Rwanda.

Abakuru b’ ibihugu barimo Donald Trump wa Leta zunze ubumwe za Amerika, Valadmir Putin w’ Uburusiya na Jao Laurenco wa Angola boherereje Perezida Kagame ubutumwa bw’ ishimwe mu rwego rwo kwifatanya nawe ku munsi mukuru wo kwibohora u Rwanda rwizihije ku nshuro ya 25.

Ku rwego rw’ igihugu uyu munsi wizihirijwe kuri sitade amahoro. Abandi banyarwanda bateraniye ku masitade no mu midugudu baganira ku byo u Rwanda rumaze kugeraho mu myaka 25 ishize. Banumvira hamwe ubutumwa Perezida Kagame yageneye Abanyarwanda kuri uyu munsi wo kwibohora.


Muri sitade mpuzamahanga ya Huye abiganjemo abanyeshuri bakurikiye ijambo rya Perezida Kagame ku ndangururamajwi banamureba kuri televiziyo



Abaturage b’ akarere ka Huye bahuriye kuri Sitade Mpuzamahanga ya Huye baganira ku byagezweho mu myaka 25 ishize. Banakurikira imbonankubone ijambo Perezida Kagame yageneye Abanyarwanda kuri uyu munsi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...