konka coffee
KONKA

AMAKURU

UKWEZI

Norvege: Umunyarwanda ukurikiranyweho uruhare muri Jenoside yatawe muri yombi

Norvege: Umunyarwanda ukurikiranyweho uruhare muri Jenoside yatawe muri yombi
8-06-2018 saa 09:58' | By Akayezu Jean de Dieu | Yasomwe n'abantu 5506 | Ibitekerezo

Kuri uyu wa Kane tariki 7 Kamena 2018, Umunyarwanda w’imyaka 50 y’amavuko wari ufite ubwenegihugu bwa Norvege yatawe muri yombi n’Urwego rw’Igihugu rushinzwe iperereza ku byaha (National Criminal Investigation Service, ’Kripos’), akurikiranyweho uruhare yasize agize muri Jenoside yakorewe Abatutsi muri Mata 1994.

Uyu mugabo utatangajwe amazina yatawe muri yombi kuwa Kabiri aho aramara ibyumweru bine ahatwa ibibazo naho bibiri muri ibyo byumweru akazaba afungiye ahantu ku buryo nta burenganzira na buke afite bwo gusurwa cyangwa kwakira impapuro zivuye hanze ya gereza nk’uko byatangajwe n’ikinyamakuru Xinhuanet.

Uru rwego rushinzwe iperereza rwavuze ko impamvu uyu mugabo yafashwe ari uko akekwaho uruhare mu bwicanyi bwahitanye benshi mu gihe cya Jenoside yakorewe Abatutsi. Uru rwego kandi rwavuze ko uyu mugabo yageze muri Norvege mu 2006 nk’impunzi, akaza guhabwa ubwenegihugu bwa Norvege mu 2014.

Umushinjacyaha, Espen Hanken, we aratangaza ko hakiri iperereza ryinshi ryo gukora imbere, akongeraho ko itabwa muri yombi ry’uyu mugabo ryubakiye ku makuru yaturutse mu Rwanda ndetse n’ingendo zo mu rwego rw’iperereza zakorewe mu Rwanda.

Uyu mushinjacyaha akavuga ko ikigenderewe ari uko uyu mugabo yazaburanishirizwa muri Norvege.

Igihugu cya Norvege ni kimwe mu bihugu nka Canada, u Buholandi, Suede na Leta Zunze Ubumwe za Amerika bimaze gufata cyangwa koherereza u Rwanda abakekwaho kugira uruhare muri jenoside yakorewe Abatutsi babihungiyemo. Norvege ikaba yaroherereje u Rwanda uwitwa Charles Bandora.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...