konka coffee
KONKA

AMAKURU

UKWEZI
Minijust

‘Kubera Perezida Kagame u Rwanda rwahindutse bandebereho mu kubungabunga ubuzima’ Bill Gates

‘Kubera Perezida Kagame u Rwanda rwahindutse bandebereho mu kubungabunga ubuzima’ Bill Gates
11-02-2019 saa 12:04' | By Nsanzimana Ernest | Yasomwe n'abantu 1728 | Ibitekerezo

Umuherwe w’ Umunyamerika William Henry Gates III (Bill Gates) yashimye intambwe u Rwanda rugezeho mu kubungabunga ubuzima muri Afurika avuga ko iyi ntambwe u Rwanda ruyikesha Perezida Paul Kagame.

Bill Gates yahuriye na Perezida Kagame Addis Abeba muri Ethiopia mu nama ya 32 y’ abakuru b’ ibihugu na za guverinoma bigize Umuryango wa Afurika yunze ubumwe yabitangarije mu butumwa yashyize kuri twitter.

Yagize ati “Kubera Paul Kagame, u Rwanda rwahindutse bandebereho mu kubungabunga ubuzima ku mugabane. Twagiranye ibiganiro by’ ingenzi ku kamaro k’ ishoramari rikomeje mu kubungabunga ubuzima”

Bill Gates ni umwe mu bafashe ijambo ku wa Gatandatu mu nama ya Afurika yunze ubumwe yibanze k’ ubuzima. Uyu muyobozi wa Microsoft utunze miliyari 96.6 z’ amadorali ya Amerika ni umwe mu bateye inkunga Kaminuza y’ Ubuvuzi bw’ abatishoboye iherereye mu karere ka Burera, yatashywe ku mugaragaro na Perezida Kagame tariki 25 Mutarama 2019.

U Rwanda ni kimwe mu bihugu byafashe icyemezo cyo guca ikoreshwa rya za palasitiki mu rwego rwo kurengera urusobe rw’ ibinyabuzima.

U Rwanda kandi rwashyizeho gahunda ya siporo rusange ‘Car Free Day’ mu rwego rwo guhangana n’ indwara zitandura zirimo kanseri, umutima, umuvuduko w’ amaraso n’ izindi. Iyi siporo yatangiye iba rimwe mu kwezi ariko yaje kugera aho itangira kuba kabiri mu kwezi bisabwe na Perezida Kagame.

Ibindi bihugu birimo na Kenya nabyo byatangije iyi siporo mu rwego rwkurinda abaturage babyo indwara zitandura.

Bill Gates ashima gahunda yo kuba u Rwanda rukomeje kwegereza abaturage Poste de Sante, gahunda y’ Abajyanama b’ Ubuzima ndetse no kuba abana 90% bakingirwa.


Perezida Kagame na Bill Gates


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...