konka coffee
KONKA

AMAKURU

UKWEZI
Minijust

‘Nta mwanya na muto dufite wo gutakaza mu gukora igikenewe’ Perezida Kagame [AMAFOTO]

‘Nta mwanya na muto dufite wo gutakaza mu gukora igikenewe’ Perezida Kagame [AMAFOTO]
25-03-2019 saa 14:53' | By Nsanzimana Ernest | Yasomwe n'abantu 2590 | Ibitekerezo

Perezida w’ u Rwanda Paul Kagame akaba n’ Umuyobozi w’ Umuryango w’ Ibihugu bigize EAC yavuze ko Abanyafurika nta mwanya bafite wo gutakaza kugira ngo birinde ko umubare munini w’ abari mu myaka yo gukora ubazaba utuye uyu mugabane mu myaka 100 iri imbere uzabe amahirwe aho kuba imbogamizi

Yabitangaje kuri uyu wa 25 Werurwe 2019, ubwo yatangizana inama ku mugaragaro inama nyafurika y’ abikorera izwi nka ‘Africa CEO Forum’.

Yavuze ko gushyira mu bikorwa amasezerano y’ isoko rusange rya Afurika, by’ umwihariko ku rwego rwa buri gihugu bizasaba ibiganiro bihoraho n’ ubwumvikane. Magingo aya igihugu kimwe nicyo gisigaye kitaremeza aya masezerano yashyiriweho umukono i Kigali tariki 21 Werurwe 2018.

Perezida Kagame yagaragaje ko guha urubuga ibigo nyafurika by’ ubucuruzi byose ari ingenzi kugira ngo Afurika ikomeze kwihuta.

Yakomeje avuga ko kuba mu myaka 100 iri imbere Afurika izaba ituwe na miliyari irengaho miliyoni bageze mu myaka yo gukora hakwiye gukorwa ibishoboka byose kugira ngo uyu mubare uzabe amahirwe aho kuba umutwaro kuri Afurika no ku Isi muri rusange.

Yagize ati “Mu gihe kitageze ku gisekuru biteganyijwe ko Afurika ariyo izaba ifite umubare munini w’ abageze mu myaka yo gukora. Nzi neza ko ibi mu maze igihe mubyumva. Ibyo bishatse kuvuga ko hazaba hari miliyari imwe na miliyoni z’ Abanyafurika bari mu myaka yo gukora. Umubare uzaba uruta uw’ Ubushinwa cyangwa Ubuhinde. Nta mwanya na muto dufite wo gutakaza mu gukora igikenewe kugira ngo iyi mibare iviremo Afurika ubutunzi bw’ ingirakamaro aho kuba umutwaro kuriyo cyangwa Isi muri rusange” .

Perezida Kagame yavuze ko myaka 100 iri imbere abagore bazaba ari 50% bityo ngo kugira ngo iterambere rya Afurika rigerweho bizasaba ko abagore bazaba bahabwa amahirwe angana n’ ay’ abagabo nabo bagatanga umusanzu wabo.

Iyi nama ya Africa CEO Forum iteraniye i Kigali ibaye ku nshuro ya 7, yitabiriwe n’ abarenga 1800 barimo abayobozi b’ ibigo by’ ubucuruzi, abafatanyabikorwa babo n’ abakuru b’ ibihugu barimo Felix Tshisekedi wa Repubulika ya Demukarasi ya Kongo, Fore Nyasimbe wa Togo na Sahle-Work Zewde wa Ethiopia ndetse na Minisitiri w’ Intebe wa Cote d’ Ivoire Amadou Gon Coulibaly.


Madamu Sahle-Work Zewde Perezida wa Ethiopia


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...