konka coffee
KONKA

AMAKURU

UKWEZI

Ishyaka Green Party ryasabye REMA kwamagana no gukumira abakomeje kwangiza ibidukikije

Ishyaka Green Party ryasabye REMA kwamagana no gukumira abakomeje kwangiza ibidukikije
5-06-2018 saa 10:35' | By Akayezu Jean de Dieu | Yasomwe n'abantu 1144 | Ibitekerezo

Mu gihe u Rwanda rwifatanya n’Isi yose mu kwizihiza umunsi mpuzamahanga wahariwe kurengera Ibidukikije tariki ya 5 Kamena, Ishyaka Riharanira Demokarasi no Kurengera Ibidukikije m’u Rwanda,ryongeye kwibutsa abanyarwanda n’abatuye isi ko kurengera ibidukikije ari ingirakamaro kuko nta kintu na kimwe cyagerwaho mu mibereho ya buri munsi ndetse no mw’iterambere ry’abatuye isi birengagije ndetse ntibarengere ibidukikije.

Muri iki gitondo cyo kuwa Kabiri tariki 5 Kamena 2018, nibwo iri Shyaka Riharanira Demukarasi no Kurengera Ibidukikije mu Rwanda, ryashyize ahagaragara itangazo rigenewe abanyamakuru ryashyizweho umukono n’Umuyobozi w’iri shyaka, Dr Frank Habineza , aho abayoboke ba DGPR basabye Leta y’u Rwanda n’abo bireba bose gusuzuma ndetse no guhagarika abakora ibikorwa bigira ingaruka mbi kubidukikije.

Muri ibyo harimo ibikorwa by’ubucukuzi bw’amabuye y’agaciro na kariyeri bukorwa mu kajagari hamwe na hamwe mu gihugu kubera ko bubangamiye ibidukikije ndetse bikaba bikorwa nabi ugasanga haraho bamena imicanga, ibyondo n’ibitaka byavuye aho bacukuye muburyo butanoze cyangwa hadakwiriye noneho imvura yagwa ikabisuka mu mazi cyangwa mu migezi ibyo bikagira ingaruka zirimo ibura ry’amazi n’ingufu z’amashanyarazi.

Muri iri tangazo kandi ishyaka riharanira Demukarasi no kurengera ibidukikijye mu Rwanda, ryasabye Ikigo cy’Igihugu gishinzwe Kurengera Ibidukikije (REMA), gukurikirana aho ibikorwa by’itemwa ry’ibiti byo gucana n’ibyo kubakisha kugira ngo bihagarare ndetse hashakwe ubundi buryo bworohera abaturage harimo gukoresha ibyuma mukwubaka ndetse n’igiciro cya GAZ kigabanuke kugira ngo ikoreshwa ry’ibiti riveho burundu ndetse n’abubaka amagorofa bakoresha ibiti ku bikwa ahakagombye gukoreshwa ibyuma, ibyo bikagira ingaruka y’igabanuka n’icyendera ry’ibiti n’ibinyabuzima bimwe na bimwe n’iyangirika ry’umutungo kamere ndetse n’ihumanywa ry’ikirere.

Ishyaka DGPR kandi rirakangurira abanyarwanda muri rusange gushishikarira gufata amazi y’imvura ndetse no kwirinda kujugunya imyanda aho biboneye kuko bigira ingaruka mugukamya ibiyaga, inzuzi n’ibishanga kubera isuri n’imyanda byoherezwamo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...