AMAKURU

UKWEZI
ubumwe

Minisitiri Shyaka ati ‘Nta gikuba cyacitse’, abaturage bati ‘Ntibyumvikana ukuntu ba meya begurira rimwe’

Minisitiri Shyaka ati ‘Nta gikuba cyacitse’, abaturage bati ‘Ntibyumvikana ukuntu ba meya begurira rimwe’
4-09-2019 saa 10:57' | By Nsanzimana Ernest | Yasomwe n'abantu 3051 | Ibitekerezo

Inkubiri yo kwegura kw’ abayobozi b’ uturere n’ ababungirije yakuruye ikiganiro kiganjemo impaka nyuma y’ uko Minisitiri w’ ubutegetsi bw’ igihugu Prof Shyaka Anastase avuze ko nta gikuba cyacitse.

Kuva mu gitondo cy’ ejo tariki 3 Nzeri 2019, abayobozi b’ uturere biganjemo ba Meya na Visi Meya bari kwegura umusubirizo abandi bakeguzwa.

Mu butumwa Minisitiri Shyaka yashyize kuri Twitter yavuze ko nta gikuba cyacitse ati “ Nta gikuba cyacitse! Ibi ni ibisanzwe mu gihugu nk’ u Rwanda, cyimakaza imiyoborere myiza, ishingiye ku buyobozi n’ ubushobozi byegerejwe abaturage, irangwa na demokarasi kandi ishyira imbere inyungu z’ umuturage n’iterambere ry’igihugu. DukomezeImihigo”.

Yakomeje avuga ko 2019 ari umwaka wa nyuma ushyira Icyerekezo2020. Ndetse ko ari umwaka uganisha hafi muri 1/2 cy’ Icyerekezo cya gahunda ya guverinoma y’ imyaka 7 NST2024.

Ati “Nta gihe cyo gutakaza! Buri Karere gafite inyota y’ubuyobozi bwiza, bukora neza, butuma bagera ku mibereho myiza y’abaturage n’ iterambere bifuza”

Yongeyeho ati “Uyu munsi mu Nzego z’Ibanze: Bamwe mu bayobozi b’inzego z’ibanze barasaba Njyanama kwegura cyangwa Njyanama ikabeguza nk’uko biteganwa n’amategeko. Ibi byatewe n’ imikorere yabo itari myiza no kutageza ku baturage ibyo babemereye”.

Nubwo Minisitiri Shyaka avuga ko nta gikuba cyacitse hari abasanga igikuba cyacitse kuko abayobozi b’ uturere begurijwe rimwe bakibaza impamvu Njyanama z’ uturere zegurije rimwe abayobozi.


Ku rundi ruhande ariko hari bamwe mu baturage bashyigikiye ko abayobozi begura igihe badashoboye guhigura ibyo bahize batitaye uko kubeguzwa byakorwamo.
Bamwe mu baturage basanga kweguza abayobozi bidakwiye gukorerwa umunsi umwe ko ahubwo igihe umuyobozi agaraariyeho ikosa akwiye guhita yeguzwa.

Bamwe mu baturage basanga kweguza abayobozi bidakwiye gukorerwa umunsi umwe ko ahubwo igihe umuyobozi agaraariyeho ikosa akwiye guhita yeguzwa.


Ibi ni bimwe mu bitekerezo byinshi byashyizwe ku rubuga rwa twitter bivuga k’ ukwegura kw’ abameya na ba Visi meya byatangiye ku munsi w’ ejo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...