konka coffee
KONKA

AMAKURU

UKWEZI

Minisitiri Nduhungirehe yavuze uko umugore we yavugirijwe induru muri Quartier Matheus

Minisitiri Nduhungirehe yavuze uko umugore we yavugirijwe induru muri Quartier Matheus
5-06-2018 saa 13:18' | By Chief Editor | Yasomwe n'abantu 20836 | Ibitekerezo 84

Kuva kuri uyu wa Mbere tariki 4 Kamena 2018, hari impaka z’urudaca ku bayobozi bakuru b’igihugu ndetse n’abanyarwanda b’ingeri zitandukanye ku bijyanye n’imyambarire y’abakobwa by’umwihariko b’abanyeshuri, abayobozi nabo bakaba batavuga rumwe kuri iyi ngingo ndetse baravuguruzanya mu buryo bugaragara. Ubwo Amb. Nguhungirehe yasubiza umwe mu bo bajyaga impaka, yanahishuye ibyabaye ku mugore we ubwo yari anyuze mu mujyi wa Kigali rwagati.

Bijya gutangira kuri uyu wa Mbere, Umunyamabanga wa Leta muri Minisiteri y’Ububanyi n’Amahanga, Ubutwererane, n’Umuryango w’Ibihugu bya Afurika y‘Iburasirazuba, Nduhungirehe Olivier, yanenze abahoza abana b’abakobwa ku nkeke babaziza imyambarire yabo igezweho, asaba ko bakwiye kureka kubinjirira mu buzima cyane ko igihe tugezemo umuntu agomba gukora ibijyanye n’amahitamo ye. Ibi kandi yabishyigikiwemo n’abandi bantu batandukanye barimo Minisitiri w’Ubutabera Busingye Johnston.

Olivier Nduhungirehe ati: "Birarambiranye ko abana b’abakobwa bahozwa ku nkeke kubera imyambarire yabo. Ibi ntabwo bihuye n’igihe tugezemo. Ufite ikibazo hano ntabwo ari umukobwa wambaye ijipo, ahubwo ni umugabo uhora umureba, akamugenzura maze akamugenera ibyo yambara. Tugomba kurenga kuri iyi myumvire iri hasi."

Ibi byakuruye impaka ndende ku mbuga nkoranyambaga cyane cyane urubuga rwa Twitter. Abantu benshi bakomeje kugaragaza aho bahagaze kuri iyi ngingo, muri abo hakaba harimo n’Umuyobozi mukuru w’Itorero ry’Igihugu, Edouard Bamporiki we ugaragaza ko gucyaha abana bitandukanye no kubashyira ku nkeke.

Bamporiki ati: "Gucyaha umwana ugamije ineza ye n’iyumuryango mugari byatandukanywa no gushyirwa ku nkeke. Guhana no guhanura biganisha ku kugorora uwacu twikanze ko yagorekwa n’imigirire ye ubwo, ishobora no kubangamira abandi, ni umuco tudakwiye gutatira. Aba bana ni Abacu."

Minisitiri w’Umuco na Siporo, Uwacu Julienne, nawe yagize icyo avuga kuri iyi ngingo, agaragaza ko muri rusange iterambere ridakwiye gutuma Abanyarwanda bibagirwa umuco no kwihesha agaciro. Abinyujije ku rubuga rwa Twitter ati: "Nibyo uburere, umuco n’iterambere ni ingenzi cyane. Twiyemeje gushingira ku ndangagaciro zirimo Kwiha Agaciro, kwiyubaka no kubaha abandi mu kubaka u Rwanda twifuza. Imigirire, imikorere n’imyitwarire mibi duharanire kubihindura twese."

Uwitwa Abayisenga Jean Bosco, yabajije Amb. Nduhungirehe niba yaba yaraganiriye na ba nyir’ubwite cyangwa abantu bambara bakikwiza, ari naho uyu muyobozi yahereye amusobanurira uko byagendekeye umugore we. Abayisenga ati: "Olivier Nduhungirehe n’abandi bashyigikiye iriya myambarire, mwaba mwaraganiriye na ba nyir’ubwite? Ese mwaganiriye n’abatambara izo mpenure? Mbese mwaganiriye n’abayobozi b’ibigo by’amashuri abo mushyigikiye bigamo? Mwaganirije ababyeyi babo se?"

Mu kumusubiza, Olivier Nduhungirehe ati: "Naganiriye na Madamu wanjye. Birampagije. Muri 2014, yavugirijwe induru n’imburamukoro muri Quartier Matheus, ziramukurikirana ari ikivunge, agomba guhungira mu iduka maze akizwa na polisi. Ni urwibutso rubi cyane kuri we. Kubw’ibyo, nta masomo na makeya nkeneye kuri iyi ngingo!"

Ese ubundi amabwiriza ya Minisiteri y’Uburezi yo abivugaho iki?

Ingingo ya 24 mu mabwiriza ya Minisitiri w’Uburezi yo kuwa 10 Gicurasi 2017 ashyiraho imirongo migari ishingirwaho n’ishuri mu gushyiraho amategeko ngengamikorere y’ishuri ry’incuke, iribanza n’iryisumbuye, igaragaza ko abakobwa babujijwe kwambara imyenda migufi. Iyi ngingo igaragaza ko imyambarire y’abana b’abakobwa igomba kuba ifite ibipimo shingiro bikurikizwa.

Iyi ngingo igira iti: "Mu gihe bari ku ishuri, abanyeshuri bose bagomba kwambara umwambaro wagenwe n’ishuri. Abanyeshuri b’abakobwa bagomba kwambara impuzankano y’ishuri igera munsi y’amavi kandi itagera hasi cyane."

Aya mabwiriza kandi anabuze abanyeshuri kudefiriza, gusiga inzara n’ibindi bikorwa bigaragara nk’ibirungo by’ubwiza ku bagore n’abakobwa, cyangwa se binafatwa ku rundi ruhande nk’ibigezweho benshi babona nk’ibigendanye n’igihe.


INKURU ZA :
Tanga Igitekerezo
Ibitekerezo 84
Breezy Kuya 13-06-2018

Ark rwandans what’s going on with you?????
We don’t dress to impress Ubuse ko umuco nyarwand wari ukurira kumbehe nibande baziriraho iwabo
Ntimugakabye

breezy Kuya 13-06-2018

ariko rwandans what’s wrong with ikibazo sukwambara mini jupe ikibazo nimwe bagabo(akenshi) bimburamukoro mwumv mwatugenera uko twambara we don’t dress to impress
Ubuse ko umuco nyarwand wari ukurira kumbehe nibande baziriraho iwabo
Ntimugakabye

alias Lambert Kuya 10-06-2018

ariko ntimukavuge ngo kera byari byemewe kwambara amashabure. ntimukitiranye ibihe; icyo ghe byari byemewe gusaba ugahabwa, byari byemewe guterura n’ibindi. ubu ibo byavuyeho. abagore bahawe icyubahiro, iyo umwifuje, uramusaba yakwima uki coacha

alias Lambert Kuya 10-06-2018

ariko ntimukavuge ngo kera byari byemewe kwambara amashabure. ntimukitiranye ibihe; icyo ghe byari byemewe gusaba ugahabwa, byari byemewe guterura n’ibindi. ubu ibo byavuyeho. abagore bahawe icyubahiro, iyo umwifuje, uramusaba yakwima uki coacha

Jack Kuya 10-06-2018

Aba bayobozi bize ibi koko? Muzabajyane mwitorero ry, igihugu bige kirazira zumuco ryarwanda. Ducyeneye abayobozi bintangarugero for example His excelence

christine Kuya 8-06-2018

Mu by’ukuri numva ari uburenganzira bwabo kwambara uko bashatse n’uwo muco muvuga,sinumva icyo mwita umuco kuko iyo turebye amafoto y’abanyarwandakazi bo muri za 70 bambaraga muni jupe kandi zikababera naho ibyo bamwe bita umuco bazashake ibitabo byo sociologie basome basobanukirwe umuco icyo aricyo.ikindi ntimukabyite kwambara ubusa, kuri jye iyo mvugo ni ihohotera.

nge Kuya 8-06-2018

Hari benshi nifuza gusubiza cyane cyane abarengera bwana minister !!! ndetse bishobotse nawe asome ububutumwa:

umwe ati kera bambaraga ishabure!! kera ntanganda zikora imyenda zariho zihagije. ndetse nicyimenyimenyi nusoma amateka urasanga barabanzaga kwambika izo shabure abagore nabakobwa .muguhisha imyanya yabo yibanga.
none naho imyenda yabonekeye kubwinshi ngo bambare nkuko bambaraga ishabure. waba umeze nkinka bagaburira kumbehe bikarangira igarutse kurira hasi!!! twibuke amateka yaranze ubuvumbuzi bwamuntu: abantu batangiye kwambara nabisanze mubice bikonja aho batangiye kwambara impu barwanya imbeho. naho muri africa batangiye kwambara murwego rwo guhisha ibice byibanga kubantu bakuze. reka ntaruke da ninjire mwisi ya none! hahhh urareba umunyaburayi uri kumucanga yambaye imyenda yo kogana cy kubera climat. nawe ukirirwa uyitemberana utazi nicyo bivuze, harinabo duhura umusonga wenda kumwica ariko agapfira ifiyeli . sinanze kobambara iyo myenda da ariko icyo ukoze mugihe cyitaricyacyo numwanda. ngaho imyenda yo kurarana niyo ujyanye gusenga, iyo gusenga .. naho uwo mugore wanyakubahwa, ntabwo wanyumvishako urusha ubwenge abantu bose bo murikaritie .ahubwo wakwigaya impamvu abantu bose batishimiye imyambarire yawe ukikosora. please .ntimugashake ku mvikanisha ikibi ko gikwiriye kurekwa. ese imyenda uzambara wagera mubandi ugashaka kwicara kuntebe zinyuma ngo abarimbere bagukingirize yaba ikumariyiki ???

Sandy uwera Kuya 7-06-2018

Gouvernement yurwanda ugomba gushyiraho itegeko ribuza abagabo cyangwa ahandi bantu kureba umuntu kuko nayo ni sexual harassment kuko hano muri america ntamuntu ugomba kugenda areba unfi

Uwera sandy Kuya 7-06-2018

Hoya njye sindenganya nduhungirehe kuko uwomuco muvanga nubuturage bwiwanyu mubyaro mugashaka kuwusangiza abantu Bose njye birandambiye ariho muhera mwicira ubuzima abana babakobwa ngo nindaya kandi ntawurusha MWe mwirirwa gutiya mwambaye ibikabakaba uburaya.yewewe nduhungirehe ndamwemeye rwose nuwambe.mumen

Uwera sandy Kuya 7-06-2018

Hoya njye sindenganya nduhungirehe kuko uwomuco muvanga nubuturage bwiwanyu mubyaro mugashaka kuwusangiza abantu Bose njye birandambiye ariho muhera mwicira ubuzima abana babakobwa ngo nindaya kandi ntawurusha MWe mwirirwa gutiya mwambaye ibikabakaba uburaya.yewewe nduhungirehe ndamwemeye rwose nuwambe.mumen

Ahaa Kuya 7-06-2018

Agahugu katagira umuco karacika. Abayobozi nkamwe nimwe mukora ibara kubera kutagira umuco.kwumva ko mutagomba guhannywa.ibyiza wakwegura. Kuko ntushoboye gusigasira umuco ntunabishaka.uragirango U Rwanda ruzasibangane ku ikarita.
Umuco uri mu bituma igihugu kiba igihugu kandi kigatandukana n ikindi
Ururimi ,umuco,drapeau nibyo bigize igihugu

Kibasumba Kuya 7-06-2018

Ariko se iyo myambaro mudukwiza itaraza hambarwaga iki? Muri mwe hari uwibutse ko hambarwaga ISHABURE?ese icyo gihe ni uko nta muco wari mu gihugu? Ese icyo gihe abambaye ishabure bagumaga munzu? Ese abagabo nta maso bagira icyo gihe? Ko batahaga induru abambaye ishabure? Gusa nihatandukanywe umwambaro wagenwe bitewe ni amabwiriza runaka nk’uwishuli cg ni ahandi hagenwe amabwiriza y’imyambarire byubahirizwe ariko mubuzima bwo hanze buri wese yisanzure mu guhitamo ibyo yambara umuhaye induru abihanirwe kuko simbona ikosa uwambaye bigufi aba akoreye uwo umuha induru. Mu biduca mumaso byose siko biba biyaryoheye ariko birasimburana kandi byose bigomba kubaho . Ubonye uwambaye bigufi utabikunda reba hirya ni umurya urwara ubihanirwe. Umunyeshuli cg undi nawe warenze kumabwiriza y’imyambarire yirukanwe ajye gushaka ijyanye ni isabwa ! Ikibazo kiri he?

Peter Kuya 7-06-2018

YIBWIRIZE YEGURE HAKIRI KARE nabwo n,ubutwari!!!

Kay Kuya 7-06-2018

Buri muntu afite uburenganzira bwo kwambara uko abyumva .Olivier ndagushyigikiye rwose. Apfa kuba ntategeko na limwe yangije ibindi nibigambo byanyu

mucaka Kuya 6-06-2018

njye numva ikibazo atari imyambarire gusa, twagakwiye guhindura imyumvire tukumvako dukwiye gukora ibidufitiye umumaro ntanganzwa nabo biruka kumugore bamureba ngo nuko yambaye ibigufi, ese ubwo ari umuhungu wambaye ikabutura nawe bamwirukaho ! abasambanya abana se ni uko baba bambaye ibigufi !
ko mbona abambara za nzakagendana aribo akenshi baciye ibintu ! ese icyo mwita impenure ni iki ! ko Abantu batabibona kimwe
mureke amagambo ahubwo hakorwe ubukangurambaga abantu bamenye ko iki ngenzi ari kubungabunga ubuzima banirinda gusambanya abana

Toto Kuya 6-06-2018

Apuuu ndumva rya terambere abategetsi batubwira ryoroshye kurigeraho birahagije kwambara ubusa nkumugore wa Hon. Nduhungirehe ubundi tugakata umujyi bityo na myumvire yo hasi bakunze kudushinja tukaba turayirenze. Dore umuyobozi nkaba umuyoboke.
Ngabo ba Bavugirije

Charles Kuya 6-06-2018

Cyo se Nyakubahwa! Uru rubwa uraruhungira he koko? Kandi umenye ko umwera uturutse i bukuru bucya wakwiye hose. Wanga kugarura ihene igihebeba ukazahebeba nkayo. Iyi ni imigani ya Kinyarwanda idukebura.

Man Kuya 6-06-2018

Ibi rinwe na rimwe buri gutuma Ababa bashobora kwitwara nabi,.
Uracyaha unwana ibikuba bigacika NGO bamunanije.
Watumaho umubyeyi we ugasanga bahuje imyumvire. Wabura icyo ukora ukamureka akikorera ibyo yishakiye igihe cyazagera akahava.
Ariko btibikwiye, ikibi nikivugwe gikosorwe.

Willy Kuya 6-06-2018

Gushyigikira impenure nugusuzugura amabwiriza ya MINEDUC

Claudine Kuya 6-06-2018

Mbega umuco nyarwanda nuko uteye burya? iyo uhuye n’utameze nkawe cg akora ibyo udakora wemerewe kumuvugiriza induru nk’igisambo? Ibyo byonyine ntibibereka ko dufite ikibazo cy’umuco hafi ya twese? Utawishe ku buryo bumwe awica ku bundi kandi akumva ariwe uwubahiriza. Ngaho nimukomeze mworore iho myitwarire muzabona aho izatugeza, dore aho nibereye....

MAHORO Kuya 6-06-2018

Yewe Minister yarakoze kuduha ayo makuru, twari twarumvise umugore wahawe inkwenene kubera kwambara impenure, agahungira mu iduka bakamutiza igitenge, nubwo byaguteye ihahamuka ariko we byamuhaye isomo mu gihe nta masomo ukeneye.
Nkeka ko atacitse muri ziriya nzira ariko ubu asigaye ahanyura yambaye neza kandi nta numenya ko yahanyuze.
Ibyo Minister avuga rero sinemeranya nawe aribyo abana be ntiyajya abakangara niba atabakangara abakozi babarera barabikora, ntabwo umwana yajya mu cyondo ngo amureke ngo ni uburenganzira bwe. No mu mashuri kugira amategeko agenderwaho mu myambarire n’imyitwarire ni ngombwa kandi nkeka no muri gouvernement nabo barayagira nubwo ntarahagera:
urugero: sindabona uwabaye Minister yongera gusangirira n’abajama inzoga mu kabari yanyweragamo. Kuki? kandi ari uburenganzira bwe kubana nabo ashaka?
Niba Amb. Olivier yarabonye imico myinshi, ntabwo yayivanga ntiyayishobora, Rero kugira indangagaciro zituranga byaba byiza kurushaho,

webusasa Kuya 6-06-2018

ariko buriya niki gituma umuntu yigaragaza nkumuntu utarize cyagwa utari umunyarwanda ayo niamahame yemurugorwe ntakabizane mubanyarwana

alias Kuya 6-06-2018

nyakubahwa minister nawe wize ugashigikira za mpenure umuco nyarwanda muhoza kuma radio mubamuta umwanya bajye bambara bikwize izo ntegezabo nayomakariso ntabyodushaka kureba nibitumasira gusa cyo tegeka abakobwa bawe abe aribyo bambbara

Habimana Kuya 6-06-2018

Yego ni imburamukoro kuko iyo baza kuba bafite icyo bakora, ntibari kubita ngo biruke inyuma yibyo bita ko ibikozasoni

Justine Kuya 6-06-2018

Umukecuru umwe yabonye umukobwa barikumwe yambaye mini yabuze uko yica akajya ikinga ikiganza kuri iyo jipo ngo ikariso yambaye itagaragara,maze aramwitegereza arangije aramubwira ngo" unaniwe gukwirwa n’ijipo wiguriye urakwirwa n’ikiganza!!!?ubwo se yaramubwiye nabi cg yaramucyashye?naho ministri ni defense kuko iyo abona abo bantu bakoze ibidakorwa,polisi iba yarabafunze akaregera indishyi z’akababaro.

akaje Kuya 6-06-2018

uhemukiye Uwo mukenyezi ejo unzashima nabazaba barongorenira mumuhsnda cg kuhadambanire

jeanne Kuya 6-06-2018

birababaje kweli Ese bahabwa akazi barize cg ????

denise Kuya 6-06-2018

niko nduhungirehe we ubwo ntumaze guhaga koko ngo abantu nimburamukoro ese nkubaze harurya avuye iwawe UMURENGWE GUSA UMURENGWE UMUBYEYI YAMBARA UBUSA NTA SONI nta bubyeyi mbonye aho

Mutesi Kuya 6-06-2018

yewe ,disi iyo ubivuga ntushiremo umugore wawe,ubu azongera kunyurahe ko umuteje abi isi.hama hamwe usebe usebane nabawe.

Mukerarugendo Pascal Kuya 6-06-2018

Koko hariho umuntu wumuyobozi wemezako gukebura abadamu n’abako bwa kutambara ubusa ari ugutoteza? Ubuse iterambere ryataye umuco ryo ryatugeza he? Niba hari nabagabo bambara nabi nabo tubakebure. Dushaka u Rwanda rwambara neza.

Mukerarugendo Pascal Kuya 6-06-2018

Koko hariho umuntu wumuyobozi wemezako gukebura abadamu n’abako bwa kutambara ubusa ari ugutoteza? Ubuse iterambere ryataye umuco ryo ryatugeza he? Niba hari nabagabo bambara nabi nabo tubakebure. Dushaka u Rwanda rwambara neza.

Eric Kuya 6-06-2018

Rimwe na rimwe tujya tuvuga ngo umuntu ni smart kuko yambaye iby’igiciro cyangwa ibyo tubona bibereye amaso ariko kuba smart ni ukwimenya naho uwo muyobozi buriya iyo uri umuyobozi hari indi sura uba wambaye bivuze ko ibyo wavuga byo ababyumva ntibabyumva nkawe ahubwo bakubona mundorerwamo y’umwanya ufite mubuyobozi rero abayozi nibyiza ko ibitekerezo byanyu mubanza kubigenzura mbere yo kubitanga murakoze

gakuba Kuya 6-06-2018

ninde ufite imyunvire yo hasi!!! nu wambara akikwiza, cyangwa nu wambara abantu bakamushungera ! abantu cyane abayobozi bajye bitondera ibyo bavuga! niyo bo byaba ali ibitekerezo byabo byi myumvire yo hejuru

Jules Kuya 6-06-2018

Kirazira m’umuco Nyarwanda Umudamu wiyubashye kwambara Impenure!!! Impenure zambara indaya!!!

Jules Kuya 6-06-2018

Kirazira m’umuco Nyarwanda Umudamu wiyubashye kwambara Impenure!!! Impenure zambara indaya!!!

Jules Kuya 6-06-2018

Kirazira m’umuco Nyarwanda Umudamu wiyubashye kwambara Impenure!!! Impenure zambara indaya!!!

Mahoro Kuya 6-06-2018

Ko utagiye imbere ya HE kurahira c wambaye icupa nyakubahwa??!! Umugore wawe wari waguherecyeje se we kuki yari yacyenyenyeye?? Iterambere mu myumvire ryari ritarabageraho??!!! Nyakubahwa kirazira ni inkingi ikomeye y’umuco.

Mahoro Kuya 6-06-2018

Ko utagiye imbere ya HE kurahira c wambaye icupa nyakubahwa??!! Umugore wawe wari waguherecyeje se we kuki yari yacyenyenyeye?? Iterambere mu myumvire ryari ritarabageraho??!!! Nyakubahwa kirazira ni inkingi ikomeye y’umuco.

Gasake Kuya 6-06-2018

Ndumiwe koko,!ubwo abanyarwanda bose bemere ko kwambara impenure ari byiza kubera ko muka Nduhungirehe yavugirijwe induru? Ahubwo se Nduhungirehe ntiyakagombwe kwibaza impamvu Mme we nk’umudamu w’umuyobozi kuri ururwego agenda mumuhanda atikwije? ubu se we bimuhesheje akahe gaciro?

mimi Kuya 6-06-2018

ntampamvu nimwe nyakubahwa wacu atari kubishyigikira kandi numugore we aribyo yambara.
ubundi se yita abantu imbura mukoro harujya kurya iwe?
kuki se umugore we bavugirije inkwenene nuko ariwe musirimu bari babonye?
ahubwo mbere yo gukemura ibyabandi yagakwiye kubanza gukemura ibyiwe.

ngaho Kuya 6-06-2018

Nyakubahwa niba utakwambara kamba mbiri n’ikariso yo kogana ngo ujye munama y’abandi ba ministers ni nako abana badakwiye kujya ku ishuri bambaye umukandara ngo ni ijipo; maze nibataha bitewe nuko murugo babayeho ibyo nta comment; kumbe umugore wawe niwe wavugirijwe induru!!!! pole kabisa ariko. nawe warwaye ihahamuka kubera icyo gikorwa warabibonye ko ntaterambere ririmo; uko mbyumva iterambere ni ubukire si ukwiyandarika kugihugu ho reroiterambere rivuze ko abenegihugu babayeho neza si ukwambara ubusa; jye sindi umuyobozi ariko ndi umunyarwanda; kubwanjye ntibikwiye? umugore w’umuyobozi; ese ubwo murusha umubyeyi ubereye urwa ubusirimu? muzarebe ukuntu yambara urebe uko umwana we w’umukobwa yambara mubone kwiyita ko mwateye imbere; mumbabarire niba nkosheje ni igitekerezo cyanjye.

Peter Kuya 6-06-2018

Ngize impungenge ku bushobozi n’imiyoborere ya Bwana Nduhungirehe! Ashobora kuba hari ibyo ashoboye gukora n’ibyo ashoboye ariko akagira ikibazo cyo kutamenya kubitandukanya, byose akabivangamo bikarangira ayobeje abamuhanze amaso/abo areberera. Ngo umugore wa we baramukwennye bitewe n’imyambarire ye itamwubahishije none ubise imburamukoro! Oya, ahubwo baramucyashye. Kugirango ubihinyuze, uzamugurire imyenda yiyubashye maze ayambare asubireyo urebe ko abo wise imburamukoro zongera kumukwena. Ntazo azabona. Si we bakwennye, bakwennye imyenda. Ni nayo mpavu yinjiye mu iduka bakamutiza igitenge akagikenyera agasohoka akinjira mu modoka akagenda.
Cyakora sinabura kugushimira ko unsubije ikibazo nibajije nkibona your initial thoughts. Nahise nibaza kumyambarire y’umugore wa we n’abakobwa ba we.
Bwana Olivier, hari imyenda yo kwambara mu buriri, itandukanye n’iyo mu rugo. Ndetse bigatandukana n’iyo gusohokana, yemwe n’iyo mubirori.
Reka nsoze nkwibutsa aka kantu. Ko ujya kurahira uwo mugore wa we ataje yambaye izo mpenure? Uzarebe amafoto, uzasanga yari yambaye bimwubahishije ndetse byubahisha abanyarwanda.

ngaho Kuya 6-06-2018

Nyakubahwa niba utakwambara kamba mbiri n’ikariso yo kogana ngo ujye munama y’abandi ba ministers ni nako abana badakwiye kujya ku ishuri bambaye umukandara ngo ni ijipo; maze nibataha bitewe nuko murugo babayeho ibyo nta comment; kumbe umugore wawe niwe wavugirijwe induru!!!! pole kabisa ariko. nawe warwaye ihahamuka kubera icyo gikorwa warabibonye ko ntaterambere ririmo; uko mbyumva iterambere ni ubukire si ukwiyandarika kugihugu ho reroiterambere rivuze ko abenegihugu babayeho neza si ukwambara ubusa; jye sindi umuyobozi ariko ndi umunyarwanda; kubwanjye ntibikwiye? umugore w’umuyobozi; ese ubwo murusha umubyeyi ubereye urwa ubusirimu? muzarebe ukuntu yambara urebe uko umwana we w’umukobwa yambara mubone kwiyita ko mwateye imbere; mumbabarire niba nkosheje ni igitekerezo cyanjye.

Peter Kuya 6-06-2018

Ngize impungenge ku bushobozi n’imiyoborere ya Bwana Nduhungirehe! Ashobora kuba hari ibyo ashoboye gukora n’ibyo ashoboye ariko akagira ikibazo cyo kutamenya kubitandukanya, byose akabivangamo bikarangira ayobeje abamuhanze amaso/abo areberera. Ngo umugore wa we baramukwennye bitewe n’imyambarire ye itamwubahishije none ubise imburamukoro! Oya, ahubwo baramucyashye. Kugirango ubihinyuze, uzamugurire imyenda yiyubashye maze ayambare asubireyo urebe ko abo wise imburamukoro zongera kumukwena. Ntazo azabona. Si we bakwennye, bakwennye imyenda. Ni nayo mpavu yinjiye mu iduka bakamutiza igitenge akagikenyera agasohoka akinjira mu modoka akagenda.
Cyakora sinabura kugushimira ko unsubije ikibazo nibajije nkibona your initial thoughts. Nahise nibaza kumyambarire y’umugore wa we n’abakobwa ba we.
Bwana Olivier, hari imyenda yo kwambara mu buriri, itandukanye n’iyo mu rugo. Ndetse bigatandukana n’iyo gusohokana, yemwe n’iyo mubirori.
Reka nsoze nkwibutsa aka kantu. Ko ujya kurahira uwo mugore wa we ataje yambaye izo mpenure? Uzarebe amafoto, uzasanga yari yambaye bimwubahishije ndetse byubahisha abanyarwanda.

Peter Kuya 6-06-2018

Ngize impungenge ku bushobozi n’imiyoborere ya Bwana Nduhungirehe! Ashobora kuba hari ibyo ashoboye gukora n’ibyo ashoboye ariko akagira ikibazo cyo kutamenya kubitandukanya, byose akabivangamo bikarangira ayobeje abamuhanze amaso/abo areberera. Ngo umugore wa we baramukwennye bitewe n’imyambarire ye itamwubahishije none ubise imburamukoro! Oya, ahubwo baramucyashye. Kugirango ubihinyuze, uzamugurire imyenda yiyubashye maze ayambare asubireyo urebe ko abo wise imburamukoro zongera kumukwena. Ntazo azabona. Si we bakwennye, bakwennye imyenda. Ni nayo mpavu yinjiye mu iduka bakamutiza igitenge akagikenyera agasohoka akinjira mu modoka akagenda.
Cyakora sinabura kugushimira ko unsubije ikibazo nibajije nkibona your initial thoughts. Nahise nibaza kumyambarire y’umugore wa we n’abakobwa ba we.
Bwana Olivier, hari imyenda yo kwambara mu buriri, itandukanye n’iyo mu rugo. Ndetse bigatandukana n’iyo gusohokana, yemwe n’iyo mubirori.
Reka nsoze nkwibutsa aka kantu. Ko ujya kurahira uwo mugore wa we ataje yambaye izo mpenure? Uzarebe amafoto, uzasanga yari yambaye bimwubahishije ndetse byubahisha abanyarwanda.

Natal Kuya 6-06-2018

Hahahaaa, bwana minister nawe wize kweli? Imburamukoro zo ziramaze kuko na mayor ushatse wamwita yo kuko umurusha amafaranga. Ariko ibaze kuba izo ntuza zirukanka ku mugore wa nyakubahwa nkawe nyuma ukanashyigikira ko zamuhohoteye! Uko byagenda kose niba anari zo ni inyarwanda zizi umuco tugenderaho kuko iyo zitawumenya ziba zarabanje no gusogongera ku bintu byawe byari byanitse hanze.

Omar Kuya 6-06-2018

Ibi byo birandenze.Byatangiye numva aruguharanira uburenganzira(rights) bwa muntu, ariko noneho nsanze ari mechanism de defense kuko byabaye kuri Madame wawe@ Hon.Ambassador. Nibyo koko warakomeretse kubona umugore wae akomerwa n’abo wise imburamukoro,ariko ntibikwiye ko abana b’ u Rda bambara izo mpenute ngo ni amajyambere.Iyo biza gushimwa n’abo yanyuzeho,ntibari kumukwena ahubwo bari kumufataho urugero rwiza.
Tumenye aho turi.
1)piscine
2)douche
3)Church
4)Night club
...

figo Kuya 6-06-2018

Harya buriya ababa bari Matheus ni IMBURAMUKORO? Kuko badakorera mu bureau cg kuko ntacyo baba bakora hariya? Kandi nyamara hariya nakekaga ko hafatiye runini ubukungu bw’igihugu! Kereka niba imburamukoro ari abashunngereye uwo mubyeyi uretse ko niba yaratambutse ku mugaragaro sinibaza ko utarashimye imyambarire ye yavaho yitwa imburamukoro. Naho impenure zo ntizikwiye mu muco wacu pe! By’umwihariko mu mashuri abana baba bakwiye gushyirwa muri conditions zibafasha kurushaho gushyira umutima ku byo biga kuruta ibibarangaza. Ibyo kwambara uko bashaka bifite ahandi bakwiye kubikorera atari ku ishuri.

J.de Dieu Kuya 5-06-2018

Ngo ni imburamukoro? Ndumiwe pe !!!!!!!!!!!

Gahima Alphonse Kuya 5-06-2018

Maze yanarangiza ati ""nta masomo nkeneye"!!! We se ko ashaka kuyaha abandi? Nyakubahwa rwose gabanya kwishongora, kuko ibyo uvuga nta shingiro bifite. Nyine umugore wawe baramukomereye kuko yari yambaye ibitamuhesha agaciro. None rero uragirango abanyarwandakazi bose bajye babakomera? Turabyamaganye

777/999 R/E Kuya 5-06-2018

Ariko njye noneho muranyumije kubwo kuvugira/guharanira umuco utagihari!
Ubu se hari itegeko mu Rwanda ry’uko Abantu bambara usibye impuzangano y’ishuri cg company n’ibindi bigo, mbona rero iby’umuco tutanabitindaho dore ko mbona ntanicyakorwa ngo uwo muco ukomeze nkuko byahoze.
Isi aho igeze, u Rwanda aho rugeze mu iterambere ntushobora guhuza iterambere n’umuco ngo bishoboke kuko iterambere bisobanuye:
* Kwigira, ariko wihuza n’abandi mumigirire no mumikorere utari usanganwe
* Kuva muntera wari uriho ukajya kuyisumbuyeho
*Kwigana imikorere y’abandi n’imivugire nibindi byinshi...
Iyo ibi byose bihuriranye nibwo ujya kumva ukumva ngo kanaka yateye imbere, cg bati igihugu cyateye imbere. Nuko biba byagenze, ariko iyo witegereje usanga muri ryaterambere hivanzemo n’imico y’ahandi kugirango bibe imvange koko aribyo nasobanuye haruguru, ubwo bisobanuyeko ntaterambere ritavangiye ribaho!
Ibya Olivier NDUHUNGIREHE NA BUSINGYE J. rwose mubyihanganire, gusa nuko mwabyumvise nabi bamwe n’amarangamutima akaza.

Mami Kuya 5-06-2018

Abanyarwanda niyo mpamvu bicana. Nuko ari abanyamatiku. Umuntu iyo akuze aba azi icyo akora, nicyo ashaka. No getera imbere bizabagora kuko bareba ibitabareba.

Hirwa Kuya 5-06-2018

Ese ubwo uri Minister koko cg uri ikitegererezo !?Apuuuu!!!ndakugaye ntakigenda.

Hirwa Kuya 5-06-2018

Ese ubwo uri Minister koko cg uri ikitegererezo !?Apuuuu!!!ndakugaye ntakigenda.

Theo Kuya 5-06-2018

Ariko umenya hari abayobozi batubwira ibyo nabo batemera....ngo dusubize ibibazo tugendeye Ku muco wacu kdi bizadufasha muri byinshi....mu bigezweho tujonjore ibidufasha....none ngo kwambara impenure Ku bana nibigezweho....bikavugwa na minister cyangwa ni ukwihimura ko bakomereye umugore wawe none se niba Atari yambaye kibyeyi ntiyambre nkumwana ntanambare ubwo urumva Atari ashek
eje abamureba koko....

Kankazi Kuya 5-06-2018

Nyine umugore we baramukwennye kubera kwambara ntiyikwize!!!None c arashaka ko n’abana bacu bazajya babaha inkwenene???Ubwo s’ukongerera polisi akazi?????

chaha Kuya 5-06-2018

ndagushyigikiye pe,ni ugusuzugura abagore kuko umuntu agomba kwambara ibyo ashaka.abo bamukomeraga bashakaga iki?b

Abel Kuya 5-06-2018

Impamvu abamuvugirije induru uhita imbura mukoro nuko bari bicayd aho yabasanzs gusa sinibaza ko icyo bahakodaga ukizi sinibaza impamvu utibaza icyatumye bamuvuGIRIZA induru iyaza kuba yiyubashye nabo bari kumwubaha ntawari kumwubahuka

Abel Kuya 5-06-2018

Impamvu abamuvugirije induru uhita imbura mukoro nuko bari bicayd aho yabasanzs gusa sinibaza ko icyo bahakodaga ukizi sinibaza impamvu utibaza icyatumye bamuvuGIRIZA induru iyaza kuba yiyubashye nabo bari kumwubaha ntawari kumwubahuka

Nkusi Norbert Kuya 5-06-2018

Ngayo nguko! Abayobozi baragwira ariko noneho uyuwe aranyumije! Bwana Nduhungirehe se niba umugore wawe baramuhaye inkwenene kubera imyambarire ubwo noneho Ababa bo ntibiyambarira nka Adamu na Eva? Birababaje kumva umuyobozi nkawe ashyigikira amafuti nkayo ngo ntibijyanye nigihe tugezemo,igihe tugezemo se nikihe! Hari igihe cyo kwiyandarika kibaho niba kandi kinabaho ubwo niwowe ukigezemo nabawe wishaka kubisangiza abandi ngo ubihindure ibya rusange! Abayobozi nkaba ejo uzasanga bashyigikiye nubutinganyi bimwe President yavugaga ngo niby’abahaze bicara bakavuga ngo icyo dushigaje gukora niki ubundi bagahanga ayo mahano.

1 | 2
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...