AMAKURU

UKWEZI
cheno 2020

‘Hatangiye kuboneka icyizere ko umubano w’ u Rwanda na Uganda ushobora kumera neza’ Min. Biruta

‘Hatangiye kuboneka icyizere ko umubano w’ u Rwanda na Uganda ushobora kumera neza’ Min. Biruta
8-01-2020 saa 15:44' | By Nsanzimana Ernest | Yasomwe n'abantu 1755 | Ibitekerezo

Minisitiri w’ Ububanyi n’ amahanga n’ ubutwererane akaba n’ umuvugizi wa Guverinoma y’ u Rwanda yavuze ko Uganda yatangiye inzira nziza iganisha ku mubano mwiza hagati yayo n’ u Rwanda, avuga ko umubano w’ u Rwanda na Afurika y’ Epfo nawo uri kumera neza.

Dr Vincent Biruta yabitangarije mu kiganiro yagiranye n’ abanyamakuru kuri uyu wa 8 Mutarama 2019, aho yanakomoje ku magambo yatangajwe na Perezida w’ u Burundi Pierre Nkurunziza ashinja u Rwanda kugaba ibitero mu Burundi.

Ku mubano w’ u Rwanda na Afurika y’ Epfo , avua ko wagiye utera imbere, ndetse avuga ko Afurika y’ Epfo yashyizeho undi ambasaderi uyihagariye mu Rwanda nyuma y’ uko uwari uyihagarire yari yahamagajwe agasubira iwabo.

Minisitiri Biruta avuga ko kuba Afurika yaratoye itegeko ribuza impunzi gukorerayo ibikorwa bya politiki ari icyemezo cyiza nubwo cyatinze ngo kiziye igihe.

Dr Biruta yabajijwe niba hari igihe Rwanda Day izabera muri Afurika. Avuga ko hari igihe yari igiye kubera muri Senegal –Dakar biranga ariko ngo hari icyizere ko hari igihe izabera muri kimwe mu bihugu bya Afurika.

Mu kwezi kwa Nzeri umwaka ushize inama y’ ibihugu bigize Afurika y’ Iburasirazuba yarasubitswe yimurirwa mu gihembwe cya 1 cya 2020, Minisitiri Biruta avuga afite icyizere ko itazongera gusubikwa kuko byari byatewe n’ uko hari igihugu muri 6 bigize EAC cyari cyasabye ko isubikwa.

U Rwanda na Uganda hari kuvuka icyizere

Minisitiri Dr Vincent Biruta yavuze ko bitewe n’ uko Uganda yarekuye abantu 9 mu bo ifunze ari intangiriro nziza itanga icyizere ko mu gihe Uganda yakomeza kurekura abanyarwanda ifunze umubano waba mwiza.

Akomeza avuga ko Uganda nikomeza inzira yatangiye hari igihe u Rwanda ruzakuraho inama rugira abanyarwanda yo kutajya muri Uganda kuko ikibazo kizaba cyafuyeho.

Yagize ati “Haracyari benshi bagifunze nibafungurwa bose tuzakomeza kuganira, kandi natwe ubwo tuzaba tubibona , tuzakora ibitureba cyane cyane kubwira Abanyarwanda ko umutekano umeze neza ko bashobora kujyayo mu mudendezo, ko ubucuruzi bushobora gukorwa, ibicuruzwa bikagenda, bikanaza ariko noneho n’ abantu bakaba bizeye ko nta ngorane bari bubigiremo”.

Ibi bibaye mu gihe mu mpera z’ ukwezi gushize kwa 12 Perezida Kagame yakiriye intumwa ya Perezida Museveni yari imuzaniye ubutumwa ku mubano w’ ibi bihugu.

Mu kiganiro Perezida Kagame aheruka kugirana n’ abanyamakuru yavuze ko we n’ iyi ntumwa bagiranye ibiganiro byiza birimo kubwizanya ukuri yongeraho ko igisigaye ari ukubishyira mu bikorwa.

Ku gitero Perezida w’ u Burundi avuga ko yagabweho n’ u Rwanda, Umuvugizi wa Guverinoma y’ u Rwanda Dr Biruta avuga ko u Rwanda rutigeze rugaba igitero ku Burundi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...