AMAKURU

UKWEZI
cheno 2020

Minisitiri w’intebe Dr Ngirente yasabye buri rugo gutera ibiti nibura 3 by’imbuto ziribwa

Minisitiri w’intebe Dr Ngirente yasabye buri rugo gutera ibiti nibura 3 by’imbuto ziribwa
21-01-2020 saa 13:10' | By Nsanzimana Ernest | Yasomwe n'abantu 1132 | Ibitekerezo 1

Minisitiri w’intebe w’u Rwanda Dr Edouard Ngirente yasabye Abaturarwanda gutera nibura ibiti bitatu by’imbuto ziribwa mu rwego rwo kwirinda kurya indyo ituzuye.

Yabitangarije mu karere ka Gisagara mu ntara y’amajyepfo kuri uyu wa Kabiri ubwo yari mu ruzinduko rw’akazi ari kugirira muri iyi ntara y’Amajyepfo.

yagize ati "Umwana wariye imbuto agira imirire myiza, ariko kandi urugo rurimo imbuto bashobora kuzigurisha bakaba bakwinjiza amafranga abafasha mu kwiteza imbere, buri rugo nibura rukagira ibiti bitatu by’imbuto".



Minisitiri w’ Intebe Dr Edouard Ngirente ubwo yateraga ibiti by’ imbuto mu mudugudu wa Kaburanjwiri

Dr Ngirente yari kumwe na Minisitiri w’ubuhinzi n’ubworozi Geraldine Mukeshimana, Minisitiri w’ubuzima Dr Diane Gashumba n’umunyamabanga wa Leta muri Minisiteri y’ubutegetsi bw’igihugu ushinzwe imibereho myiza y’abaturage Nyirarukundo Ignatienne.

Dr Ngirente yashimye ko akarere ka Gisagara gafite abana 14 bonyine bafite ikibazo cy ’imirire mibi ati "Ko byaba biryoshye!"

Umurenge wa Muganza niwo ufite abana benshi bagaragaraho imirire mibi muri aka karere aho ufite abana 7 ugakurikirwa na Kansi ifite 2

Meya Rutaburingoga yabwiye Dr Ngirente ko imyitwarire mibi irimo ubusinzi, kurwana, ubushoreke n’ibindi bikigaragara mu ngo zimwe na zimwe ariho haboneka abana bafite imirire mibi.

Dr Ngirente yasuye urugo mbonezamikurire rwo mu mudugudu wa Akabagagi mu kagari ka Munini Umurenge wa Kansi anatemberezwa umudugudu wa Kaburanjwiri wa mbere mu y’ intangarugero mu Ntara y’ Amajyepfo.

Nyiramfura Marie Louise, Umuyobozi w’ Urugo Mbonezamikurire rwo mu Mudugudu wa Akabagagi, rwasuwe na Minisitiri w’intebe avuga ko batangiranye abana babiri bafite imirire mibi ariko ngo ubu barakize. Ashimangira ko byari byaratewe n’uko ababyeyi batari bazi gutegura indyo yuzuye.

Ababyeyi bafite abana barererwa muri uru rugo mbonezamikurire bavuga ko byaborohereje kubonera abana indyo yuzuye, kuko abana babo basigaye bagira umunsi wo kunywa amata no kurya amagi buri cyumweru. Aba babyeyi bavuga ko kuba bahurira hamwe buri wa mbere bakiga gutegura indyo yuzuye byatumye bamenya uko itegurwa.

Minisitiri w’intebe w’u Rwanda Dr Edouard Ngirente yanasuye igishanga cya Ngiryi gihingwamo umuceri asaba abayobozi ba Koperative ihinga umuceri muri iki gishanga kurushaho gukorera mu mucyo.

Dr Ngirente kandi yanasuye Ivuriro rito rya Muyira agaragarizwa imbogamizi urwego rw’ubuzima ruterwa no kuba Ikigo cy’ igihugu cy’ ubwiteganyirize RSSB gitinda kwishyura ibitaro zirimo kuba ibitaro bigorwa no kubona imiti.

Minisitiri w’ Intebe yanasuye uruganda rw’amashanyarazi rwa Nyiramugengeri ruri kubakwa mu Murenge wa Mamba. Imirimo yo kubaka uru ruganda ruzatanga amashanyarazi angana na Megawatt 80 igeze kure ndetse biteganyijwe ko muri Kamena 2020 uru ruganda ruzaba rwatangiye gukora.


INKURU ZA :
Tanga Igitekerezo
Ibitekerezo 1
BOSCO Kuya 2-02-2020

INAMA IJYIYEKUBERAMURI ANGORA, IBIYIVUGIRWAMOBITUZANIRUBUSABANE(URWANDA_UGANDA)

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...