AMAKURU

UKWEZI
RPF

Inkubiri yo kweguzwa yageze i Huye, Meya n’abamwungirije batakarijwe icyizere baregura

Inkubiri yo kweguzwa yageze i Huye, Meya n’abamwungirije batakarijwe icyizere baregura
31-05-2018 saa 14:11' | By Chief Editor | Yasomwe n'abantu 4672 | Ibitekerezo 3

Mu gihe muri iyi minsi hari inkubiri yo kwegura ku bushake no kweguzwa bitewe n’inyito zitandukanye bihabwa na komite njyanama z’uturere, mu karere ka Huye naho byahageze aho Meya n’abamwungirije babiri batakarijwe icyizere na Njyanama bagahita beguzwa.

Inama Njyanama y’akarere ka Huye, iyobowe na Perezida wayo Dr Ngabitsinze Jean Chrysostome, yiteranye iri kumwe n’abajyanama b’akarere bahurira mu nama idasanzwe aho ingingo zari ku murongo w’ibyigwa hari harimo gusuzuma raporo y’umugenzuzi Mukuru w’Imari ya Leta 2016-2017 no kuganira ku mikorere y’inzego z’Inama Njyanama.

Mu myanzuro ikomeye y’iyi nama, harimo gutakariza icyizere Komite nyobozi yose igizwe na Meya na ba Visi Meya babiri. Kayiranga Muzuka Eugene wari Umuyobozi w’Akarere; Mutwarasibo Cyprien wari Umuyobozi w’Akarere Wungirije ushinzwe ubukungu na Niwemugeni Christine wari umuyobozi w’Akarere wungirije ushinzwe imibereho myiza y’abaturage bose begujwe nk’uko byemejwe na Dr Jean Chrysostome Ngabitsinze, Perezida wa Njyanama ya Huye, mu kiganiro n’Ikinyamakuru Ukwezi.com.

Dr Ngabitsinze Jean Chrysostome ati: "Reka rero mbikubwire, Inama Njyanama idasanzwe ifashe icyemezo cyo gukuraho icyizere Nyobozi yose. Impamvu ya mbere ni uko batigeze bashyira mu bikorwa inama twabagiriye nk’Inama njyanama. Ikindi ni ibibazo bikomeye byagaragajwe n’Umugenzuzi Mukuru w’Imari ya Leta, byerekeye imishinga minini. Twabahaye umwanya uhagije wo kwisobanura ariko byarangiye abajyanama batanyuzwe."}

Perezida wa Njyanama ya Huye, Dr Ngabitsinze Jean Chrysostome

Dr Ngabitsinze yadutangarije ko uretse kuvanwa ku buyobozi bw’akarere, banakuwe ku rutonde rw’Abajyanama b’Akarere, raporo bakaba bagiye kuyishyikiriza Guverineri w’Intara y’Amajyepfo kugirango habe hanashakwa abazayobora akarere by’agateganyo.


INKURU ZA :
Tanga Igitekerezo
Ibitekerezo 3
lievre poli Kuya 31-05-2018

nibaveho Bose Wenda natwe Imana yatwibuka ubundi Bose ntimuba mwabasizeho Ku kimenyane ugirango nuko baba bashoboye?aha niho bazajya bagaragarira gusa umuco wo guterura ukarambika Ku ntebe WO ucike mu Rwanda kko ureze mu nzego zose zimirimo ya leta.

Bayizere Davide Kuya 31-05-2018

Murahoneza
Ncuti

john Kuya 31-05-2018

tour du Rwanda igeze I huye

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...