AMAKURU

UKWEZI
ubumwe

Kwibohora25: Muhanga abaturage biguriye imodoka y’ umutekano ya miliyoni 21

Kwibohora25: Muhanga abaturage biguriye imodoka y’ umutekano ya miliyoni 21
5-07-2019 saa 13:44' | By Nsanzimana Ernest | Yasomwe n'abantu 732 | Ibitekerezo

Abaturage bo mu murenge wa Nyamabuye akarere ka Muhanga buri wese uko yifite bakusanyije amafaranga bigurira imodoka yo kubafasha gucunga umutekano no kubungabunga isuku.

Iyi modoka bayimurikiwe kuri uyu wa 4 Nyakanga 2019, ubwo u Rwanda rwizihizaga ku nshuro ya 25 Umunsi mukuru wo kwibohora. Ku rwego rw’ akarere uyu munsi mukuru wizihiriwe muri sitade ya Muhanga.

Iyi modoka abakarani bo mu mujyi wa Muhanga bayitanzeho ibihumbi 40. Bavuga ko iyi modoka izabafasha gucunga umutekano.

Umwe muri bo yagize ati “Hari igihe abantu bashobora gushyamirana bakarwana ikaza kubafasha kugemura ibibazo byabo”.

Rev. Pasiteri Nkundiye Theophile yavuze ko iyi modoka abaturage biguriye ari ikimenyetso cyo kwibohora nyako.

Ati “Kwibohora nyako, ni ukwibohora ingoyi y’ ubukene, umwanda, ndetse n’ umutekano muke. Iyi modoka buriya izunganira cyane cyane mu irondo ry’ umwuga. Ibyo ntibyigeze bibaho bibaye ubu ng’ ubu”.

Umuyobozi w’ Akarere ka Muhanga, UWAMARIYA Beatrice avuga ko iyi modoka izunganira izindi akarere gasanzwe gafite kuko wasangaga zifite inshingano nyinshi.

Yagize ati: “Ndashimira abaturage uruhare rwabo kuko iriya modoka izajya ibagoboka mu bikorwa byihutirwa kandi bitunguranye.”

Mu bindi bikorwa by’Iterambere Abaturage bavuga begerejwe harimo Urugomero rw’Amashanyarazi rwa Nyabarongo, indege zo mu bwoko bwa Drones zitwara amaraso y’abarwayi ndetse n’imihanda ya Kaburimbo yubatswe mu Mujyi.


Meya Uwamariya Beatrice ashimira abaturage batanze umusanzu bakigurira imodoka


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...