AMAKURU

UKWEZI
pax

Ibyo wamenya ku bagororwa Perezida Kagame yababariye barimo abari barakatiwe gufungwa burundu

Ibyo wamenya ku bagororwa Perezida Kagame yababariye barimo abari barakatiwe gufungwa burundu
20-05-2020 saa 09:40' | By Chief Editor | Yasomwe n'abantu 20298 | Ibitekerezo 6

Kuwa mbere tariki ya 18 Gicurasi 2020, mu nama y’Abaminisitiri idasanzwe yateranye hifashishijwe ikoranabuhanga, Perezida wa Repubulika yamenyesheje Inama y’Abaminisitiri ko yahaye imbabazi umuntu umwe, n’imbabazi rusange abakobwa mirongo itanu (50) bari barakatiwe n’inkiko kubera icyaha cyo gukuramo inda.

Inama y’Abaminisitiri kandi yemeje Iteka rya Minisitiri ryemeza ifungurwa ry’agateganyo ry’abagororwa 3596 bahamwe n’ibyaha binyuranye.

Muri iyi nkuru turabagezaho byinshi kuri aba bantu bagera kuri 51 babariwe na Perezida n’abandi bafunguwe by’agateganyo bagera ku 3596.

Nyuma y’uko ibi byemezo by’inama y’abaminisitiri bisohotse, abantu benshi bakomeje kwibaza ku mbuga nkoranyambaga ku muntu umwe wababariwe na Perezida wa Repubulika ndetse n’impamvu abakobwa 50 bihekuye baba barahawe imbabazi na Perezida wa Repubulika.

Mu kiganiro kirambuye ikinyamakuru Ukwezi cyagiranye na Minisitiri w’Ubutabera, Johnston Busingye yasobanuye ko uwo muntu umwe impamvu atavugiwe hamwe n’abandi 50 atari uko ari umuntu wihariye mu bundi buryo, ahubwo ngo ni uko atari mu cyiciro kimwe n’abandi bababariwe mu mbabazi rusange zari zigenewe abakuyemo inda.

Minisitiri Johnston Busingye yabwiye ikinyamakuru Ukwezi ko ubusanzwe imbabazi za Perezida ziba ziri mu byiciro bibiri.

Yavuze ko abantu bahuriye ku kintu runaka cyane cyane icyaha bahamijwe n’inkiko, bashobora guhabwa imbabazi n’Umukuru w’igihugu, ariko ngo binashoboka ko umuntu umwe ashobora guhabwa imbabazi n’umukuru w’igihugu nk’uko amategeko abimwemerera. Ibi ninabyo byabaye hakavugwa umuntu umwe n’abandi 50 bafite icyo bahuriyeho.

Gusa nk’uko byasohotse mu igazeti ya Leta, uwo muntu umwe wavuzwe ko yababariwe na Perezida Kagame ni Madamu UWASE Jaribu Jacqueline wahawe imbabazi ku gihano cy’igifungo yari asigaje ku gihano cy’igifungo cy’imyaka icumi (10) yari yakatiwe mu mwaka ushize wa 2019.

Minisitiri Busingye yavuze kandi ko ibyo bitandukanye n’ifungurwa ry’agateganyo ku bagororwa benshi nk’uko inama y’Abaminisitiri yemeje Iteka rya Minisitiri ryemeza ifungurwa ry’agateganyo ry’abagororwa 3596 bahamwe n’ibyaha binyuranye.

Aha yasobanuye ko abagororwa bakatiwe igifungo kitarengeje imyaka itanu, iyo barangije kimwe cya gatatu cy’igifungo cyabo baritwaye neza, Urwego rw’imfungwa n’abagororwa rukabatangira ubuhamya ko bitwaye neza kandi ko ari abantu bagera hanze bakaba ingirakamaro n’inyangamugayo, Minisitiri ufite ubutabera mu nshingano ze ashobora gukora iteka ribafungura by’agateganyo, hanyuma Inama y’Abaminisitiri yaryemeza bagafungurwa.

Mu gihe uwakatiwe yahawe igihano cy’igifungo kirenze imyaka itanu, icyo gihe bisaba ko kugirango abe yafungurwa by’agateganyo yaba yararangije byibura bibiri bya gatatu by’igifungo yari yarakatiwe kandi nabwo bikabanza kwemezwa ko yagize umwanya wo kwicuza no guhinduka kuburyo bitanga icyizere ko afunguwe yazaba ingirakamaro.

Kuki abagore bakuyemo inda bababariwe na Perezida wa Repubulika ? Icyo cyaha ntabwo kigikomeye ?

Umunyamakuru yasobanuje Minisitiri Busingye impamvu aba bakobwa bakuyemo inda babariwe. Yasobanuye ko ababariwe, nk’uko binagaragara ku myirondoro wabo wasohotse mu igazeti ya Leta, barimo n’abari barakoze icyaha cyo kwihekura, bakica abana babo bamaze kubabyara. Muri aba babariwe bagera kuri 50, barimo abari baragiye bakatirwa igihano cy’igifungo mu byiciro bitandukanye.

JPEG - 37.2 ko

Minisitiri w’Ubutabera akaba n’Intumwa nkuru ya Leta y’u Rwanda, Johnston Busingye

Minisitiri Busingye yabwiye ikinyamakuru Ukwezi ko impamvu bababariwe atari uko icyaha cyoroheje ahubwo ngo ni amahirwe ya kabiri bahawe n’Umukuru w’igihugu kugirango abereke ko igihugu kitabatereranye, ariko ngo babone uko basubira mu muryango nyarwanda bitwararike bashake uko bazabera ingirakamaro igihugu cyababyaye.

Aha yagize ati : "Baba abakuyemo inda n’ababyaye abana bakabica ari byo byitwa kwihekura, usanga ari ibyaha baba barakoze nyuma yo kugira ibyago bagaterwa inda, hakabamo abo imiryango ihita yirukana ikimenya ko batwite, hakabamo abagira ingorane zitandukanye, byabashobera bagakora icyo cyaha, abenshi usanga batarengeje imyaka 25. Aya mahirwe ya kabiri baba bahawe n’Umukuru w’igihugu rero ni ayo kugirango babone ko batatereranywe, ariko basubire mu buzima busanzwe bazi ko bagomba kwitwararika n’icyatumye bagwa mu mutego wo gutwara inda bakakirinda"

Aha kandi Minisitiri Busingye yasobanuye ko mu bari batekerejweho ko bababarirwa harimo n’abafashije abo bababariwe gukuramo inda ariko ngo byaranze, byabaye ngombwa ko bo bakomeza gufungwa.

Yavuze ko basanze umuntu wese ufasha umukobwa gukuramo inda, we atagomba kubabarirwa cyane ko uyikuramo yanabiterwa n’ingaruka gutwita byamugizeho akotswa igitutu mu muryango, bene abo babafasha gukora icyo cyaha bakaba bakwiye kumenya ko uwo babifashije ashobora kubabarirwa bo bagasigaramo.

NIBA USHAKA KUREBA URUTONDE RW’ABABABARIWE N’ABAFUNGUWE BY’AGATEGANYO KANDA HANO :

PDF - 1.4 Mo

INKURU ZA :
Tanga Igitekerezo
Ibitekerezo 6
Nitwa ntabudakeba anastasie Kuya 22-05-2020

Ikibonzo nuko bababariye abahamwe nicyaha gusa kandimubyukuri harimwabandi bamazemo umwaka barimuminsi mirongwitatu nabo kubwanjye ndumva bareba ukobabigaho bakaburanishya cyangwa bakabarekura nicyo gitekerezo narimfite murakoze

Nitwa ntabudakeba anastasie Kuya 22-05-2020

Ikibonzo nuko bababariye abahamwe nicyaha gusa kandimubyukuri harimwabandi bamazemo umwaka barimuminsi mirongwitatu nabo kubwanjye ndumva bareba ukobabigaho bakaburanishya cyangwa bakabarekura nicyo gitekerezo narimfite murakoze

Nitwa ntabudakeba anastasie Kuya 22-05-2020

Ikibonzo nuko bababariye abahamwe nicyaha gusa kandimubyukuri harimwabandi bamazemo umwaka barimuminsi mirongwitatu nabo kubwanjye ndumva bareba ukobabigaho bakaburanishya cyangwa bakabarekura nicyo gitekerezo narimfite murakoze

Nitwa ntabudakeba anastasie Kuya 22-05-2020

Ikibonzo nuko bababariye abahamwe nicyaha gusa kandimubyukuri harimwabandi bamazemo umwaka barimuminsi mirongwitatu nabo kubwanjye ndumva bareba ukobabigaho bakaburanishya cyangwa bakabarekura nicyo gitekerezo narimfite murakoze

Umutoni chadia Kuya 20-05-2020

Ndabona barekuye abakoze ibyaha bindi havuyemo abatanze ruswa naba genocide

mugisha sam Kuya 20-05-2020

urakoz

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...