AMAKURU

UKWEZI

Niba Kayumba Nyamwasa ashaka kugaruka mu Rwanda, amarembo arafunguye - Amb. Karega

Niba Kayumba Nyamwasa ashaka kugaruka mu Rwanda, amarembo arafunguye - Amb. Karega
19-11-2018 saa 14:49' | By Vincent Nsengiyumva | Yasomwe n'abantu 3795 | Ibitekerezo 4

Ambasaderi w’u Rwanda muri Afurika y’Epfo, Vincent Karega, avuga ko amarembo afunguye mu Rwanda, mu gihe Kayumba Nyamwasa kimwe n’undi wese uri hanze y’igihugu bakeneye gutaha mu rwababyaye.

Ambasaderi Karega yabigarutseho nyuma y’iminsi mike Minisitiri w’Ububanyi n’Amahanga wa Afurika y’Epfo, Nonceba Lindiwe Sisulu, avuze ko Kayumba Nyamwasa yamusabye ko yagirana ibiganiro n’u Rwanda.

Mu kiganiro yagiranye na The East African Amb. Karega yavuze ko u Rwanda rutigeze na rimwe rugaragaza ko rukeneye ibiganiro na Kayumba Nyamwasa yongeraho ko nyirubwite aramutse yifuza gutahuka mu gihugu cye ko amarembo afunguye.

Yagize ati “ Si nigeze numva na rimwe u Rwanda rugaragaza ko rukeneye ibiganiro na Kayumba Nyamwasa, yewe na Afurika y’Epfo ntiyigeze igira icyo gitekerezo gusa ngo byavuzwe na Kayumba ko ashaka ibiganiro.”

Yunzemo ati “Umuntu yakwibaza ashaka biganiro ki, na nde? Mu nyungu za nde? Nk’umuntu wahoze ari ambasaderi, igitondo kimwe yagize atya avuga ko buri kimwe akiretse, ajya kwiturira muri Afurika y’Epfo.”

Ambasaderi Karega yakomeje avuga ko niba Kayumba yifuza kugaruka mu Rwanda kimwe na bagenzi be ko amarembo afunguye.

Yagize ati “Niba yifuza (Kayumba) kugaruka mu Rwanda, imipaka irafunguye kuri buri wese.”

Kayumba Nyamwasa washinze umutwe wa RNC ushinjwa gucura imigambi yo gutera no guhungabana umutekano w’u Rwanda, yasabye Minisitiri Lindiwe Sisulu kugirana ibiganiro n’u Rwanda mu gihe hari amakuru y’uko Leta y’u Rwanda igiye kohereza muri Afurika y’Epfo impapuro zigamije kumuta muri yombi.

JPEG - 210 kb

Ambasaderi w’u Rwanda muri Afurika y’Epfo, Vincent Karega avuga ko amarembo afunguye kuri Kayumba kuza mu Rwanda


INKURU ZA :
Tanga Igitekerezo
Ibitekerezo 4
Juvenal Munyanshongore Kuya 23-11-2018

Igihugu umuntu avukiramo,afitemo ubwenegihugu ari impano ahabwa n’Imana yonyine.

kwizera Kuya 21-11-2018

@Dukuze, byose biba uko ubyizeye. polse sana ko utrasobanukirwa. ariko Yesu ari ku ngoma kandi yaraducunguye twese. ukeneye gusobanukirwa n’urwo rukundo n’ubuntu bw’Imana. nkwifurije gufunguka amaso.

Karera Kuya 20-11-2018

Umuzimu wa Haryarimana ndabona wagarutse. So Kayumba natahe amarembo arafunguye nkuko n’inkotanyi bazibwiraga ngo zimanike amaboko zitahe. Ejo karega azaba avuga ko ba Nyamwasa ari imihirimbiri.
Ainya! Iditondo kimwe yarahagurutse buri kimwe arakireka ntakintu abaye ajya gutura muri Afurika y’ Epfo. Diplomacy y’ikinyoma ni karibu!

dukuze Kuya 19-11-2018

Bwana Ambassador,wikigiza nkana.Icyo Kayumba yahunze nawe urakizi neza.Aramutse atashye yafungwa,agasanga mukuru we muli gereza.Gusa abantu bajye bibuka ko twese turi abantu.Bareke kurwana cyangwa kwangana,ahubwo bakundane.Nicyo Imana idusaba.Twese dukundanye,isi yaba paradizo.Yaba ibyubahiro cyangwa ubukire,tujye twibuka ko twese tubisiga tukajya mu gitaka.Nubwo abanyamadini batubeshya ko tutaba dupfuye,ahubwo tuba twitabye imana mu ijuru.Ni ikinyoma.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...