konka coffee
KONKA

AMAKURU

UKWEZI

Mpayimana Philippe yashinze Umutwe wa Politike mu Rwanda

Mpayimana Philippe yashinze Umutwe wa Politike mu Rwanda
4-11-2018 saa 11:23' | By Vincent Nsengiyumva | Yasomwe n'abantu 6373 | Ibitekerezo 1

Umunyapolitike Mpayimana Philippe yatangaje ko yamaze gushinga umutwe wa Politike mu Rwanda yise ‘Ishyaka ry’Iterambere ry’Abanyarwanda’ (Parti du Progres du Peuple Rwandais ‘PPR’).

Iri shyaka ryashyinzwe ku wa 28 Ukwakira 2018 mu Mujyi wa Kigali nk’uko bigaragara mu itangazo ryashyizwe ahagaragara n’ubuyobozi bwaryo.

Muri iri tangazo ryashyizweho umukono na Mpayimana Philippe akaba ari nawe muyobozi mukuru waryo, rivuga ko iri shyaka rigamije gukemura ibibazo by’abaturage no guharanira iterambere.

Riragira riti “Dushimishijwe no kumenyesha Abanyarwanda n’inshuti z’uRwanda, ko mu rwego rwo gufatanya n’abandi banyarwanda gukemura neza ibibazo by’abaturage no guharanira iterambere rirambye, twebwe Abanyarwanda bashyize umukono ku mahame remezo, dushinze umutwe wa politiki witwa Ishyaka ry’Iterambere ry’Abanyarwanda (PPR) Parti du Progres du Peuple Rwandais, i Kigali ku wa 28 Ukwakira 2018.”

Mpayimana Philippe yamenyekanye cyane muri politike yo mu Rwanda muri 2017 ubwo yavaga mu gihugu cy’Ubufaransa yabagamo akaza mu Rwanda gutanga Kwiyamamaza mu matora y’Umukuru w’igihugu yabaye muri Kanama 2017.

Kandidatire ya Mpayimana yaje kwemerwa maze ahatana n’abandi bakandida babiri bari bujuje ibisabwa barimo , Perezida Paul Kagame wari watanzwe n’Umuryango FPR Inkotanyi ndetse na Dr Frank Habineza wari watanzwe na Green Party.

Mpayimana Phillipe yaje gutsindwa aya matora y’umukuru w’igihugu, aho yabonye amajwi 0.73% gusa mu gihe Paul Kagame bari bahatanye yabahigitse ku bwiganze bw’amajwi 98,66%.

Nyuma yo gutsindwa amatora y’Umukuru w’igihugu, Mpayimana ntibyamuciye intege kuko yongeye kwiyamamaza ku mwanya w’Umudepite mu matora yabaye tariki 3 Nzeri 2018, nabwo ntibyamuhira ,birangira atabonye amajwi amwemerera kwinjira mu Nteko Ishinga Amategeko.


INKURU ZA :
Tanga Igitekerezo
Ibitekerezo 1
jibsonson Kuya 5-11-2018

U Rwanda n’igihugu gitanga uburenganzira n’umwanya ku muntu wese ushaka gukora ibitanyuranyije n’amategeko igihugu cyigenderaho niyo mpamvu irishyaka mpayimana ashinze niriba ryujuje ibisabwa ngoryemerwe gukora uburenganzira azabubona.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...