AMAKURU

UKWEZI
ubumwe

‘Ntabwo nabaye umubyeyi mubi’ Perezida Kagame avuga uko yitaye ku bana b’ ingagi yise izina

‘Ntabwo nabaye umubyeyi mubi’ Perezida Kagame avuga uko yitaye ku bana b’ ingagi yise izina
6-09-2019 saa 15:33' | By Nsanzimana Ernest | Yasomwe n'abantu 2959 | Ibitekerezo

Perezida Kagame yasabye abaturage ba Repubulika ya Demukarasi ya Kongo, Uganda n’ u Rwanda baturiye pariki y’ Ibirunga uruhare rwabo mu kwita ku ngagi zo muri iyi pariki kugira ngo amafaranga ava mu bukerarugendo bwo gusura izi ngagi akomeze gufasha aba baturage mu iterambere.

Yabivugiye mu muhango wo kwita izina abana 25 b’ ingagi wabereye mu karere ka Musanze mu majyaruguru y’ u Rwanda kuri uyu wa 6 Nzeri 2019.

Muri uyu muhango ubaye ku nshuro ya 15, Perezida Kagame yavuze ko mu myaka 15 ishize we ubwe yise izina abana b’ ingagi b’ impanga kandi ko yakomeje kubitaho, ndetse umwe muri bo akaba ari umutware w’ umuryango.

Yagize ati “Mu myaka 15 ishize nagize amahirwe ubwanjye yo kwita izina abana b’ ingabi b’ impanga. Nk’ uko mwabyumvise ntabwo nabaye umubyeyi mubi, nabiseho, nishyuye amafaranga y’ ishuri kandi ku gihe. Nakoze uko nshoboye kandi byarashobokaga ko dutumanaho kuko muri aka gace hari internete na WIFI. Umwe muri abo bana yabaye ingenzi mu muryango Sliverback , izina ry’ iyo Silverback ni Ibyishimo”

Mu minsi ishize Leta y’ u Rwanda yahaye bamwe baturage b’ akarere ka Musanze, Nyabihu na Rubavu inka 720 mu rwego rwo kubashimira uruhare bagira mu kubungabunga pariki y’ ibirunga no kubafasha kwiteza imbere.

Perezida Kagame yibukije abaturage baturiye za Pariki ko 10 by’ amafaranga ava mu bukerarugendo akoreshwa mu bikorwa bibateza imbere.

Umukuru w’ igihugu yasabye abaturage ubufatanye mu kwita kuri za pariki avuga ko buzatuma u Rwanda rugira inshuti nyinshi.

Perezida Kagame yashimiye abise ingagi amazina kuri uyu munsi anashimira abarinda Pariki y’ Ibirunga ndetse n’ Ikigo cy’ Igihugu cy’ Iterambere RDB kireberera za pariki zo mu Rwanda.

Abise amazina abana b’ ingagi uyu munsi barimo umusore wo mu karere ka Karongi wahanze umuhanda wa km7, yise umwana w’ ingani ‘Nimugwire’.


Meddy

Meddy nawe ni umwe mu bantu 25 bise amazina abana b’ ingagi uwo yise akaba yamwise ‘Inkoramutima’. Uyu muhanzi w’ Umunyarwanda ariko ubarizwa muri Leta zunze ubumwe za Amerika afite indirimbo yakunzwe cyane yitwa ‘Inkoramutima’.

Umuhanzi w’ Umunyamerika NEYO nawe ni umwe mu bise izina abana b’ ingagi akaba uwe akaba yamwise ‘Biracyaza’


Niringiyimana Emmanuel wahanze umuhanda wa km 7 nawe yise izina




Umuhanzi wo muri Amerika NEYO yifatanyije n’ Abanyarwanda mu muhango wo kwita izina abana b’ ingagi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...