AMAKURU

UKWEZI
ubumwe

Abanyeshuri bitabiriye ibizami bya Leta bisoza amashuri abanza 2019 biyongereyeho ibihumbi 30

Abanyeshuri bitabiriye ibizami bya Leta bisoza amashuri abanza 2019 biyongereyeho ibihumbi 30
4-11-2019 saa 09:43' | By Nsanzimana Ernest | Yasomwe n'abantu 1999 | Ibitekerezo 2

Umunyamabanga wa Leta muri Minisiteri y’ Uburezi ushinzwe amashuri abanza n’ ayisumbuye Dr Isaac Munyakazi yatangije ibizami bya Leta bisoza amashuri abanza 2019 yifuriza amahirwe masa abanyeshuri bose babyitabiriye.

Yabitangirije muri G S Kimisagara mu karere ka Nyarugenge mu mujyi wa Kigali kuri uyu wa Mbere tariki 4 Ugushyingo 2019.

Yagize ati “Ndabifuriza amahirwe, mukurikize neza amabwiriza, mwitonde mwumve neza ibibazo, kandi ibyo muzabikomeze mu minsi yose y’ibizami”.

Muri uyu mwaka wa 2019 abanyeshuri biyandikishije gukora ibizami bya Leta bisoza amashuri abanza ni 286 087 bavuye kuri 255 578 muri 2018. Bivuze ko biyongereho 30 509 bahwanye na 11,9%.

Umubare w’ Ibigo by’ amashuri byatanze abakandida wavuye ku 2 753 ugera ku 2 823 bivuze ko hiyongereho ibigo 70 bihanye na 2,5%.

Umubare w’ ibigo bikorerwaho ibizami bya Leta bisoza amashuri abanza wavuye 871 ugera kuri 938. Bivuze ko byiyongereyeho 67 bihanye na 7,7%.

Umubare w’ abahungu wavuye ku 115 771 ugera ku 131 748. Bivuze ko biyongereyeho 15 977 bahanye na 13%.

Umubare w’ abakobwa wavuye ku 139 807 ugera ku 154 339. Bivuze ko biyongereho 14 532 bahanye na 10,4%

Kuri Gs Kimisagara hahuriye abanyeshuri 927 bavuye mu bigo 5 mu buryo bukurikira Gs kimisagara, 523, APEK 54, APADERWA 60, EP Kamuhoza 197, EP Muganza 93. Ibizami birakorerwa mu byumba 37. Ibizami bikorwa uyu munis ni Imibare, Social & religious studies.




INKURU ZA :
Tanga Igitekerezo
Ibitekerezo 2
MINANIjeanclaude Kuya 5-11-2019

nibyishimo kuba abana burwa bitabiriye ibizamini bya leta

Damascene Kuya 4-11-2019

Gusa birababaje batanga umwanya mukazi bagashyiraho amatangazo bagapiganwa ari benshi naho nyirumwanya ahari muzavuganire.barwanda rugufi kuko akazi kabona uwifite? Murakoze

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...